اكعد ياكفيل ..ام عون. شوف الحره سلبوها

اكعد شــــــوف حالتها وبواجيهه
وحيده شلون بطــــف جا تخليهه
موش انته الجــــبتها تكفلت بيهه
ماتدري الدمع عباس يعــــــميهه

(( وخيمها بنار وحركوها))

تعال وشــــــــوفها بياحال حالتها
حرمه بليــــه والي وفاكده خوتها
ومن كل صوب والعدوان حاطتها
وين اهلي تكــــــــول اليوم عازتها

((مافزعو بطف خلوني ))

اكعد شوف شنهــــــوالصار وياها
اكبالك والشــــــمر عباس سباها
من رادت تجيك بســــوط منعاها
وبس تبجي وتون ياحــــيف خالها

((وبدمع العين تخليها))

كالت خويه اجيــــتك كوم رد بيه
عباس انه اخــيتك صرت مسبيه
وحبال السبي بجــــــفوفي ملويه
محد كال اخيــــــتك هاي علويه

((وسلبوها ياعمت الساده))

بعدهي متانيه وتنــطرك سكينه
واعدني تكلــــــــي ومارجع وينه
كلتلها الــــسهم ظل نابت بعينه
وعمه ايتام عــــگبه اليوم ظلينه

((مايرجع مگطوعه جفوفه ))

ابو سلام الجابري

https://www.tgoop.com/jjdicjcsk

عازت الخوان عازه وهاي عازت خوتي
امشي بين چناب عمه وبيش تنفع دمعتي

راحو الكلهم محنه
اليوم محد منهم انه
وبيش تنفع دمعتي

***

عازت الحرمه الهلهه من تظل بلا ولي
تريد بس واحد يمرها ويمسح الدمعه تهلي
واني محتاره رقيه هناك ظلو كل هلي
بلا دفن علكاع موته ومال بطف محملي

مال بطف من بعدهم
وگلبي عمه هناك عدهم
حگي  تگبر بحسرتي
وبيش تنفع دمعتي

تعيش المظيعه اهلهه وعينه تصد للدرب
شلون تتحمل مصايب من يرد عنها الغرب
شتنفع دموع الغريبه العاشت بخوف ورعب
شلون بلتمشي سبيه مجتفه بطول الدرب

عازت الخوان يمها
يفزعون لو احد شتمها
وهيج صارت دنيتي
بيش تنفع دمعتي


كل صباح تريد اهلهه تريد اخوها يشوفها
يحمي اخيته من المصايب لا تضل بخوفها
وريت عباس ويزينب شاف هيج جفوفها
مو موسد بلمعاره وجثته احنه نطوفها

كون جف عباس سالم
مامشت هيج الهواشم
ولا اعيش بحيرتي
بيش تنفع دمعتي

عازت الخوان عازه ينهضم ليضل واحيد
عمه بعد حسين بلطف شاخت علينه العبيد
بس علي السجاد ولنه مگيد بطوگ الحديد
ياگلب ليشوف حاله ويستجن ساعه ويهيد

والغرب تحدي بظعنه
نصيح محد يفزع انه
ماكو مثل مصيبتي
بيش تنفع دمعتي

الاخو يحتاج اخيه بيوم موته وبلدفن
يگوم يحتار بمصابه ويلبس ثياب الحزن
شلون لو علكاع مرمي والف طعنه الينطع
وينمنع من ال بيته الراد يم جثته يون

حسين وبعازت اخوته
بلغرب ياوسفه موته
وحيره بطف حيرتي
بيش تنفع دمعتي


ابو سلام الجابري


https://www.tgoop.com/jjdicjcsk

بس ســــــواد اليل لا صبح صبح
ايروح راعي البيــت والكل تنذبح

بس سواد اليــــــــل ونصبح حزن
لا تظل اخــــــــــــــوان ويانه وابن
حتئ عبدالله الطــــفل هم ينطعن
انحير بس نســوان وشلون الدفن

الما يذبحه السيف ويذبحه الرمح

بس ســــــــــواد اليل باجر ننسبي
نطلع من بيوتنه بطــــــــرك العبي
بيا وكت زينــــب يصيد بيها اجنبي
وهيه عفت فاطــــمه وغيرت علي

شلون طول ام عــــون باجر يلمح

بس ســــواد اليل باجر ماكو ماي
ولاتصح خيمت ستر لا صح فياي
تكول زينب بس يتــامه تظل وراي
تترس الوديان حــــيره وماكو راي

