حسين لتوصيني بيهن لاتكلي تظل وراي
اني التكفل بناتك هيه هم تمشي بحماي

حسين لتهم برقيه ولاتهم بهل بنات
خلي همك للحرايب راح وكت مدللات
البارحه كلشي حجينه اليوم بلهيمه نبات

ندري شنهو يصير بينه وحاسبين الكلشي جاي

حاسبين نظل يتامه وحاسبين نظل غرب
خويه لاتبجي عليهن ودري هلموقف صعب
الما تصد بخيال اهلهه شلون تمشي بهدرب

شلون لو شافن جثثكم بشمس ماصح فياي

لبستهن ثوب الاسود حزمتهن  علعبي
سولفت كلشي عليهن علخرابه وعل سبي
مااخلي احبال ايديهن يوصل يلفهه اجنبي

وانه اصيرن كلشي الهن حتئ لو ظايع دواي

انه اصيرلهن تجيه وانه اصيرلهن سند
وبجي وي الراح ابوهه وبجي وي ام الولد
اصبر وياهن واكابر للصبر ماخلي حد

لجل دين الله ورسوله يصير كلشي انه برظاي


انته بس هل ساعه يمهن رايح يطش الظعن
خويه ظم الحسره عنهن باوعن بيك وبجن
للمصايب كل بناتك شوفهن وتحزمن

وانه احير خلاف عينك ماريد الدنيه هاي


ابو سلام الجابري


https://www.tgoop.com/jjdicjcsk

اليوم زينب تحتار هاي المسيه
تروح مسبيه شلون وي ال اميه

اليوم زينب تحتار وتون حزينه
تشوف عباس شلون گطعو يمينه
اتصيح وبعالي الصوت رايح ولينه

وراح عنه العباس بلغاظريه

شلون اصبر وحسين حدر الحوافر
وانه بجفوفي حبال عنكم وسافر
ريت لا جه عاشور لاشفنه عاشر

ولا شفت هذا الصار والمر عليه

لاعدي خيمه ولا دار لاعدي خوه
اليوم بجفوفي حبالي مشوني كوه
ولجمر لو تدرون جا شنهو سوه

يجوي بجدامي وحيف افرك بديه

تكول يم جف عباس جابوني اشوفه
اتحسرت فوك الكاع وشلون اعوفه
من شفت سهم العين صابتني خوفه

ايست كلت الراح لا ماله اجيه

ايست من عباس راحت جربته
شفته جثه عله الكاع بس ماوصلته
كلت مايدري الصار من شتمو اخته

تمنيت وياه الموت بطف سويه

ابو سلام الجابري


https://www.tgoop.com/jjdicjcsk

فرق بلبارحه عــــن كعدت اليوم
چنه بجــالهم ناســــــــين الهموم

چنه بسالفه ولمــــــــــــتنه خوان
اليوم عله العــــــليل دور نسوان
شفنه اليوم نار وشــــــفنه دخان
ومطوقينه بكل صــــوب عدوان

حسرات ودمــــع وگليب ملجوم

جنه البارحه نســــــــــامر احباب
وين اليوم صــبخه وكعده بتراب
الجانو ســــــلوئ انه اليوم غياب
شضمنه الوكت وشــوده وشجاب

وگلوب اليــــــــتامه عليهم تحوم

فرق حتئ بســــــــوالفنه گبل وين
وهسه هموم نحجي ودمعه بلعين
ندور وين رايح خنــــــصر حسين
ومن عباس ماخــــــذ وسهم عين

ويم الماي ميــــــــت منه محروم

جبنه الماي يمنــــــه وهسه شفنا
بس البارحه العــــــــــبدالله ردنا
ظامي من العطــش مات وتركنا
ويا مهده حــــــــــــترك بنار عفنا

منعونه نطــــلعه وفزعت الكوم

عدنه البارحه وخــــــيام ودلال
وهسه شلون هذا الحال ياحال
حتئ بنومــــنه ترافگنه الحبال
ومطقــــينه بكل صوب الانذال

