tgoop.com/itspecuz/1695
Last Update:
#bilasizmi #maslahat
Bill Geytsning 10 qoidasi
91.6 milliard dollar mablag‘ga ega bo‘lgan biznes qiroli va taniqli Microsoft kompaniyasining asoschisi Bill Geyts muvaffaqiyatga erishguncha anchagina hayotning qiyinchiliklaridan o‘tgan. Endilikda biz ham uning eng muhim maslahatlarini o‘qib, ularni hayotimizda qo‘llashimiz va ulardan osonlik bilan foydalanishimiz mumkin. Demak, Bill Geytsning muvaffaqiyat sari 10 qoidasi quyidagilardan iborat:
1. Quvvat [energiya]ga ega bo‘lish
Agar siz muvaffaqiyatli, samarali va ma’noli hayot kechirmoqchi bo‘lsangiz, mehnat qilishga tayyor bo‘ling. Hayotda sizni har-xil sinovlar va qiyinchiliklar kutmoqda, demak ulardan yaxshi o‘tish uchun sizda yetarli darajada kuch-quvvat va g‘ayrat bo‘lishi kerak albatta.
2. Boshqalarga o‘xshamang
Agar boshqalardan ko‘proq natijaga erishishni istasangiz, demak ko‘pchilikka o‘xshamasligingiz kerak. Risk ya’ni tavakkal qilishdan qo‘rqmang, hattoki agar bu noto‘g‘ri yo‘l deb o‘ylasangiz ham. Shu bilan birga albatta oldindan hisob-kitob qilgan ravishda tavakkal qiling.
3. Qattiq mehnat qiling
Bu hammaga ma’lum narsa, izohga hojat yo‘q. Agar muvaffaqiyatli bo‘lishni istasangiz, mehnat qilishingiz kerak.
4. Kelajakni yarating
Hayolingizni, fantaziyangizni ishlatib kelajagingizni yarating. O‘z qudratingizga ishoning va amin bo‘ling. Dunyoga beradigan narsangizni o‘zingiz bilasiz, buni hammaga yetkazguncha to‘xtamang.
5. Ishingizdan rohatlaning
Agar hunaringizni yaxshi ko‘rmasangiz bir kun ham ishlaganday bo‘lmaysiz. Sizni ilhomlantiradigan odamlar bilan ishlang va har doim yangi maqsadlar sari harakat qiling.
6. O‘ynashga vaqt toping
Sizni tafakkur qilishga chorlaydigan hobbilarga qiziqing. Biz ko‘pincha bir uslubda oylashga odatlanamiz, hobbilar esa bizga yangicha fikrlashni, muammolarni boshqacha yo‘llar bilan yechishni o‘rgatadi.
7. Maslahat so‘rang
O‘zingiz havas qilgan odamlardan, sizni yaxshi biladiganlardan maslahat so‘rang. O‘z kamchiliklaringizni tushunishga harakat qiling, ko‘rinmayotgan narsalaringizga ahamiyat bering. Kerak bo‘lganda yordam so‘rashdan qo‘rqmang.
8. Yaxshi insonlarni tanlang
Muvaffaqiyatingizni odamlar bilan qurasiz, yoki buzasiz. Agar noto‘g‘ri odamlarni ishga olsangiz yoki noto‘g‘ri odamlar bilan birga bo‘lsangiz, istagan natijangizga hech qachon erishmaysiz. Sizni qo‘llab-quvvatlaydiganlarni toping va sizni doim harakat qilishga chaqiradigan odamlar bilan bo‘ling.
9. Ishni keyinga tashlamang
Keyinga tashlash – bu ijod qilishning qotilidir. Biznesda muvaffaqiyatli bo‘lish uchun vaqtingizni to‘g‘ri va samarali rejalashtiring.
10. Hazilkash bo‘ling
Muvaffaqiyat sari yo‘l baland-pastliklardan iborat bo‘ladi. Agar hazil qilmasangiz, o‘zingizga-o‘zingiz kulmasangiz, uzoqqa bora olmasligingiz mumkin. Qanchalik boy yoki hurmatli bo‘lmang, doimo hazilni, yumorni esdan chiqarmang.
Siz ushbu qoidalardan qaysilarini qo‘llaysiz? Qaysi birini qo‘llamoqchisiz. Bu haqida mulohaza yuritib, yangi fikrlarni tez orada o‘z hayotingizga tadbiq qiling.
👨🏻💻@itspecuz & @boylik_sirlari
BY IT specialist
Share with your friend now:
tgoop.com/itspecuz/1695