وگلبي بي طــــعنات بلهم ينجرح

اليله رمله تنــــوح كعدت ولرباب
يصدن بحســرات بعيون الشباب
باجر يروحون جا شــنهو المصاب
من نظل خلافهــــــم بس للعذاب

ياهم انهم بي وياهــــــــــم ينطرح

اليله ماســــــــويت حنه ولا عرس
باجر ابني يروح مگــــطوع النفس
ياهو بهمـومي البعد عينه ويحس
رمله كالت هيج نمشي ويلرجس

وان ناصــــــــر دوم باجر ما يصح

ابو سلام الجابري

https://www.tgoop.com/jjdicjcsk

خل نفرش عبــــينه نلم الحسين
مطشــــــــــرته الحوافر بلميادين

خل نفرش عبــينه ونلبس سهام
ونتمدد سويه بصــــــــــــــفه ونام
كالت هيج كلــــــها وتبجي اليتام

وزينب حايره وتــــــــــعاتب البين

الحافر ساحگه وغيــــــــــر معاني
ماعدنه غطــــــــــــه نلمه ونغطي
نروح شــــــــلون عنه احنه وخلي

وبحبال الــــــــسبي ونكله ماشين

خل نفرش عــــــبينه ونكعد نوح
حسين من النــحر بسيف مذبوح
بلكت من دمعنه وتشفه الجروح

وللهم والحــــــزن صرنه نياشين

كالن هيج ويصــــــــبن بلدموع
وشافن بصــــــدر ماظلت ظلوع
حسين من الحوافر حيل موجوع

شافنه وبــــجن دم صبت العين

انلم ردنه جــــسمه وردنه ننعاه
ودورنه ولكيــــــــنه هناك يمناه
الخنــــصر من كطع لا ما لكيناه

ويلمحبــس خذوه منه الملاعين


ابو سلام الجابري


https://www.tgoop.com/jjdicjcsk

مكسور گلب ام الولد ..من زفته للحومه
محتاره ردت للــــخيم ردت تشم بهــدوه

شلون حالي تكــول رايح ظنوتي
وخلافه احير هنا وتكبر حسرتي
الطف عرفته اليوم ياخذ شمعتي
بلغرب اعيش انوب تصعب غربتي

وخلافه مايهده الگلب.  .ونوب اظل ملجومه

احــــسب وعد سنين ونطر زفته
شلون روحي تعيش وحمل فركته
ياريت مــــــــــيته ولا اشوفن جثته
بحيره روحي تحيــــــر ظلت حنته

يحگلي بعدك يلولد.. روحي تظل مهمومه

اخلافه احير شلون يخلص هل عمر
مذبوح فوك الكاع ومشي ويلكفر
احتار بــعده و ماعرفت انه الامر
جاوبني كتله شلون بعدك والعذر

اشلون اشوفك علارض.. وانه انسبي ومظلومه

انته ذكره وياي .يمه من لحسن
ومن طلــــعت وياك ياگلبي نطعن
شلون كلي تموت ماصحلك جفن
ياريت گبـــــلك كون  ياگلبي ندفن

يحگلي اظل طول العمر ..من غيبتك مالومه

يمه من شفــــــتك ذبيح حتيرت
شلون وديــــتك بديه انته ورحيت
ريت بعدك كون جاســم ماعشت
ولا عرفت الصــــار بيه انه وشفت

ولا اظل بحسرتي ..اخلافك اون مندومه

ابو سلام الجابري

https://www.tgoop.com/jjdicjcsk

يهل المــحنه تحيرت ..زينب تكل الساده

ظليت وحدي بلا والي.. زينب تكل الساده
محتاره مــحد ظل الي.. زينب تكل الساده
محد تكفل محمــــلي… زينب تكل الساده
الــــــيوم طايح كافلي…. زينب تكل الساده

مو بيدي جا وياه متت… زينب تكل الساده

لوشفــــتو بينه انتو الجره… زينب تكل الساده
من طاح سبع الكنــــطره… زينب تكل الساده
ظلت جفوفه مطــــــشره.. زينب تكل الساده
وبجاله جنــت مخــــدره… زينب تكل الساده

من راح اخوي تيســرت… زينب تكل الساده

لو شفتو حالي وغــــربتي ..زينب تكل الساده
ابيوم حركو خيــــــــمتي… زينب تكل الساده
ومحد ينشف دمعــــــتي… زينب تكل الساده
وبهداي صارت ونتــــــي… زينب تكل الساده

