كون العــــــين هسه تسلهم تنام
ونــــسه الصار بينه وركض اليتام

شلون اليوم رايح تطبــــگ جفون
وتنسه الصار بينه وشنهو اليهون
اتيام حســــــــين هل ظلو يونون
وكالو ظل ابونه هــــــــناك يدرون

مدد عل تراب متــــــــرس سهام

شلون العين تغــفه وحالي ياحال
گلبي ويلمــــشو مدري ويل طفال
ياهي المــــثل حالي تشوف جتال
اخوها گبالهه وتــــــجرهه الحبال

وماتدري الدهر شنهو الهم شظام

اكولن هــــيج كون يرد الحسين
ويسكــــــــــت بناته ومن الونين
كل ساعه يكــــــولن بويه ماشين
بعدك ما رحمــــــنه تحزم البين

وخلانه نرافــــــــــــج كوم ظلام

العين شلون تغــــفه الهزله وياي
وذكر كل عطشهم لو شفت ماي
اصبر بلــــــــــــيتامه وني بهداي
وتراب الخــــــرابه الصاير غطاي

وماتت وي اخــــوتي وكل الحلام

اكضي اليل بس امســــح بلدموع
وكلهم ياونين الــــــــيل مسموع
شلون ينام بلله الگــــــلبه ماجوع
وراس حــسين فوك رماح مرفوع

هسه الصــــــــــار بينه اكثر بلالام


ابو سلام الجابري


https://www.tgoop.com/jjdicjcsk

اليوم ليلئ ويلحــــــــــزن حيرانه
تكول الاكــــــــــــــبر رايح وخلانه
راح مايرجــــع بعد
ونذبح طير السعد

تكول بعده بعز شبابه ومافرح بدنيه هاي
شفافه ذبلت يمي كلي يمه اريد شويه ماي
هيج من ودعني الاكبر هسه ظل بلا فياي
ليش ماكلي برحيله والرمل يصبح غطاي

والحوافر داســــته
ومه كــالو خــــــلته
وجثه ظل مفــــــــــرهده وعريانه

كامت تردد يلاكبر مااعيش انه بجفاك
ريت كون الموت اجاني وميته گبلك مو وراك
ولا اشوفنها الحوافر مطلعه ظلعك من كفاك
ماي ماصح حتئ اشربك حگي احير انه بدواك

حكي يبني تــــيحرت
وريت ميته ولاعشت
خلافك الــــــــــــهم والكدر غطانه

رحت بس ظلت صوركم عايشه بلب الگلب
من بعد عينك احيرن يصعب عليه الدرب
كلي يمه شلون امش انه وي وادم غرب
وما ابطل وني بعدك ولدمع علخد يصب

هيج اخلص دنيتي
بدمع وبحــــسرتي
ولا يبطل گــــــــــــلبي من احزانه

يبني بس هل واحد انته شلون  اخليك واروح
تزيد ياروحي بحزنها وحگي كون ابجي وانوح
مو جرح واحد وشله بيك يبني شكد جروح
بعد عطرك وين اشمه وعنبر بعطرك تفوح

كلشي ماظل يمه الي
وراح مــــــنيدي علي
وذكره منــــــــــــك مابقت ويانه

يمه كلشي الباقي منك راح وي حرك الخيام
وعتنيتك رت اشوفك بليل هندس بس ظلام
هواي هيه الموته يمك موسهل يبني الكلام
وماغفت عيني انه بعدك صعبه كلي شلون انام

باجر يجرني الــحبل
ريت وياك انجــــــتل
ولا اعيــــــــــــش بدنيتي وهمانه


ابو سلام الجابري

https://www.tgoop.com/jjdicjcsk

شلون الكــــــله غيره
يلفونه  بحــــــــصيره
وبعده تحير الظــعون
مصيبتنه جبــــــــــيره

راح ومــــــادره الحال
نذبح ومــشي ويجتال
گبالي تشــوفه العيون
نايم فــــــــوك الرمال

صحت حسين خويه كعدلي احاجيك
صعب فوگ الرمل امشي واخليك
ماعدنه دوه ونكعد نداويك
ولا عدنه غطه من الحر نغطيك


