tgoop.com/ijodhona/676
Last Update:
#bugungi_biz
Bugungi kun yoshlari ózini, ózligini yoʻqotib qoʻygan. Kelajak haqida aniq tasavvur yoʻq. 90 - yillardan 2000- yillargacha boʻlgan avlod Rossiyaga ketishni maqsad qilardi: maktabni bitirgach Rossiyaga ketish, ishlab pul topib uylanish, keyin rózğor, bola - chaqa. Qolgan bir qismi Universitetlarda óqishardi (Universitetga kirish oson bólmagan u vaqtlar. Uch, tórt yil kallasini kitobdan kótarmay oʻqigan abiturientlar talaba bólishgan, yoki ikkinchi yól... hay bu boshqa masala)) Bir muncha vaqt shu taqlid davom etdi.
Bugungi avlod yoshlari arosatda, Universitetlarda oʻqishyapti bu yaxshi. Lekin talabalar keyingi hayot yoʻlini bilmaydi qanday boʻlishini. Talabalarda "diplom menga nima beradi" - degan savol yuradi. Yoki Universitetni bitirib magistrlik bahonasida biror chet davlatga "survorishayapti". Talabalarda tushkunlik, ózim ham bitiruvchiman - qayerdan ish topaman degan óy. Magistraturani chetda davom ettirishni oʻylab qolaman. Ammo, ayol - qiz bólganligimizni ózi ham bizga koʻplab cheklovlar qoʻyadi.
Biz yoshlarda yetarlicha erkinlik
yóq. 18 yoshdan keyin har bir qarorni inson ózi qabul qilishi kerak. Lekin, bizning yoshlar shaxsiy qarorlarini ózlari qabul qila olishmaydi yo ota onaga yoqmaydi, yo steroetiplarga toʻgʻri kelmaydi shu bilan sinadi yoshlar. Biror gap aytilsa, yo dinga toʻgʻri kelmay tanqidga uchrashadi, yo dunyoviylikka. Xullas, oraliqda qolgan yoshlar.
Lekin nima boʻlganda ham kimlar nima desalar ham, yangi qoidalarni ózimiz tiriltiramiz. Óz tirikligimiz bilan, borligimiz bilan. Aynan hozirgi yangi avlod qarashlari keyingi avlod taqdirini belgilab beradi.
Yoshlik asli, shijoat, zavq. Oʻrganish, tajribalar qilish, qoqilish, oyoqqa turish, muvaffaqiyatlarga erishish. Hamma hammasi yoshlikda mujassam. Biz esa toʻgʻri, notoʻgʻri axtarib, adashishlikdan qórqib, shunchaki hech narsa qilmaymiz.
Balki, sizda unday emasdir, ammo menda shunday - oraliq va bóshliq.
@ijodhona
BY Rayhona Kamolova | Blog
Share with your friend now:
tgoop.com/ijodhona/676