tgoop.com/itspecuz/5687
Last Update:
#bilasizmi #mulohaza_uchun #maslahat
Televizorni yaqindan tomosha qilish koʻrish qobiliyatiga zarar yetkazadimi? 📺👀
Televizorni yaqindan tomosha qilish koʻrish qobiliyatiga zarar yetkazishi rostmi? Ushbu savol koʻplab muhokamalarga sabab boʻlib keladi. Bu holat katta yoshli odamlarning koʻrish qobiliyatiga zarar yetkazmasligi mumkin, biroq yosh bolalar va oʻsmirlarda miopiya rivojlanishiga sabab boʻladi.
Televizorni yaqin masofadan tomosha qilish katta yoshli odamlarda koʻzlarning tez charchashiga olib keladi. Boisi, bu holatda koʻzlar uzoq muddat davomida bosim ostida boʻladi, boʻyin mushaklari ogʻriydi, qon aylanishi buziladi, kislorod tanqisligi yuzaga keladi. Shunga qaramasdan, televizorni koʻp tomosha qilish tufayli ularda miopiya rivojlanishi xavfi katta emas. Agar koʻrish qobiliyatining yomonligi nasldan naslga oʻtgan boʻlsa, odam televizor tomosha qilishdan butkul voz kechgan taqdirda ham unda miopiya rivojlanaveradi.
Bolalarda esa bu holat butunlay oʻzgacha kechadi. Televizorni yaqin masofadan tomosha qilish kichkintoylar va oʻsmirlarda miopiyaning rivojlanishiga sabab boʻladi. Odatda koʻz olmasining oʻlchami 24 mm.ni tashkil qiladi. Mazkur koʻrsatkich 0,5 mm.ga oʻzgargan taqdirda ham odamga koʻrish qobiliyatining yomonlashishi tashxisi qoʻyiladi.
Bolalar televizorni kichik yoshlardanoq tomosha qila boshlaydilar, bu oʻrinda odamning koʻrish aʼzolari 19-20 yoshgacha rivojlanishini hisobga olish kerak boʻladi. Ekran qarshisida koʻp vaqt oʻtirish natijasida bolaning koʻz olmasi oʻlchami doimiy ravishda oʻzgarib turadi, oqibatda miopiya yuzaga keladi.
Nima qilish kerak? 🤔
10 yoshgacha boʻlgan bolalarga televizor koʻrish uchun kuniga 10-15 daqiqaga ruxsat berilsa yetarli. Oʻsmirlar esa bir kunda 2-3 soat televizor koʻrishlari mumkin. Televizor ekrani va uni koʻrayotgan odam oʻrtasidagi masofa 2 metrdan yaqin boʻlmasligi kerak.
📝 Manba: Xabardor.uz
👨🏻💻@itspecuz | Mundarija
BY IT specialist
Share with your friend now:
tgoop.com/itspecuz/5687