tgoop.com/jahadsoltani/6549
Last Update:
با الدم اتعاهد الچ يا ام البنين ويه عباسچ فدايي للحسين
للحسين انفاسي زينبي وعباسي
يا ام البنين
*
گلتي لو سبعين عندي امن الولد حراسي كله فدوه لبو الاكبر حتي لو عباسي
للحسين صاروا ضحايه اربعه النبراسي انه حتي اتراب جدمچ اعله من مقياسي
حتي لو گطعوها رجلي واليدين ويه عباسچ فدايي للحسين
ها الجنون ابراسي زينبي وعباسي
يا ام البنين
*
صحتي يا عباس دمك رخصه بس لجل الحسين لا تضوگ الماي گبله وخلد اسمي با لسنين
حتي لو صار اعله عينك و انذبح منك وتين شيل رايت عزنه يبني ابگطع شمله ويمين
والبنين الي رضعتيهم حنين ويه عباسچ فدايي للحسين
للخدر حراسي زينبي وعباسي
يا ام البنين
*
نبقه حد الموت لجلچ والگمر خدامچ يا حلات الموت لله و ننذبح جدامچ
يا سعاده البيها نفخر لو نبوس اقدامچ صدگ مهدومه گببكم با الگلوب امگامچ
خلها تسمع صوتنه ها الناصبين ويه عباسچ فدايي للحسين
خل ابث احساسي زينبي وعباسي
يا ام البنين
*
رادوا ايضيعون اسمچ هدموا اثارچ ما دروا من كربلائچ با السمه اخبارچ
رادوا ايطفون ذوله يا شمس انوارچ تحرگ ابيوم القيامه ها النواصب نارچ
اسمچ العصابه اشده اعله الجبين ويه عباسچ فدايي للحسين
ولچفان الباسي زينبي وعباسي
يا ام البنين
*
هدموها الگبه ذوله ولصنم صاروا عبيد يحلفون ابراس اميه اليوم ايرجعولچ يزيد
وحنه خدامچ صبحنه اصفونه زبر الحديد انحامي عن ذيچ العقيله ويه عباسچ نريد
هذه عهدي عمري لچ افديه دين ويه عباسچ فدايي للحسين
فدوه الچ انفاسي زينبي وعباسي
يا ام البنين
*
با الدم اتعاهد الچ يا ام البنين ويه عباسچ فدايي للحسين
للحسين انفاسي زينبي وعباسي
يا ام البنين
*
جهاد سلطاني _ نزله بمناسبة وفاه السيده ام البنين سلام الله عليها
https://www.tgoop.com/jahadsoltani
BY الشاعر والرادود الحسيني ملا جهاد سلطانی
Share with your friend now:
tgoop.com/jahadsoltani/6549