خويه تحيرت بيتام وبين خيام محروكات
اودعك بلدمع يحسين .وماتدري بخرابه نبات
ليل وغربه هاي الناس كلها تكلي اخيج مات

ظل حسينكم مذبوح
كلها تصيح راح نروح
ونته تضل علئ الغبره
&$&&$&%$&%$**

عرفته يموت عطشان
وشفته هــــواي ذبلانه
ومحد ناصــــر حسين
وحيد بيــــــن عدوان

وحيد ومــــــحد وياه
ولا واحد تعنــــــــــاه
بيوم السحكته الخيل
ودم ورمــــــــل غطاه

عرفت خلاف عينه تحير الظعون
ويظل حسين مرمي وعيب مدفون
كلتله اكعد يوالي الكوم يردون
يسلبون الحرم لا مايرحمون

من هجمت علينه الخيل صحنه حسين جاوينه
يرظئ يموت بلميدان وحنه هناه يخلينه
بين اجناب كلها تريد خويه اليوم تسبينه

شبعنه خلافكم لجمات
ويبجن يمي الحــبيبات
راح وبعد شــــــــــنطره
&%&%&%&&%&

حطونه بخرابه اليوم
ماظل حيل مامهدوم
لابيها ستر لاباب
ماظگنه طعم لنوم

شماته خلافكم حراس
بعد عين الشهم عباس
اول تالي هــــيج نصير
تتفرج عــــلــينه الناس

صعب ليل الخرابه يهدم الحيل
وماخلص علينه وطول اليل
شلون تنام والعدهه مجتال
ظلت علرمل وبدون تغسيل

هوه النوم بال يريد صافي تسلهم عيونه
شلون وكلي هذا ينام الخلص يومه يجرونه
بحبال السبي ومحتار وسوط العده عله متونه

صرنه بنومنه ونحتار
ونذكر لهــــــيب النار
وتكبر بصــــــدر عبره
&**&*&*&&*&&

حرنه بطــــــبت لسوك
علينه وهــــــاي متلوك
وكلها الــــيمنه شمات
شلون نــــسد الحلوگ

يــــــــمنه دك الدفوف
وكالو ظلــــــــت جفوف
الزلمه تســــــمه عباس
هناك بارض الطــــفوف

كون جفوفه سلمن ما سبونه
ولا شمات بيهن عيرونه
حسافه هناك ظل مطروح اخونه
ولا يدري سبايه وهل خذونه

جابونه سبايه اليوم وسط السوك مرونه
خوارج مو بنات حسين وسفه انوب سمونه
خلو بس دمع بعلين وعمده الكفر بجونه

الصخر يبجي عله حالتنه
يوم الــــــــــــماتو اخوتنه
الفاكد بعد شيــــــــصبره


ابو سلام الجابري

https://www.tgoop.com/jjdicjcsk

رمله اليوم يم جاسم تصب دمعه
تكول الراح مني شلون شيرجعه

وين ارباي يبــــــني اليــــوم اريدنه
كعدت يم ابنــــــها وتجذب الونه
خلنه تكــــــــــــــلهن هيــج خلنه
اجيت ورايده بجفــوفه احط حنه

وبلهم والحــــزن واليوم منفجعه

منفجعه بمــــصابه وحيل مابيهه
خليهه يزينــــــــــــــب يمه خليهه
فراك وليــــــــدهه بلهيوم ياذيهه
هوه الراح منــــــــها ومايرد ليهه

وخيل عداء وكسرت بسحك ظلعه

خيل عــــداء تروح وردت بصدره
يموت شلون وبني رويحته وخضره
خلني اريد اكعــــــــــد وشم نحره
ماكدر اعوفه وجــــــــثته مطشره

شينفعني البجي وطوفلي الف اشمعه

طفو شــــــــــمعت ايامي ولياليها
وروحي تريد جاســــم لو يرد ليها
موسهلا يــــــــــعوف امه ويخليها
بين جناب والشــــــــمات تحديها

مايرظاش اعرفه وعــــرف بوظعه

مايراضاش ومــــه تروح مهضومه
هسه يــشوفني ويعوف هل نومه
جاسم وشمس شمسويه برسومه
مطشرته الحوافر ماخذه هدومه

