tgoop.com/itspecuz/5660
Last Update:
#learn_english_with_software #maslahat
🇬🇧 Ingliz tilini o‘rganish uchun samarali 5 layfxak
Bolalarning qisqa muddat ichida ingliz tilini o‘rganishlarida ularga qanday yordam berish mumkin? Quyidagi layfxaklar bu borada sizga asqatadi!
1️⃣. Inglizcha gapiring!
Farzandingiz bilan kuning ma’lum vaqtlarida faqat ingliz tilida suhbatlashing. Bolaning ingliz tilini mukammal darajada biladigan odamlar davrasiga bo‘lishini ta’minlang. Bu uning ana shu muhitga osonroq kirib borishida katta ahamiyat kasb etadi.
Olimlarning aytishlaricha, yangi tug‘ilgan chaqaloqda dunyodagi barcha tillarni o‘rganish moyilligi bo‘ladi. Uning kelgusida qanday tillarni o‘zlashtirishi bola hayotining birinchi yillarida uni kimlar qurshab turganiga qarab belgilanadi.
2️⃣. O‘ynaymiz
Bolalarning til o‘rganishlari osonroq bo‘lishi uchun shu tildagi o‘yinlar ham katta yordam beradi. Bu borada fantaziyangiz keng bo‘lsa yetarli!
3️⃣. Virtual olam
Bugungi kunda virtual olam texnologiyalari yordamida dunyoning turli burchaklariga sayr qilish, ingliz tilida so‘zlashuvchi gid yordamidan foydalanish mumkin. Virtual sayr har qanday yoshdagi o‘quvchilarga ma’qul keladi.
4️⃣. Motivatsiya
Ushbu usulni o‘smirlarga nisbatan qo‘llash mumkin. Eng avvalo, unga qanday musiqa, komikslar, seriallar, xonandalar yoqishini bilib olasiz. Ingliz tilidagi qo‘shiqlarning so‘zlari, sevimli xonandaning shu tildagi intervyulari ham o‘smirni til o‘rganishga rahbatlantiradi.
5️⃣. Ingliz tilida so‘zlashuvchi do‘stlar
Bola muloqot tilini osonroq o‘zlashtirishi uchun internet orqali unga ana shu tilda so‘zlashuvchi do‘st topishni taklif qiling. Boshqa mamlakatlarda istiqomat qiluvchi tengdoshlari bilan ingliz tilida muloqot qilgan bola nafaqat tilni o‘rganadi, balki yangi do‘stlar ham orttiradi!
📝 Manba: Xabardor.uz
ℹ️ Qo‘shimcha sifatida o‘qish va foydalanish tavsiya etiladi:
• Ingliz tili bo‘yicha maslahatlar, dasturlar va mobil ilovalar
👨🏻💻@itspecuz | Mundarija
BY IT specialist
Share with your friend now:
tgoop.com/itspecuz/5660