لجثثكم اركــض وعثرت ..زينب تكل الساده

تدرون من صار الســــبي ..زينب تكل الساده
نعمه وسلمنه عله العبي.. زينب تكل الساده
كل ساع يشتمنه اجنبي.. زينب كل الساده
ويكول ماعدجــــن ولي ..زينب تكل الساده

ياريت وياكم متــــــــت… زينب تكل الساده

ياريت ميته بــــــموتته… زينب تكل الساده
وحسين سلبو جــــثته ..زينب تكل الساده
وتبجي رقــــــيه ورادته… زينب كل الساده
جبتلها بس عمــــــامته… زينب تكل الساده

وخلافه ظيـم انه وشفت… زينب تكل الساده


ابو سلام الجابري

https://www.tgoop.com/jjdicjcsk

ليلئ اليوم بس ادمــــوعها تسيل
الاكبر راح منها وســحكته الخيل

الاكبر راح منــــــها وراح عطشان
وبس هوه الوحيد اليلئ هم جان
ماعدها ولد لا عــــــــــدها خوان
تشوفه عله التــراب شلون ذبلان

حگها تكول حملي خلافك يميل

ام وحيد ليلئ ومنــــــها ويروح
شلون تهيد حكها وتبجي وتنوح
مادفون ابنها بصفــــــــها مذبوح
وماصح كل دوه وداوي الجروح

شلون بحالها لو جلــــــــجل اليل

ونت حيل ونتــــــــــها عله فركاه
وكالت كون ميــــته وروحي وياه
رباي الراح مــــني شلون انه انساه
التربي تريد حــكها وحگي بس اه

والحســــــــبات ضلت بيه التعيل

تمشي ويل ســــــبي وتجر بلجدام
تكول وياه ومــــــاتت كل الحلام
جسمه هناك ظل مترس سهام
وراســه عله الرمح مرفوع جدام

ومن نسمه هوه كامت تره تميل

ام وفاكده ومــــــــــــذبوح ابنها
ياهو الــــــــــكال يتوصف حزنها
تريده وعود يحــــــــضرها بدفنها
مات وما تــــــــــــبطل دوم ونها

تكول هناك ظــل بين المجاتيل

ابو سلام الجابري

https://www.tgoop.com/jjdicjcsk

علي بجفــــه والشمــــــس رداهه
وعلي الاكــــــــبر غيمت خلاهه

شكد،شبه بينــــــاتهم
هيج هــيه افــــعالهم

علي حلال الكلايف. علي المحير السيوف
وعلي مايخشه الحرب. علي رداها الالوف
هيج الاكبر هيبته. لعده ماتت منه خوف
بي شهامه حيدرا ..وبينت يوم الطفوف

صول وشل حالهــم
جنه حيدر طابهــــم
وملحمه بيــــــــومه صدك خلاهه

انتخه وشد صارمه.. وغيم بطف كربله
الشافته ومنه تحير.. بيها نازل زلزله
خله حد صوب الخيام.. وسوه حد للمرجله
يحصد بكيفه ويدوس.. وسيفه علكوم عتله

مايثني عله الــركاب
علي يافخر الــشباب
علي ياملكه الشــــــــــــهم لاكاهه

انتخه بعمه الكفيل.. وصال صوله حيدرا
خله بلطف الالوف.. من شمرته محيرا
يفرح بسوح القتال.. حيد وكت الزمجرا
كال روحي الها تهوم.. عمتي تبقه مخدرا

للعده ماظــــل عذر
علي طبــــهم يفتخر
وبمهرته ركابــــــــــــــهم داساهه

حيدر الرد الشمس.. وشبله رد النايبات
كال مايحله الحجي ..اله اثني عله الفرات
جنه حيدر من يصول ..هواي منه وبي صفات
مايهم دوم بعدد.. ولايهم بهل حيات

شما تــــزيد اعداهم
بســيفه ثنه ورادهم
ورايته بجــــــــــــرف النهر دكاهه

علي من طب للنزال.. وليلئ طبت تندعي
جنه يسمعها ويكول ..يمه افرحي وهلهلي
ماشوفن زلم زين ..اليوم البسهم عبي
لا يظل گلبج يلوج ..ونتي امري داللي