مايحجي وسكت جا ليش ما سمعه

ابو سلام الجابري

https://www.tgoop.com/jjdicjcsk

يحله فرحنه اليوم لجل الكرار
من شال جفه وعيد كال المختار

اليوم عيد وفنتخر…. علي صار الوالي
نفرح بهذا الامر… علي صار الوالي
للكفر ماظل عذر ..علي صار الوالي
تموت خلها اهل الغدر.. علي صار الوالي

بدر حيدر ظهر نوره ولينه… علينه ..بسنينه... العلي يحله الفرح
فرحنه بجيته وزاد فرحنه.. وسعدنه ..بسنده.. بدر حيدر وظح

حيدر تاج انه وفخر
نورك علوادم ظهر
ماكو مثلك بلبشر
بسمك يتباهه النبي

نفرح نطش الورد
حكنه لو بي ننسعد
علي الاول مانعد
ولهم بسمك ينجلي

تفرحله كل هاي البشر…  شال جفينه النبي
اليوم يحلالي السهر ..شال جفينه
والظدنه خل يشبعب قهر.. شال جفينه النبي

والظدنه خلي يموت مايدري الصار
من شال جفه وعيد كال المختار

-*-*-*--*--*--*

حيدر يليث الموزمه… بيش ويوصفونه
خلاهه كلها ملثمه… بيش ويوصفونه
اسمه نرسم وسط السمه.. بيش ويوصفونه
دين الغدر مو هدمه… بيش ويوصفونه

علي سر الكون كله بهيبته.. ورايته ..ونخوته...تسولف بي زلم

الكال بخن خل يظل وينه.. بعينه .ودينه.. باحر ينهدم

البيعه اليوم الحيدرا
انطيعه ونوكف بسرا
غالي راعي المفخرا
وحيدر صحنه احنه الولي

نوره مامثله ابد
نور كل هاي البد
ماكو غيره انه سند
وكل هم بسمك ينجلي

فراحنه بي ارض وسمه…. وشيعته تتباهه
علي العاده يلمه… وشيعته تتباهه
غيره ماكو نقدمه ..وشيعته تتباهه

الما يبايع ندري مثواه النار
من شال جفه وعيد كال الكرار


ابو سلام الجابري

https://www.tgoop.com/jjdicjcsk

اذا وكتك يميل وياك انخه ام البنين وكوم
اقره الفاتحه وتسهيل امرك ماتخلي هموم


هاي ام البطل عباس بشداد معروفه
الينخها بعسر هيهات لا والله متعوفه
نالت منزله من حسين ومن عباس وجفوفه
وعد الله عظيمه الشان صارت اكرم ظيوفه

اليكصدها ابد هيهات لا لا مايرد مهظوم

ظحت بربعه الولاد  ونطت كلشي العدها
وربك كرماها بهاي بلشدادت يسندها
واعدها بجنان ونور ربك هيج واعدها
وهيه التكظي الكلفات  وللكلفات خلدها

صفي نيه كون تريد وابدن ماترد ملجوم

عافت كلشي لجل الحسين عاشت بلعمر حسره
بيوم الناعي رد يكول حسين وظال عل غبره
كالت وسفه هيج اموت وابني الغالي ماحضره
شلون اكدر اوفي شلون ووفي الفاطمه الزهره

وكالت بعده اظل للموت حيلي ومن صدك مهدوم

خلص كل عمرها هموم بس بحسين محتاره
ميت تدري بي وتكول ليش نگطعت اخباره
كلشي وجان الي بدناي بعده ومابقت جاره
ظلت خاليه وياحيف صعبه شلون اطب داره

وبدومع الحزن ونوح نالت هل فخر للدوم

نطيته انه اربعه وتكول ماوفيت اله بدنياي
ريت انه الذبحني السيف وانه الشح عليه الماي
بعده وكبرت الحسرات والهم هل صبحلي غطاي
حگي خلافه ابو السجاد هيجي ومن اته الراي

وصارت باب للكلفات من ذاك الوكت لليوم


ابو سلام الجابري

https://www.tgoop.com/jjdicjcsk

راح اخوي وكلشي راح
حتئ حيلي بصفه طاح
بعده شيــسوي الصبر
بلحزن وكــضي العمر

جان الي حزام وتجيه وجان الي مثل الهوه
بطحته والهم لفاني وگلبي بنار نجوه
گبل ما انگل خطوتي اله نمشي حنه سوه
ماظلم دربي بزمانه هوه العيوني الضوه

