tgoop.com/iftixorim_tilim/5725
Last Update:
Tashqi reklama vositalari qonuniy joylashtirilishi shart
Hurmatli tadbirkorlar tuman ko‘chalarida joylashgan tashqi reklamalar; peshlavha, e’lon va boshqa axborot matnlarining “Davlat tili haqida”gi hamda “Reklama to‘g‘risida”gi Qonunlarga rioya qilgan holda o‘rnatish yoki tarqatish tavsiya etildi.
Xo‘sh, tadbirkorlar qanday holda noqonuniy reklama tarqatuvchi sifatida jarimaga tortiladi?
- Tashqi reklama vositasini boshqa tillarda tarqatsa (Istisno tariqasida reklama mazmunining tarjimasi ma’nosini buzib ko‘rsatmasligi, umumiy reklama maydonining qirq foizidan oshmasligi, davlat tilidagi reklama matni harfining o‘lchamidan kichik bo‘lishi talabiga rioya etgan holda boshqa tillarda takror berilishi mumkin);
- avtomobil yo‘llari, ko‘chalar, istirohat bog‘lari, xiyobon va piyodalar yo‘lagi yuzasida qurilish materiallari, bo‘yoqlar, yo‘l chizmalaridan nomuvofiq foydalangan holda joylashtirsa;
- noto‘g‘ri, axloqsiz, yashirin reklama, shuningdek ushbu Qonun talablariga mos kelmaydigan boshqa reklama o‘rnatsa;
- noaniqligi, bir xil ma’noli bo‘lmaganligi, bo‘rttirib yuborilishi, yashirib ketilishi, tarqatilish vaqti, joyi va usuliga nisbatan talablarning hamda qonunchilikda nazarda tutilgan boshqa talablarning buzilishi natijasida reklamadan foydalanuvchilarni chalg‘itadigan yoki chalg‘itishi mumkin bo‘lgan, yuridik va jismoniy shaxslarga, shuningdek jamiyat hamda davlat manfaatlariga moddiy zarar va ma’naviy ziyon yetkazishi mumkin bo‘lgan reklama o‘rnatsa;
- binoning old tomoniga joylashtirilgan peshlavha yoki kronshteynlarda korxonaning faoliyat sohasini ochib beruvchi matn va uning o‘z nomlanishi aks ettirilgan reklamaning hajmi 2 kv. metrdan ko‘p bo‘lsa;
- tashqi reklama va axborot obyektlari orqali energetik ichimliklarni, alkagol va tamaki mahsulotlarini reklama qilish noqonuniy reklama hisoblanadi.
Hurmatli tadbirkorlar, mazkur yuqoridagi tartibda reklama tarqatgan taqdiringizda O‘zbekiston Respublikasi “Reklama to‘g‘risida”gi Qonunining 47-moddasiga binoan tashqi reklama va axborotni joylashtirish tartibi buzgan deb hisoblanib, hech qanday ogohlantirishlarsiz bazaviy hisoblash miqdorining 50 baravari miqdorida jarima solishga sabab bo‘lishini ogohlantiramiz.
👉 @urgut_axborot