كال  اســــويهم شتات
علي بي كــــل الصفات
اتنسونت نســــوان اهو وسواهه

ابو سلام الجابري

https://www.tgoop.com/jjdicjcsk

من كلتله حسيـن هل ظــــــــلينه
ميت وشفت الهضــــــــيمه بعينه

بعينه مني يرد جــــــن يطلب عذر
يكول ماخله عــــــلي حيل الشمر
ياهو مثلي ثنعــــــش طبره ينطبر
وخته بحبال الســــبي بصفه وتمر

وصدره بلحــــــافر تره مهشمينه

بعينه اشوف ادموع من صدلي بجه
وعل سبي وصــــــار بعيونه حجه
كال زيــــــــنب وين باجر غابــشه
وراح اظل علكاع ظــعنج لو مشه

ورد يوصــــــــــــــيني بعد بسكينه

جنه شاف الــــصار بينه شما جره
وشاف حـرك خيامنه وحز منحره
بوكت واحد ذني صــارن مو سره
وشاف جفين الكــــمر عل گنطره

وشاف كــــــوم زياد اجت تسبينه

تسولف عيونه علينه وكلشي صار
من لهيب النار حــد سلب الزغار
يدري بيه الــيوم حرمه وماكو دار
ومحد من خواني ظل ياخذلي ثار

وعل رمح راســــــه وهو يبارينه

عل رمح راســــه يصد عله اليتام
وين كعــــــدت وين هــليله تنام
يكول جثتي هــــناك ظلت للسهام
وبلخرابه  يطــــول هلــيله الكلام

من رقيه تكــــــــــــــول مامر بينه


ابو سلام الجابري

https://www.tgoop.com/jjdicjcsk

هاي زينــــــــــــب مادريتو شلونه
حايره الدمعــــــــــــات بين عيونه

حايره بدمــــــــــعاتهه من الحزن
مفاركه الخــــــوان بلحسره وتون
تكول ليش حــسين جا ما يندفن

والغريب الــــــــيوم حادي ظعونه

هاي زينــــــــب ماكو دار ولاخيم
تصفك الجــــــفين بلحسره وندم
تكول راح الــــــــيوم يارعي العلم

والشــــــــــماته اليوم اجو يسبونه

اليوم مســــــــــبيه وتباوع بليتام
بل براري تظــيع محتركه الخيام
بياخرابه تكــــــــول جا رايح  تنام

وين اهلهم حــــــــــگهم يفكدونه

تحيره لو صار الدرب عل مشرعه
تشوف عباس الجــــفوف مگطعه
واليتامه تريد تبــــــــــــجي تودعه

والكفر عن البجــــــــــــي يمنعونه

شلون لوشافت ظــــعن مابي علم
ومن اهلهه تشــوف ماواحد سلم
عاد هيج تحــــــــــير يكتلها الندم

شلون اهلــــــــــهه ولسبي يخلونه


ابو سلام الجابري

https://www.tgoop.com/jjdicjcsk

بسواد اليل ردنه وندفن حسين
بس نسوان كتله ويا ظوه العين

بس نسوان كــــــــتله نريد عوان
وتعرف للــــــــدفن يحتاج دفان
نخاف من الحد كل احنه نسوان
ولا صح الجفن والخــيمه دخان

وجثتك يلولي مغــطيه الميادين

بسواد اليل كنــــه ومحد يشوف
بس هيه المصيبه بطرك الجفوف
ماخلت علينه وكلــــشي الطفوف
وحرنه بدفــنتك من كثر السيوف

وخلص كل وكتنه بطــرك الونين

خلصنه الوكت نــحسب بل سهام
وجابت ماي اجــــتك تبجي اليتام
ما ترضئ يخويه تــــــــغمض تنام
والدفنك وجــــــت متحزمه حزام

وكالو ريت گــــــــبله وكنه ميتين

يم نحرك اجو كعــــــــــدو يونون
وبس يمـــــك يوالي اعرف يمنون
كالو عمه بــــــعده وحالنه شلون
وباجر والــــــــعده بيه ويغبشون

والدفنك ندور مامــــــــش معين

ايسنه وكعــــــــــدنه انوب ننخاك
وردنه وكــــون موتتنه احنه وياك
صعب حسين خويه شلون ننساك
ماحســــــــــبنه هيج اليوم نلكاك