هسه كلشي اظلــم علي
حايره وفــــــــــرك بدي
ودربي اضلم هل صباح


من بعد عينه اليالي وترسن عيوني حزن
شنهو ابجي منذكر اسمه شينفع گليبي من اون
ريت كون الموت اخذني وريت لو گبله اندفن
ولا اشوفه بين غربه بليه ناصر ينطعن

راح اخــــــوي ومايرد
خلافه جا الــمن وصد
والگــلب بهمومه صاح

راح اخوي الجان اليه نخوه وحزام الضهر
بوكته ماواحد عليه لامح وطولي بنضر
صاحو اخت المات هايه بيوم ميمونه عثر
حگي كون يزيد همي وحگي لو گلبي نفطر

حگي بعده شــــما انوح
بعده شنهــــو وبيه روح
وكمت اخاف من لصياح

بوكته محد شاف اثرنه ولا عرف هذا الاثر
هسه زينب هيج صارت فرجه مابين البشر
ليلي كمت اكظي بواجي بگلبي اظم شكد قهر
عمده مرونه عله جثته وشفته مگطوع النحر

شفته مرمي عله تراب
راح اخوي ومني غاب
وراسه يفتر عل رماح

شلون اصبر روحي بعده بكل مسيه بصفي جان
من اشوفه تردلي روحي وبي احس كل الامان
هسه انه امشي سبيه وياه وفاركت الحنان
شلون ولمن اشكي حالي وهيج حيرني الزمان

حگــي كون خلافه احير
هيج صــرت الهل مصير
صرت مكسوره الجناح


ابو سلام الجابري

https://www.tgoop.com/jjdicjcsk

ثلث تنعــــــــام منه وشد الحزام
انتخه بعباس عــمه وطبها جسام

نتخه بعــــباس عمه وگابل الكوم
وكلهم يوم اســــــود يصبح اليوم
عليــــــكم راح اخلي تزيد الهموم
الما ميت اطلعــــــه اليوم ملجوم

معلم بلحــــــــــــرب مادنك الهام

ثلث تنــــــعام منه ربات الحسين
عل عيله ابد ما غمــــــــض العين
منين تفر يكــــــــول اليوم ومنين
لخلي الجــيش كله يظل مطاعين

ووصل علومها وخل تسمع الشام

وخل تكول جاســم طبها صنديد
وثار بثار منــــــــــــــهم ياخذ يريد
ما يرظاش بلعــــــــــيله ولا يهيد
يحيرها الكــــفر ولوموش اجاويد

وخليها تظــل هل ذكره كل عام

خل ايامها تســــــولف علئ الصار
وسويهم حطب وانه اشــعل النار
ويا جيمه اليــــــطبها تصير طشار
وما تلكــــــــه مناثرهم بس الغبار

وعيشــــــــهم هذاك اليوم بوهام

عيشــــــــــها برعب خلاها وتهوج
وغــــــركها بدماها وكامت تفوج
ياصفحه اليــــــطبها گباله وتموج
من زوده الفحــل ظلت تره تلوج

زغير عله الحرب بس هوه مقدام


ابو سلام الجابري

https://www.tgoop.com/jjdicjcsk

شدن عبيجن طاح الحــــــسين
ساعه ويحركون الصــــــــواوين

ساعه وتهد كلهــــــــــــا علينا
طاح الولي ومــــــــحد يجينه
حبال السبي تنــــــــــشد بدينه

وبــــــس الدمع ماعدنه حليئن

ماعــــــــــــدنه حل بهل مسيه
من طاح اخــــــونه عله الوطيه
محد يكول انتــــــــــــم خطيه

ظلينه بعده وبــــس نساوين

خلن صبرجن يكــــــسر الكوم
وبگلوبجن ظمنــــــــها الهموم
حســــــــين طاح وماظن يكوم

ووحيد ظل ومامــــــش معين

ماعدنه غيــــــــره وطاح ماگام
ونشوف جســمه مترس سهام
انام بخــــــــــــــرابه وباجر انام

