tgoop.com/jahongir_pulatov_blog/2641
Last Update:
50km - Zomin tog’laridagi ilk Ultra marafonim!
Yugurishda marafon masofasi bor - 42 km. Undan yuqori masofalar Ultra marafon deb ataladi va odatda 50kmdan boshlanadi. Men shu paytgacha 7 ta marafon yugurganman (6 ta katta Major marafonlar va Doha marafoni) va bitta Ironman 70.3 masofasini bosib o’tganman.
Lekin, Ultra marafon bu men uchun yangilik va yangi daraja bo’ldi. Zomindagi Ultra marafonning 50km masofasiga ro’yxatdan o’tganimda bu darajada qiyin bo’ladi deb o’ylamagan edim. Deyarli 8 soat vaqt ichida to’xtamasdan, tepa-pastlik, adirlik va to’gliklarda yugurish sizdan nafaqat chidamlilik, balki mustahkam iroda ham talab qiladi. Pastga tushishda oson bo’lishi mumkin, lekin tog’liklarga ko’tarilishda hatto yurishga ham kuch qolmaydi. Vaqt limiti qo’shimcha psixologik bosim beradi.
Ustozim Shoxrux aka bilan masofani birga bosib o’ttik, ular motivatsiya berib, qo’llab va kerak joyda urishib ham berdilar) Ular nafaqat men balki o’nlab shogirdlarini qo’llash uchun ham qatnashdilar. 2 marta full Ironman masofasini bosib o’tgan Shoxrux aka uchun 50km nima bo’libdi 🙂
Qiyinchiliklarga qaramasdan, Allohning marhamati va yordami bilan Zaamin Ultra marafonida 50kmlik masofani tahminan 7 soat 45 daqiqada bosib o’ttim va limitga tushdim!
Men bu musobaqada yugurishni yangidan kashf qildim! Zaamin ultra marafoni men uchun yangi sport maqsadlar qo’yishga sababchi bo’ldi! Ultra marafon bu tana charchaganda ham, yurak bilan davom etishni o‘rgatadigan masofa ekan!
Fikr qoldirish uchun shu matn ustiga bosing✅
BY Jahongir Po’latov | Tavsiya va Maslahat
Share with your friend now:
tgoop.com/jahongir_pulatov_blog/2641