وباجر الســــــبي يحسين ماشين

ابو سلام الجابري

https://www.tgoop.com/jjdicjcsk

كون الونين يطيــــــــــب الجروح
جا خلــــصت كل عمري بس نوح

ياهي المثل روحــــــــــي بحزنها
تودع بخوها وتنــــــــــــــسه ابنها
كل ظنها يحضــــــــــــرها بدفنها

ماتدري باجــــــــــــر هوه مذبوح

ماتدري باجــــــــــر ويه الحسين
تسحكه الــــــــحوافر بل ميادين
وتــــــــعيش هيه بدمعت العين

وتشوفه مــــــــيت مرمي مذبوح

اتشوف ابنــــــــــــها وماتمري بي
من خاله زحــــــــمه تكول احاجي
خلي يظل بلكــــــــــــــــــاع اخلي

وخلي يــــــــــــظل بلكاع مطروح

عدي الاخــــــــــــــو ماكو بمعزته
واليــــــــــــــــوم راح انه وفكدته
جا شــــــــــــنهو ابني الما وصلته

ساعه وســــــــــبايه وعنهم نروح

الساعه شتــــــكفي ويل الحسين
نبض الگــــــــــلب يروي الشراين
شلــــــــــــون اعوفه وعنه ماشين

بين الــــــــــــغرب ونوح مفضوح

ابو سلام الجابري


https://www.tgoop.com/jjdicjcsk

غابت شمسنه بكربله وصار الحجي عله المفكود
ويراد من عدنه الصبر ونوح ابد مامريود

نصبر نكابر حــــــــــسرات
يفرح دمــــــــعنه الشمات ..
وصار الحجي عله المفكود

تحيرنه من كثر الحزن وليل جلجل حسرات
ماعدنه خيمه ولا ستر نحتار جا وين انبات
موسهلا ينضم الدمع ولا سهلا نحمل لجمات
ظلينه ننظر عل درب بلكت يرد انه المات

ونينه سكــــــــته بلا صوت
عذبنه بلطــــــــــــف الموت…
وصار الحجي عله المفكود

انخه الحبايب عل دمع ظمنه عن هاي الناس
ويكولن شلون الصبر ومن عدنه راح عباس
ياهمنه مو ينظم دمع يشيب الگلب گبل الراس
وحسين ظل عله الرمل بلحافر الغالي نداس

بهاي المســــــيه الهم زاد
ياصبر مــــــــــــــنه اليراد…
وصار الحجي عله المفكود

ماسولفت ليلئ وحجت بس الدمع منها يسيل
ومن الهوه هذا اليهب مثل السعف هيه تميل
وتكول بس هذا الولد ولامن دفن لا تغسيل
وشلون اصبر عل جره وكام الدهر بيه يعيل

ماتحجي وتصــــــب دموع
وتكول گلبــــــي المفجوع…
وصار الحجي عله المفكود

وام جاسم مدنكه وتون وعلحنه تجذب ونه
وتكول عريس الولد وشلون ما زفنه
مابيه انه عله الصبر جا وين اودي الحنه
ازغير بعده عله الذبح والخيل هل سحكنه

ظل بلمعاره ومــــــطروح
شلون اســــكت هل الروح
وصار الحجي عله المفكود

وشفت الرباب ويل مهد محتار شنهو تاحجي
وتكله عبدالله نذبح ظامي وبعد ماروي
ظمو وماشفت الولد كلولي جرحه الماذي
جيبو الي بلكي الدمع من عيني هوه يداوي

گبل السبي وهــــذا صار
وگلوبنه التهــــــــــلب نار
وصار الحجي عله مفكود


ابو سلام الجابري

https://www.tgoop.com/jjdicjcsk

كومن خل نلم جفــــــوف عباس
ذني الچنه بيــــــهن نرفع الراس

كومن خــــــل نرد سيفه وجربته
وهذني ثنينــــــــــهن ينعدن خته
عليــــــهن دوم ماهادت حســرته
من زغــره يبــــــــــــاريهن عرفته

شلون اليــــــوم رادن منه حراس

كومن خل نلم جفــــــــوفه ونوح
يكفال الظعــن بلبيــــــده مذبوح
حگــنه ولو بجــــــينه ويمه ونوح
راح يضــــل طريح واحــنه انروح

الكل شــمات يمنــه وهايه يناس

چنه بجــــالهن واحــــنه الاميرات
وصرنه خلافهــــن عدهم اسيرات
وهاي الناس يمنــه وكلها شمات
هسه تمــــرجلو عــباس من مات

