tgoop.com/jAhmed95/744
Last Update:
اكو هاجس من الخوف والرهبة دائما يلازم الطلاب سواء اذا بعدلك شهر للامتحان الوزاري او طالب خامس نجحت للسادس
السادس مرحلة دراسية مو سهلة ولا صعبة
لعد شنو ؟؟
السادس مرحلة نفسية اني اعتبرها اكثر من ما دراسية النفسية هي الي تقرر وين تروح مو معدلك
هالكلام يجوز تستغربون من عندة
لكن احنا اصحاب خبرة وادرى واعرف
لازم تخلون وقت لكلشي
وقت نوم
وقت تطلعون بس مو يومي
الوقت الي شوية لازم يكون اكبر هوا للدراسة
ابتعدوا عن الرهبة عن مواقع التواصل وعن الكلام الي يصير بيها
المواد مو صعبة ايضاً
لكن اختار المدرس الي ترتاح وياه نفسياً
وعلاقتكم صداقة خارج الدرس
احنا اشتغلنا على الجانب النفسي ب شكل جبير حتى شفنا الفرق الواضح
الطلاب يجون للمحاضرة وهمة فرحانين
كثير من الطلاب كالوا محاضرتكم فترة نقاهة
من حيث شرح مبسط نعيدة مرة مرتين
تحلون كدامنا اكثر من مثال ووقت قصير نسولف بيه نحفزكم بيه
وتنتهي المحاضرة الي دائما ما تكون سلسلة
بهذا الشكل خلصنا منهجنا هالسنة
جانت سنة سريعة وسلسة وننتضر منهم يفرحونا
الدورة الجاية
ننتضركم حتى نبدي خطوات جديدة
ان شالله نبدي الشرح من الاساسيات
من الصفر نبدي وياكم خطوة خطوة للقمة
وبالنهاية احب اكلكم
#لكل مجتهد نصيب
BY الاستاذ احمد جليل
Share with your friend now:
tgoop.com/jAhmed95/744