ونطب بعد عينــــــــــه الدواوين

صبرن اذا شفــــــــــتنه مذبوح
وسهام جســــمه مترس جروح
يفــــــــــــرح عدونه گباله ونوح

وگضن دربجــــــــن بس بلونين

ابو سلام الجابري

https://www.tgoop.com/jjdicjcsk

بيده النبي رافع ايده

مبروك مبروك بولاية علي

هليوم اجمل من امس صار والينه علي
بامر بارينه نطق شال جفينه النبي
كالها بصوت الفخر علي بس هوه الولي
تحله فرحتنه اله وبلفرح تسهر هلي

يسر عله البشر
ضهر نوره ضهر
الحگم بيده.. ثبت عيده
علي هوه القدر

فرحنه اليوم اله
علي بهل منزله
اهو الهيبه… وابو الطيبه
يراعي الاوله

نحيه نموت وبطاريه
فرحتنه فخر شيعيه

فرحت املاك السمه وعيدت لجله الارض
علي حبه الما يموت صار للشيعه فرض
نعشكه ونحبه بجنون للگلب هوه النبض
المارضئ بحيدر امير هذا يمنه ويرفض


علي زود وفعل
علي هوه الاصل
يظل غالي ..علي الوالي
يلمحير العقل

فخر هيبه وعلم
علي مخوف الزلم
شهد سيفه.... وخذ حيفه
يطش بيها ويلم

شمحلاته علي وسر بيه
فرحتنه فخر شيعيه

بلغديريه الفرح اليوم بسم المرتضئ
البايعت حيدر تفوز هيه دنيه واخره
وبحقد گلبه يموت اليوم كلمن مارضئ
خلها عنه شماتكول صرنه احنه الرافضئ

رافضين اهل الحقد
علي بسهوه المجد
اله البيعه… علي نطيعه
نطش اجمل ورد

المثل ما مايصح
علي هوه الربح
علي الاول.. ولاحول
علي الحب وصلح


ابو سلام الجابري

https://www.tgoop.com/jjdicjcsk

زنجيل.

لو ادري يمــــــته يردون
جا علتي شــــــــويه تهون
وجا بطلت دمــــع العين
مدري بســــنه لو سنتين

راحو هلي كلهم سوه.……
وخلوني احير بهل دار
ونطر وتاني بغربتي……   وماحصلت كل اخبار
كلولي عنج ما نشح… ..        بس طولو شنهو الصار
متحيره وهيج اصبحت…..   ولهم شخلي منعذار

خلوني وحدي حتاريت
لو ميته كلــت وياريت
والــدمع ماخله عيون

كالو عليله ومن مشو……. ماحسبو شنهو دواي
حگي انه ازيد من الحزن… … محد الي وباقي وياي
من كثر لو عات الگلب… …. ماظل بعد عندي وراي
اتسله كمت بحسرتي…   … .وغفه وانام ابمبجاي

اكضي العمر بلحسرات
وتسله بس بدمــعــــات
بيه انه ابد مــــــايدرون

حيرانه ظليت واون…  …. من  يوم ماعافوني
كلتلهم اكدر عل سفر… ..بس همه ماخلوني
مادرو كل حيلي نهدم… . .من يوم ماردوني
وظليت اباوع عل ظعن… .من سار بس بعيوني

سار الظعن گلبــي ومات
وتوسطنه الجــــــــــمات
خلوني ابجــــي ويمشون


احسب وعد وانتظر… ....كل لحظه اعيشن بواهام
مو سهلا تكظي بوحشتي… ..كل لحظه اعدنها بعام
حزمني وكتي الهل دهر.… ..للهم وشد انه حزام
وبگلبي احس ميه جرح……. ما يغفه گلبي ولا نام

فوك المــرض فركاهم
بياحال راح الكــــــاهم
وماضن علــيه نشدون

يوميه انطر بدرب…… مامش خبر ردالي
وحسين يدري بحالتي. …… ..شو ماسئل عن حالي
شنهو. الجره وياه وسده….. وينسه الحنينه الغالي
من يوم راح بهل وعد…  … جم يوم اهو كلالي

جــــــــــم يوم ويرد هنا
راح وبــــــــعد وين الكا
ماحســــــــبتهم يبطون


ابو سلام الجابري


https://www.tgoop.com/jjdicjcsk

من تشوف الدنيه  صعبه ومحد اليوكف الك
تنخه بحسين وتشوفه هوه الرحم من هلك
انته بس اشر بديك
مايبيعك يــــشتريك