اشحدهم كون سالم واحنه ننجاس

چنه بجالهــــن والراس مرفعوع
اليوم خلافــــهن وتصب الدموع
وظل عباس راسه هناك مگطوع
ومثل حسين اظنه مكسر ظلوع

ويابدر العــــــشيره بخيل ينداس

ويابدر العشــــيره نجيبه ومنين
كالو يلســــــــــهم متوسط العين
نگله خلافكــــــــــم دوهنه يلبين
من كالو فــــــــــكد عباس جفين

وحزنك بلگلــــب جا بيش ينقاس

ابو سلام الجابري


https://www.tgoop.com/jjdicjcsk

كافي من السحگ ياخيل… صدر حسين ظل خالي

هيج انه صحت من يوم وصلنه
وخلني عله اخيــــــي اجذب الونه
كلتلهن اريد اوصل واشــــــمنه
لو راح الولي مــــــحد يظل انه

وما بيهن رحم .مارحمن بحالي

كافي من السحگ مو خلصت ظلوعه
كلتلهن تهــــــدن بيه الف لوعه
مفجوعه عله اخيي وحيل مفجوعه
اول تالي اخوي وتــــنزل دموعه

ماهم للحــــوافر… يبجي الحالي

كافي طشرت جثته وهو الظامي
اشوف حسين صعبه اموت جدامي
ظل علكاع نحره الينزف ودامي
بعده شلــون رايح تخلص ايامي

يرجعلي جنت.. هــــيج يتهيالي

يرجعتلي كلت ونضر علئ عيونه
مو ميت  يظــــل وعداه يسلبونه
حتئ الخــــــنصر منيده يگطعونه
ماحســــبت هيج يصير من دونه

شما صيحن يزيدن.. سحك بلوالي

شما صيحن تزيد بســــكه وتگلبه
وظل سهم المــــثلث نابت بگلبه
عرفت انوب بعــده نعيش وبغربه
ويام التجي تصبــــــح علي صعبه

ومشي والشــــمر… ياحف يبرالي

ابو سلام الجابري

https://www.tgoop.com/jjdicjcsk

تبجي العيون يزينب تبجي العيون
من تضلون يزينب من تضلون
غربه بين عداكم
اخوان ماكو وياكم ..تبجي الغيون


باجر تصبح حرايب والعطش مرد الجبد
وتطلع اخوانج تحارب محد ومنهم يرد
شلون حالج يلغريبه وبين كل هذا الحشد
ناس غربه بليه رحمه وناس
تسحگ علورد

ونار تلهب بلخيم
يطيح عل شاطي العلم.. تبجي العيون

باجر تضلون غربه وينسلب كلشي ويروح
محد يعين الفواطم محد يداوي الجروح
من تظل ايتام تبجي وعل نحر تصبح تنوح
حسين خيل ادوسه صدره مايردلج ماكو روح

هيج تصبح حالتج
تاكل الخد دمعتج… تبجي العيون

باجر تشوفين زينب عل الارض كل الشباب
جاسم العريس يرحل ومه تشكي من العذاب
تكول حنته وبيدي ظلت هوه نايم عل تراب
يامصاب تشوفه عينج ياهو الصعب يا مصاب

شلون جا بم الولد
من يظل خالي المهد.. تبجي العيون

باجر النبله تصوب منحره ويصبح شهيد
ظامي رايد ماي يشرب ينذبح من الوريد
مهده خالي يظل تره امه خلافه ابد لاماتهيد
شلون لو كالت يزينب اندفن يمه اريد

تموت يمه وتندفن
ولاتظل الهل حزن. . تبجي العيون

ليلئ باجر شنهو تلكه وره ماتگظي الحرب
تشوف الاكبر بلمعاره موذر يذوب الگلب
ينهدم حيل امه كلش بعده وتيه الدرب
تبقه ونته عل بنها سكته والمدمع يصب

شلون گلب امه بجفاه
تكول اموت انه وراه.. تبجي العيون


ابو سلام الجابري


https://www.tgoop.com/jjdicjcsk

اليوم زينــــــــــــب ماتكف عيونها
راح عباس العده يســــــــــمعونها

راح عباس الكــــــفل هذا الظعن
طاح يمه جفــــــوفه ذني تگطعن
وهاي زينــــــــــب ظاله دور وطن

هيج كالو رادو يهــــــــــــــظمونها

هيج صــــــــاحو راح زينب كافلج
ومال بلطف حــيل كلش محملج
راح اخوج اليوم ياهــوالظل الج

