tgoop.com/ironarghaw/2788
Last Update:
Зыд.
Симæ, Мысост æмæ Къола ацыдысты хъæдмæ мæнæргъытæ тонынмæ. Мæнæргъы къутæртӕм Къола фæраздæр. Мысост æмæ Симæ дæр куы бахæццæ сты, уæд сæм дзуры:
— Мæнæ ацы къутæр мæн у! Уæртæ уыцы къутæр дæр мæн у!
Симæитæ æндæр къутæртæ агурынмæ уæлæмæ фæцæйцыдысты, фæлæ та сæм Къола хъæр кæны:
— Уа-а-лæ уыцы къутæр дæр мæн у!
Уæд Симæ æмæ Мысост, сæ дæле цы къутæртæ уыд, уырдæм азгъордтой.
— Уыдон дæр мæн сты! Æз сæ раздæр федтон,— хъæр та кæны Къола.
Симæ æмæ Мысост дзыхълæуд фæкодтой.
— Уæдæмæ цом нæхимæ!— рамæсты ис Симæ.
— Цом!— сразы ис Мысост дæр.
Сæ чыргъæдты иунæг мæнæргъыйы гага дæр нæ, афтæмæй рацыдысты. Къола сын сæ ацыд дæр нæ базыдта. Фырзыдæй йæ йе 'мбæлттæм кæсынмæ дæр не 'вдæлд. Куы базыдта Къола йе 'мбæлтты ацыд, уæд тынг фæтарст æмæ хъæлæсы дзаг ныцъцъæхахст кодта йе 'мбæлттæм. Фехъуыст æм æмбæлтты хъæр: «Зыдыка, цы кæныс ды та æмбалæй?!»
#радзырд
BY IRON ARGHAW
Share with your friend now:
tgoop.com/ironarghaw/2788