tgoop.com/jhfdryhdsf/3518
Last Update:
يا نبي الرحمه وداعك صعب اجرعه
كون ميته وخبر موتك ما اسمعه
يا ريت وياك تروح
يا بويه يا روح الروح
صعبه صعبه
يا فجيعه الأمر من هاي الفجيعه
يفكد الإسلام منهاج الشريعه
خبر موتك صوفرت حتى الطبيعه
يا ابو براهيم زهرائك وديعه
تاركني وراحل وين
أتسله بدمع العين
وحيدر الكرار حط أيده عله ظلعه
كون ميته وخبر موتك ما اسمعه
يا أبا الزهراء ما حفضو وصيتك
حيف عكبك ما بقت حرمه إعله بيتك
ربعك الظلام ظاجو جي نعيتك
رادو أسكت ما عجبهم من بجيتك
يا فاطم لا تبجين
كالولي ولتنوحين
استثكلوها عيوني من ذرفت الدمعه
كون ميته وخبر موتك ما اسمعه
يا حريمه الجان خيمه اتظل عليهم
سافر وتاركنه غربه إبين اديهم
حايره وأتساءل أشسوينه بيهم
ليش بين أنيابهم عترت نبيهم
عكبك نعيش بأحزان
شبت حقدهم نيران
رغم يدرون أنه منك بويه بضعه
كون ميته وخبر موتك ما اسمعه
بالجنازه صرت أشاهد صور خطره
ظلعي كسره وإبن عمي حصته طبره
والحسن بجفوف جعده يضوك غدره
والحسين بكربله محزوز نحره
لوحه وصور بالتابوت
لاهلك اظن جاي الموت
هدمو الدين وقوانينه اويه شرعه
كون ميته وخبر موتك ما اسمعه
هالنواصب ظهر عكبك سر غدرهم
موش دينك عالمناصب ظل هدفهم
فوك بيتك غيمهم مطرت حقدهم
بس مصايب حصل الإسلام منهم
جنهم مو ناس احجار
تاليهم كلهم للنار
الترك ربه وحبيبه شنهي نفعه
كون ميته وخبر موتك ما اسمعه
الشاعر عباس الشويلي
BY قناة الشاعر عباس الشويلي
Share with your friend now:
tgoop.com/jhfdryhdsf/3518