خاف تســــــــــكت ردو يبجونها

خاف تســــكت جابو بصفها العلم
وكالو انــــــتم هل سبايه بلا خيم
وذاك اخوج هناك ظل صدره نهشم

وچلمت المســــــــــبيه ويردونها

كامو يهوس يمهــــــــه وهي تون
ذاك خوج هنــــــاك ظل بلا دفن
خل يفيدج يخت الحسين الحزن

بلايه رحــــــمه وماظن يرحمونها

بلمــــــــسيره وسارو بصف النهر
وكالو من حسين ظل بس النحر
موتي يازينــــــب علئ خوانج قهر

وما كــــــــــفاهم هاذ ويشتمونها


ابو سلام الجابري

https://www.tgoop.com/jjdicjcsk

كوم اكعد يكافل… وگلــب الشام
ماترظه بخرابه.. تبات الــــــــيتام

كوم اكعد يكافل ونضــــر الحال
حتئ بنومه مكــــــــيدتنه الحبال
ومتوسدين بعدك خويه الرمال
حگهه اليوم تبــــجي تون الطفال

ما رحمتنه هاي الكــــــوم ظلام

كوم اكعد يكافل شــوفني شلون
مو زينب هذيجه تغــــــــير الون
وحيده حتار ارد بيش اليــعيلون
وكالو ظل اخوج هناك مطعــون

وظل عله..  التراب مترس سهام

نخيتك كون تكــــــعد تدري بلصار
تشوف شــــــلون حرت بلم الزغار
من حركو خيــــــمنه ومابقت دار
وكلها تصيح عمــــــه تخوف النار

ويم جثــــــتك يوالي .ترف العلام

نخيتك يوم يمــــــنه هزو الروس
فوك رماح ونته ســــهام متروس
وكالو علجثث بلخــــيل وندوس
عرفنه شلون ذاك اليوم منحوس

ماذيك الــــجرح .عباس عل هام

نخيتك كوم وكــــعد شوف ادينه
كون تشوف شــــــنهو الصار بينه
فرجه اليوم صرنه احنه نســبينه
وهل الشام تتفــــــــــــرج علينه

ماندري الوكت شنهو وبعد ظام

ابو سلام الجابري


https://www.tgoop.com/jjdicjcsk

كرها كر اليــــــــــــوم جن كرارها
وكر علــــــــــــيها ابوكرها وكارها

حيد طــــبهم للوكر
وكاسر خشوم الكفر

ينتخي بجده ابو اليمه وفزع لوكار العده
برد صمصامه بركبهم عل كفر لمن بده
الصار بيهم بلمعاره ودوم مامثله سده
يهون لجل حسين كلشي وهل نشيد يردده

وين كال افعالهم
اله اثنــي بدارهم
وهيج دك النــــــــــايبه وبديارها

شبل الحسين وكصدهم ينتخي بجده علي
وكال كل الزود بيه وزودي انه المن هلي
ياهو حيد واخو اخيته وفنه يتكرب الي
ايمه ابشري الزود اليه بروسهم ودللي

ظل يحــــش بركابهم
بسيفه طش اخبارهم
ومنه مكــــــــــسوره وترد بعارها

وكر بزوده عليها وللمراجل خله حد
ماكو زلمه يخطفه سيفه ويسلم بروحه وشرد
كال مايكفون ذوله شويه اشوفن هل عدد
عاهدت واليوم لازم اوفي انه بهل عهد

اله اذل اكبــــارهم
بيدي وشعل نارهم
تسعر ولليــــــــــــــوم ضلت نارها

شافته عمته العقيله تكول يا نعم الشباب
حارت العدوان منه وهيج راواهه العذاب
الجيش كله بزود الاكبر فص ملح وگباله ذاب
الما شرد من سيفه ميت هيج شره عله تراب

سجه اله وســواهم
عل رمــــل شراهم
هيج الاكبر عيــــــــــشاها بعارها

كفو من ربات الصميده وكفو من ربات الزلم
بكيفه طش اجيوش اميه برايه بيهم من يلم
كلها صاحت هذا حيدر من الاكبر ونعم
حيد وكت الشده كدها وشاب بلملكه شهم

حيد وكت الموزمات
الگابله بلملــكه مات
منه وشحدها تحــــــــصل ثارها


ابو سلام الجابري


https://www.tgoop.com/jjdicjcsk