حسين ماكو احد يشبها گلبه بي رحمه شكثر
حتئ للعطش عياله وهوه يطلبله العذر
ماكو مثله بگلبه رحمه وماعرف يوم الغدر
الكشي هوه حزام شده  وشكثر عنده الصبر

هيج طبعه ومن زمان
بصفه تلكه انته الامان
ولو نخيته بحيره صعبه من صدك ويدللك

ماكو مثله ولليندبه حير الدنيه بدواه
الماله طب وحار وكته بس يكصده اصبح شفاه
ماترك حتئ اليضده ولو رجع مسند لكاه
ينكسر گلبه عله كلشي وماترك واحد وراه

هيج گلبه شكد حنون
وربعه بي يتــــــــبركون
لاتهم للكال هذا من العشك جنه وشرك

وين اكو واحد تذبحه والك يطلب مغفره
وعذرك شما جان عذرك هل عذر ويقدره
ماكو بي كل نقطه سوده من الحقد يادفتره
بدمعه تكدر تنجي انته بحبه دنيه واخره

بحبه تلكه انته الحياة
الماشرب ماي الفرات
شما تميل الدنيه كصده هناك تنجي بلايه شك

التمت عليه العادي وكلها تطلب موته جان
وهوه روحه شكد حنينه وبس يسولف بلامان
ماعهد يوم بحياتي ولا وعد وبوعده خان
شماعمل وكته وتراده ولا يهم الهل الزمان

همه بس يرضي الجليل
لليحبه اصــــــبح خليل
ولو صرت تمشي عله نهجه ويصفه الك كل الفلك

عيش وي حسين رحمه وعيش ماتعرف حقد
تحضه بلدنيه بمراتب طول عمرك تنسعد
وخذ عبره وشوف ربعه شلون نالت هل مجد
وخلي الحسين الك نخوه هناك باجر تنسند

حسين حامي المر عليه
ومن تــــــحير اتنخه بي
وعوف كله الدنيه لجله وهيج هوه يساندك

ابو سلام الجابري

https://www.tgoop.com/jjdicjcsk

هوسات عيدر الغدير


علي لاول علي الرابع علي خلهم يحسبونه
الكالو عنه رابع ذول اصلن مايعرفونه
علي نفس الرسول يكون وحشه الدنيه من دونه

ماعرفو ..الكالو رابع


رفع جفه النبي المختار حيدر كال والينه
مدري شلون هاي تصير رابع علي مخلينه
من مثله بذل للدين روحئ وخلص سنينه

من ربك.. رافع جفينه

علي مثل الشمس وشلون يومك ينظم بحاجب
من رب العرش مفروض حبك سيدي واجب
وبيوم الحرب معروف غالب ما الك غالب

وبايعناه ..الاول حيدر

ياهو الاول انخلي گبلك ياعلي ومنين
الما يعرف يشيل السيف ولا يعرف اوصل الدين
غير انته علي الكرار ونته مسمه ابو الحسنين

ماترهم ونبايع.. غيره


ابوسلام الجابري

https://www.tgoop.com/jjdicjcsk

توجعــني روحي بكل مــــــــسيه
منكعد وكولن ياهــــــــــــو اليه
وتشاور ويل حيــطان
مهدوم حيلي وذبلان

توجعني روحي من الهجر حته المرض ناسيته
ودواي  بس نوح وبجي مايوم مامريته
ياهو المثل حالي صفه مايعرف بتاليته
مادري جا شنهو الذنب وبعمري المسويته

وتعــــــــذبت من دنياي
وحيده مــــــــــحد وياي
وظليت بس اصفج بديه

ادري اليفارك بلعمر ينطر شهر لو شهرين
بس انه فركاهم الي حد ما تغمض هل عين
وصارات بروحي بكل مسه بس شوفتك بويه حسين
ومنين اجيبك هل وكت كلي يوالي انه منين

