Jizzax viloyati IIB boshligʻi oʻrinbosari, podpolkovnik Azizbek Habibullayev Doʻstlik tuman IIB tashabbusi bilan 1- sonli oʻrta umumtaʼlim maktabida tashkil etilgan “Vatanparvarlik va huquq” toʻgaragi oʻquvchilari bilan uchrashdi. Yoshlarni vatanparvarlik ruhida tarbiyalashga qaratilgan tadbirda yosh avlodning bilim olishi uchun yaratilgan qulayliklar tilga olindi.
Maʼlumot oʻrnida aytish joiz, ushbu toʻgarakka qoʻshimcha bilim olish hamda kelgusida huquqni muhofaza qiluvchi organlarda xizmat qilish istagida boʻlgan oʻquvchilar qamrab olingan. Mashgʻulotlar tuman IIB rahbar xodimlari tomonidan olib boriladi. Bundan tashqari tuman va viloyat IIO, muzeylar, aloqador bilim yurtlariga sayohatlar ham uyushtirilib borilmoqda.

👮‍♂️👉https://www.tgoop.com/jiziib