tgoop.com/jhfdryhdsf/3246
Last Update:
•٪•٪ بسم العطش •٪•٪
اي عقل ما يتقبله
ولا عبد جان ولا حر
السواه يزيد بكربلاه
وحشية وشوية المر
•٪•٪•٪•٪•٪•٪•٪•٪•ه
السواه بعيال النبي
باچر عظيم احسابه
وامگابل يصير الحچي
ويتلعثم اويه اجوابه
شيگول بتهمت قتل ناس هواي
شيگول عن الصور ذيچ وهاي
شيگول عطشو وماتو عالماي
كل ذني وهواي بعد
والظيم طال احبابه
وبسوايته ما يعبر
وحشيه وشويه المر
•٪•٪••٪٪••٪•٪ •٪•٪•٪•٪ه
ويتقدم حسين ابطلب
عنوانه حرمه اعللتل
شاهد عيان الواقعة
زينب لسان المقتل
تشهد ذبحو اخوته اولده
تشهد هيه وعليل العنده
تشهد الاف وگفو ضده
وبصور توثوق الحجي
وبصدگ كُل اليُنقل
وتبدي الجرائم وتجر
وحشية وشويه المر
•٪•٪••٪•٪•٪•٪•٪••٪٪•٪•ه
بسم العطش اول تُهم
ومنها الجرائم تبدي
كل الدلائل والصور
بيد المعزى المهدي
ويگول نار الگلب ما تبرد
ويگول جدي العليل اتقيد
ويگول والشام عيد وعيد
وام الخدر طبة قصر
هاي التمرد جبدي
او وضع العقيله اليقهر
وحشية وشويه المر
•٪•٪•٪•٪•٪•٪•٪••٪•٪•٪•ه
تاليها زينب والسبي
وكعدة بخرابه وهيمه
وطبتها مجلس بس زلم
شمرت دليلي بظيمه
زينب ماطابه گبل بقصر
زينب ظيم بكلبها منحصر
زينب تالي يماشيها الشمر
ويگلها ها يابت علي
وين الفخر والشيمه
مرمرلي حالي اتمرمر
وحشيه وشويه المر
تمت بحمد الله
الشاعر عباس الشويلي
محرم الحرام.١٤٤٦ هجري
٢٠٢٤ ميلادي
BY قناة الشاعر عباس الشويلي
Share with your friend now:
tgoop.com/jhfdryhdsf/3246