لو شوفك تــــــهيد الروح
ويهيد گلبي الــــــمجروح
بس ايســت لا ماكو جيه

ياهو المجرب بلهجر وكت الغروب شحاله
يختنك حتئ من الهوه والهم يضل يبراله
شلون وعليل بلا اهل ويسولف ويخياله
وعيش ساعات الحزن بس الدمع يحلاله

ويلمغــــــــربيه بهل دار
يتــــــــنطر وماكو اخبار
ومحد يعرف المر عليه

وكعد وحير بعلتي وتمنه كون يمرون
وترس عيوني من الصور وكبالي كون يكعدون
ماظن بعد يرهم دوه وبروحي اهم مايدرون
وخلافهم صار الحزن اسود عليه بكل لون

اسود زماني حــــــتاريت
بلــــغربه وحدي وظليت
وياعلتي الــــصارت خفيه

اشكيلمن همي بعد المن اسولف عل صار
محرومه عشت بهل زمن وياوحشتي بهاي الدار
اتمنه طيف يمر علي ويلفني منهم خطار
ويطفي گلبي من الجمر وبگلبي تهلب هل نار

يسعر دليلي ومجــــروح
مذبوح بلهــــــــم مذبوح
ومحد يكــلي انتي خطيه

ابو سلام الجابري

https://www.tgoop.com/jjdicjcsk

فدوه الشــــيبتك فدوه الثناياك
يريت الــــموت ياخذ روحي وياك
المن ظاله الروح
ونته گبالي مذبوح

فدوه الكل جرح كوم اكعد وياي
اجيتك جايبه بجفوفي الك ماي
جنت انته الي بكل دنيتي دواي
شلون خلاف عينك تصفه دنياي

خلافك مايضل حيل
شلون بوحشه اليل
ليش الموت خويه انته وتعناك

فدوه الكــــل اثار حافر احاجيك
صعبه امشي يوالي وهيج اخليك
كون يصح دوه من روحي اداويك
ومن دمــــعي يغالي اكعد ورويك

شلون تموت عطشان
مســلب ليش عريان
ماتدري تضــــل هل روح برجاك

فدوه الكل فطر بشفافك وكوم
صعبه خلاف عينك كلفه الهموم
شدونه العده وسلبونه هل يوم
ودورك يلولي جم لجمه ملجوم

جروحك كلفه وهواي
نخيــــــــتك كوم وياي
ياگلبي يون هــــــــــل يوم ينعاك

فدوه الجرح گلبك والوكت ظام
جم شوغه وجــــــرح وبهاي اليام
شكلك خويه ماظــــلت تره خيام
ومارحم حرم لا رحــــــــــمو ايتام

حرنه خلافك شلون
من گامو يســــلبون
ونبجي من يمر يحســن طرواك

فدوه الشيــبتك شالو تره الراس
گبالي عله الرمــــح وندب يعباس
اول تالي جثت حســــــين تنداس
بحوافر خيلها وتلســــــلب الناس

تعال وناضر الحــال
اليوم امشي ويجتال
وياهــــو الكال خويه انوب ننساك


ابو سلام الجابري


https://www.tgoop.com/jjdicjcsk

كون دمـــــــــــوعنه ترد اليموتون
جا يمك يوالي ونعــــــمي العيون

جا يمك كعدنه سنــــــــين ونوح
يلعطــــــــشان خويه ونته مذبوح
مانكــــــــدر نعدها هواي الجروح
ونعوفك حســــــافه شلون ونروح

وبينه الصار انتم عيــــــــب تدرون

كون دموعــــــنه تردكم نون حيل
ومايطبك جفن ويغمـــــــض بليل
تدري خلافكم ماظــــــل بعد حيل
من شفناك خويه تسحكك الخيل

كنه النوب بينــــــــه وما يرحمون

كمنه انوح سكــته ونبجي بهداي
ونجمع دمعــــنه انجيبه الك ماي
كتلــــــــــك يلولي كوم كعد وياي
خلافك مابقالي وحيــــــل يعظاي

والسلــــب الخيم فزعو يركضون

بجينه علــيك حد مافرغت العين
وكلها تريد توصل تحضن حسين
بس شلون نوصــــــل كلي ومنين
اساهم البيــــــك ماتنعد نياشين

بكل صفحه منجيك الكاك مطعون

ماينشاف جســــــمك من السهام
والتمت عليك وتبــــــــجي اليتام
كالو عل التراب شلــــــــون وينام
خلافه بلا رحــــــــم تسبينه ظلام

