tgoop.com/itspecuz/931
Last Update:
#operatsion_tizim #security
Windows’da papkaga parol o‘rnatish haqida 🔐
Bir nechta fayllarni begona ko‘zlardan himoyalash uchun tizimning yuklanishiga parol o‘rnatish shart emas. Ba’zan faqatgina tanlangan papkani bloklash ancha qulay hisoblanadi.
Windows’da ushbu vazifani amalga oshirish uchun o‘rnatilgan funksiyalari mavjud emas. Lekin siz buni amalga oshirish uchun bepul dasturlardan foydalanishingiz mumkin. Misol tariqasida biz 7-Zip arxivatori hamda Anvide Seal Folder yordamchi dasturlarini ko‘rib chiqamiz.
7-Zip yordamida
7-Zip papkani arxivlaydi, uning tarkibini shifrlaydi va uning yuklanishini parol yordamida bloklaydi. Ehtimol siz allaqachon ushbu dasturdan foydalanayotgan bo‘lsangiz kerak? Agar javobingiz yo‘q bo‘lsa, unda 7-Zip’ni rasmiy saytidan yuklab oling. Agar boshqa arxivatordan foydalanishni afzal deb bilsangiz, unda uning yordami bilan papkaga parolni shunga o‘xshash tarzda qo‘llashingiz mumkin.
Arxivatorni o‘rnatib bo‘lganingizdan so‘ng kerakli papkaning ustida sichqonchaning o‘ng tugmasini bosing va ochilgan kontekst menyusidan 7-Zip → “Добавить к архиву”ni tanlang.
Ochilgan oynada “Шифрование” punkti ostida parolni kiriting va kombinatsiyani takrorlang. “Шифровать имена файлов” punktini belgilang va OK tugmasini bosing.
Shundan so‘ng dastur papkaning nusxasini shifrlangan arxiv ko‘rinishida yaratadi, uning tarkibini esa faqatgina parolni kiritish yo‘li bilan ko‘rish mumkin bo‘ladi. Himoyasiz qolgan original papkani esa o‘chirib tashlang (iloji boricha o‘zingizga qulay bo‘lgan harflar, sonlar, simvollar kombinatsiyasidan iborat parollardan foydalaning, yodingizdan ko‘tarilib qolsa bu bilan faqatgina o‘zingizga jabr qilgan bo‘lib qolasiz!).
Xuddi shu tarzda 7-Zip har qanday tanlangan faylni parol bilan himoyalashga imkon beradi.
🌐 Link: http://7-zip.org/
Anvide Seal Folder yordamida
Arxiv bilan ishlab, o‘zingizni bezovta qilishni istamasangiz, u holda parolni Anvide Seal Folder dasturidan foydalanib to‘g‘ridan-to‘g‘ri papkaga nisbatan o‘rnatishingiz mumkin. Ushbu yordamchi dastur tanlangan papkalarning tarkibini shifrlaydi va ularni qiziquvchan ko‘zlardan berkitib qo‘yadi. Himoyalangan papkalarni faqatgina Anvide Seal Folder interfeysi orqali parolni kiritgan holda ochishingiz mumkin.
Dasturni foydalanish juda oson. Plyus – + tugmachasini bosish orqali kerakli papkaga yoki o‘z navbatida bir nechta papkalarga ketma-ket yo‘nalishni ko‘rsatishingiz mumkin. Shundan so‘ng Anvide Seal Folder’ning bosh menyusida qo‘shilgan papkalar ro‘yxati paydo bo‘ladi. Ulardan biriga yoki bir nechtasiga parol o‘rnatish uchun ularni shunchaki belgilagan holda yordamchi dasturning ko‘rsatmalariga muvofiq amallarni bajarishingiz kifoya. Bundan tashqari siz Anvide Seal Folder’ga kirish uchun ham parol o‘rnatib qo‘yishingiz mumkin.
🌐 Link: http://anvidelabs.org/programms/asf/
Darvoqe Anvide Labs’ning qolgan dasturlariga ham qiziqib ko‘ring: http://anvidelabs.org/programms/
👨🏻💻@itspecuz
BY IT specialist
Share with your friend now:
tgoop.com/itspecuz/931