هم جنت تعرف 📚
أنَّه المعادن الوحيدة الي مو من العناصر فُضيّة اللون هي الذهب والنحاس فقط .
@iqqinfo 📚📌

هم جنت تعرف 📚
انه هذا كوكب 90377 Sedna هو اخر كوكب بالمجموعة الشمسية يبعد عن الشمس ١٣ مليار كيلومتر وهو عالم جليدي كامل تحتاج دورته عشرة الاف سنة أرضية حتى يكتمل دورة وحدة حول الشمس يعني فصل الصيف بي يساوي تقريبآ 2700 سنة ارضية .
@iqqinfo 📚📌

هم جنت تعرف 📚
انه اكو مجموعة من القراصنة الالكترونيين اسمهم The pirate bay حاولو ان يشترون جزيرة يسموهة sealand وهي منصة بحرية تابعة للجيش البريطاني ما تتجاوز مساحتها 500 متر حتى يعلنون انه هل جزيرة دولة مستقلة و الاختراق بيهة و عمليات القرصنة مباحة و غير ممنوعة .
@iqqinfo 📚📌

هم جنت تعرف 📚
حتى تحمي اطفالها من الحيوانات ، تبني طيور البندولين اعشاشها بهل طريقة بحيث العش يكون بي منفذين الاول واسع و كبير و وهمي و الثاني صغير حيل وهو المنفذ الحقيقي .
@iqqinfo 📚📌

هم جنت تعرف 📚
انه هاي مراحل تجمد الفقاعة بالتصوير البطيء .
@iqqinfo 📚📌

هم جنت تعرف 📚
انه هاي صورة للاهرامات مثل ما تخيلهة الذكاء الاصطناعي و هل صورة بعام 2500 قبل الميلاد ، بحيث كان راس الهرم من الذهب و بقية الهرم من الحجر الابيض .
@iqqinfo 📚📌

هم جنت تعرف 📚
انه حتى اذا سافرت بسرعة الضوء الي تساوي 300 الف كيلومتر بالثانية ف ما راح توصل لحافة الكون ابد لان الكون يتمدد بسرعة اكبر من سرعة الضوء .
@iqqinfo 📚📌

رجعنالكم بعد غياب
انتظرونا باجر بموضوع جديد و حلو 🔥🔥

🤚 الاندماج و الانشطار النووي 🤚
الانشطار يتلخص بطريقة بسيطة جدآ وهو عدنة كرة بولينغ نسميهة "النيوترون" و خشبات البولينغ هي المادة "اليورانيوم 235" .
النيوترون السريع يضرب ذرة اليورانيوم مثل الكرة و خشبات البولينغ لكن بسرعة كبيرة جدآ فتنقسم ذرة اليورانيوم 235 و نتيجة هذا الانقسام راح تطلع عدنة طاقة كبيرة حيل و هي الطاقة النووية و نتيجة الانشطار راح يظهر عنصرين عدنة هم الباريوم و الكروم و 3نيوترون واحد و هل الخاصية تستخدم بانتاج الطاقة الكهربائية .
🤚الانشطار المتسلسل🤚
من الاشياء العجيبة هي انه من تنشطر ذرة اليورانيوم راح ينتج 3نيوترون و هذا النيوترون حيضرب ذرة يورانيوم لاخ و هكذا بشكل تسلسلي الى ان تنتهي كمية اليورانيوم الموجودة و هل شي يستخدم بالقنابل النووية .

🎯 الاندماج النووي 🎯
هل خاصية تحدث بالشمس وهي ان تنجمع نظائر الهايدروجين ( الديوتيريوم موجود بماء البحر ، التريتيوم متوفر بالبيئة ) من ينجمعن هذن راح يولدن طاقة حيل عالية لدرجة مو طبيعية و ناتج جمعهن هو عنصر الهيليوم ، الفكرة انه من سوينة هل جمع للعنصرين و دمجناهن احتاجن طاقة عالية حيل 100 مليون درجة و بنفس الوقت الناتج مالتهن ما انطانة الطاقة الي نريدهة يعني طاقة الجمع اكبر من الطاقة الناتجة و هل شي ابد مو مفيد النة ، لكن بالفترة الاخيرة تم التوصل لخاصية دمج من خلال الليزر العالي بحيث انتج النة طاقة عالية حيل و اكبر من الطاقة الي دمجناهن بيهة ، و هل خاصية ما بيهة اي ضرر للبيئة انما حتحافظ على كوكبنا الجميل و تخلي مضيء لاكثر من 100 الف سنة تخيل كل غرام قادر على تلبية حاجات الشخص من الطاقة لـ60 سنة .
@iqqinfo 📚📌