شما نبجي الكفر بينه ويشــمتون

ابو سلام الجابري

https://www.tgoop.com/jjdicjcsk

زنجيل


بويه علي…. بويه علي
محد الي.   ظل من هلي

ظليت وحدي بغربتي…. وبس النسه وبس اطفال
وخلاف اخوتي تحيرت… .ويبجي هل صار الحال
امشي يسيره وبلظعن… والحادي صار الجتال
بعد الهوادج والحمه… ..بجفوفي شدولي حبال

وهل مال بطف محملي
بويه علي….. بويه علي

ريتك دريت بحالتي….. يوم بحبل شدونه
ومن عمده يم راعي العلم….. جيش الكفر مرونه
وكالو يزينب ياهو الج….. راح الذي تندبونه
ونظر وباوع عل سهم…. من عمده مارحمونه

بياحال من ينظر الي
بويه علي… ..بويه علي

ظليت بين اهل الغدر…. وحسين ظل مامدفون
لا خيمه ظلت لاستر… ودمع ماخله عيون
وينك يبو اليمه علي…. ماتدري جا حالي شلون
بحبال شدونه العده… والشام بينه يريدون

والهم بعد ما ينجلي
بويه علي… .بويه علي

بويه الكفر شالو علم… عباس كالو هل طاح
وحسين راسه يصد الي… معلگ صبح فوك رماح
مصباح عاشر والحزن… ماينسي وهل المصباح
ماظل الي والي وسند… من يوم كافلنه  وطاح

وظليت بعده بلا ولي
بويه علي… .بويه علي

ياريت حاظر لو شفت… ..بخيمنه من شبو نار
وحتارت بهمها وتون… .ولتمت عليه زغار
يصيحون عمه من الجمر… رحمينه جا شنهو الصار
من عدنه جنها اهل الكفر…. متحزمه هل تلطب ثار

وظليت ادور عن هلي
بويه علي… ..بويه علي


ابو سلام الجابري


https://www.tgoop.com/jjdicjcsk

عباس الگــــــلب ملجوم
بعــــدك خل تزيد هموم
شلون عله الشريعه تنام
وحنه مــــــــسلبين اليوم

خلافك والحزن جتال وحنه نروح من دونك
وياسهم الحقد ياحف خويه وماخذ عيونك
شلون اصبر بعد عيناك وگبالي ويذبحونك
ولا رايه وعلم وياي وهاي اتيام يردونك

ماظل ياصــــــبر بجفاك
ريت نمــوت خويه وياك
ولا يمنه الكــفر وتحوم

جيتك ياعضيدي انخاك ودري ماترد ليه
ماترضه يراعي الجود امشي اليوم مسبيه
لو حاضر يبو الكلفات ماصر السده عليه
ولاخلو رضيع حسين ظامي ويطلب ميه

حيــــــرينه الدهر يعظاي
وعبدالله الــــيريد الماي
وياحيلي الصــبح مهدوم

اوكف علجفوف شلون ولاجربه ولا رايه
سلبوهن يخويه عداك وبيهن جانت الغايه
اعظم يامصيبه تصير وشعظم خويه من هايه
اختك من تطب ديوان ومن ولايه لولايه

ونگــــطع هل طريق بعيد
خلافك ياگلــــــب ليهيد
وتتشمــت يخويه الكوم

حطونه بخرابه هناك ويحرسنه الشمت بينه
ويظحگ لو سمعنه انوح ويفرح وي بواجينه
توسدنه التراب انام بعدك هيج ظلينه
محد من اهلنه اليوم يدري الصاير علينه

محد يدري هيــــج الحال
جفوف مكيــــــــده بحبال
ويادرب الســبي الميشوم

الصعب خويه طبت السوك وحنه بس نسه وطفال
وتتفرج علينه الناس وجر بلجفوف حبال
هيج خلافك احنه نصير بعدك والحمل هل مال
جا نمشي سويه شلون ورافكنه الدرب جتال

خلونه نجــــــــر حسرات
صــــــــاحو ذني مسبيات
جرعنه بهل طريق سموم


ابو سلام الجابري

https://www.tgoop.com/jjdicjcsk