tgoop.com/jawadkr/234
Last Update:
مااريدن تگضي بالدمعه حياتي
ردت وي موتك يبوالقاسم مماتي
بدمعتي منتظره وعدك
مااريد الدنيابعدك...
من متت وياك ماتت امنياتي
--------------------------------------
من تدنه الموت يمك وبحياتك صار يحدي
اهمست بذني وكتلي فاطم. لليتم بويه استعدي
راح اروحن عنج اني. واتتي اول ضيف عندي
گلبي ماينطيني اعوفج.عايشه اللوعات بعدي
بدمع يجري بيدك تنشفلي دمعي
من شفت دمعك صحت احا يضلعي
ومسحت دمعه اعله خدك
مااريدن الدنيا بعدك..
من متت وياك ماتت امنياتي
-----------------------------------
بويه يالكلك محنه بويه يالماكو مثيلك
ايست منك تجيني ادعيلي بلكي بسرعه اجيلك
يلخذت كل فرحه عندي لاتخليني دخيلك
عيوني مشتاکه تشوفك مو عمه عيوني رحيلك
صار مده مفارگ بنيتك يغالي
مادريت شسوت بحالي الليالي
گلي ياساعه الاكصدك
مااريد الدنيا بعدك
من متت وياك ماتت امنياتي
----------------------------------
الچانت بجالك عزيزه وبلسم جروحك حجيها
هسه من كثر البواچي ملت الوادم بچيها
الي تسميها الحنينه وتنحني تقبل اديها
الدارها چانت سكونك دارها احتركت عليها
لون تنشد عنها اخبرك بويه اني
فاطمه الي مارحم بيه زماني
عن كلامي شنهو ردك
مااريد الدنيا بعدك
من متت وياك ماتت امنياتي
------------------------------------
من اطب الدارك انظر ظلمه مهجوره بغيابك
وحس چن حيطانها تون تبچي مفجوعه المصابك
خنگه بس اترد روحي اليه من اشم ريحه ثيابك
واكطع اهاتي اونحيبي من تحرك الريح بابك
اركض لبابك ولاکي الباب خالي
ورد مهظومه بطرگ دمعي وخيالي
يادمع بويه اليردك
مااريد الدنيا بعدك
من متت وياك ماتت امنياتي
---------------------------------
لوعله صوت المنادي وكبر الباري وتشهد
ينخطف لوني واحسن گلبي من صوته يتمرد
ينغشي ساعه عليه من ينادي يامحمد
واحس جن موتي يجيني لوسمعت اسمك تردد
بويه حتى الطير ون لكثر وني
ماسكنت بداري عشت بدار حزني
يالنمت بحضان لحدك
مااريد الدنيا بعدك
من متت وياك ماتت امنياتي
--------------------------------
بيتك الي چان يزهي وشكثر يحمل مهابه
من رحت لليوم خالي والفرح طول غيابه
الچان بيتك مأوى الهم والنسميهم صحابه
مره وحده لفودارك شبوا النار على بابه
خالي مابي ناس شو مظلم مضيفك
مايدك الباب كفت رجله ضيفك
الجان يكضي همومه عندك
مااريد الدنيا بعدك
من متت وياك ماتت امنياتي
جواد كاظم الگرعاوي
BY جواد كاظم الگرعاوي
Share with your friend now:
tgoop.com/jawadkr/234