وياجفن اليغمض يعرف النوم

ابو سلام الجابري


https://www.tgoop.com/jjdicjcsk

اعتذر لاعادة النشر


اليوم برووس اهل زينب يهوسون
        *---------------*---------------*
وحــــيده اليوم زينب محد وياهه
كفال الظــــــــــعن من مات خلاهه
تتــــــــــنخه بدمــــع  ونوح غطاهه
وصاحت وينكم يهلي من لظعون
اليوم برووس اهل زينب يهوسون
        *---------------موزينه اخبار اهل طف*---------------*
صاحت وينكــــــــم شو محد وياي
حركوا خــــــــيمتي وتشمت عداي
وانه خلافكــــــــــم ماظل بعد راي
وفزعوا للمخــــيم خلهم  يحرگون
اليوم برووس اهل زينب يهوسون
        *---------------مسلبينه حسين ابن مي*---------------*
فزعوا للخيم سلــــــــبوهه الاطفال
وماظل كلشي عدنه معــذبه الحال
حملي الــــــيوم مايل والدمع سال
وعدواني كــــــــــــفر لا مايرحمون
اليوم برووس اهل زينب يهوسون

        *---------------ذبلانه حسين شفافك*---------------*
اليوم الروس شالوها اعله لرماح
يهوسون بجفافي وشامت لصاح
وين حزام ضهــــــرج عافج وراح
بنضرات الحــــقد ضلو يضحكون
اليوم برووس اهل زينب يهوسون
        *---------------وهزوهه الرس گبالي*---------------*
مااصدك اخــــــوتي الشالوا الراس
فوك رمــــــــاح شالوهم يهل ناس
راس حســين غالي  شلون نجاس
ينضرونه بحــــــــقد كالو تشوفون
اليوم برووس اهل زينب يهوسون
        *---------------*متانينه الراس نحضنه-------------- ار ا


ابو سلام الجابري
باقر جبار الشويلي


https://www.tgoop.com/jjdicjcsk

باجر ياصــــبر… ينفع بلــــــعمر
لو راحو هلي.. ويزجرني الشمر

من عمري اليضل بهموم اعده
وانه بلا اهل شيــخلصه شده

من هسه الگلب ملجوم  وباجر شنهو تالينه
اذا تهجم علينه الخــــيل وراحت كل اهلينه
نظل وحده بلاخــره تلوذ ندور حسين يحمينه
وذا شفنه الخــــو مذبوح شيهود بواجينه

شي هــود الدمع لو راح اخونه
وجيوش الكفــــــــر وليه ولونه
ونحير شكثر… .باجــــر ياصبر

من هسه بدللي النار وخاف من اليجي بالي
كبل هل يوم هاي الناس محد شايف خيالي
ماطلع وروح شلــــون اذا طاح الاخو الغالي
احير ويليتامه هناا وبس النوح يحلالي

اظل بخيمتي مدري امشي يمه
حسين هناك اشوفه يفض دمه

بنص وادم كفر…. باجر ياصبر

باجر من اشوف حسين وحده ومحد ينصره
ياموقف الصــيرن بي بگلبي وتسعر الجمره
ارد ونخه بعــلي الكرار وريدن بطف ينصره
ونبوه ابجي وجر حسرات وندب فاطمه الزهره

وندب ياعلي تحــضر تجينه
حيره وماله ناصر ظل ولينه

جا شنهو العذر…. باجر ياصبر

حرت ودري اليصير وياي يكسر خاطر اخوان
كل اشويه اشوف حســين رايح راد وصاني
عن بنته العليله يكــــــول تنطر هسه وتاني
علميهه بجفاي تعيــــش تتعب ادري وتعاني

علميهه الصــبر ظلت حزينه
اذا رديتي باجر للمــــــــدينه

ومنهه انه اعتذر…. باجر ياصبر

بس الــــــــيله انه وياه وباجر غربه تحدينه
ياخذني الرعب وحتــــار اذا حركو صواوينه
وحير بكافلي وحتــار اذا جرو سهم عينه
وكلولي اخوج الحيــــد شوفي نگطعت ايمنه

شوفي يمنه وشــوفي يساره
ونتم بــــــــسبي وين الغياره
يعيروني الكفر… باجر ياصبر


ابو سلام الجابري


https://www.tgoop.com/jjdicjcsk

بدت قــــــــصت عذاب بليله العاشر
وبدينه عله الــــجروح نسولف نكابر
نذاكر اهــــــــــــــنله بلا دفن علكاع
ومانعرف دربــــــــــنه بيا درب باجر

حرم وطــــــفال مسبيه
سوالفنه عــــــــــلئ بنيه
نامت لو تفــــــــــز بليل
بحظنه تنــــــــــام ليليه

شلون اليلــــــــه نومتهه
رقيه ومــــــــن يسكتهه
لو رادت ابوهــــه حسين
شعظم مــــــــن مصيبتهه


ياعظم مصــــــــيبه وياشتات الراي
نذاكر عطش لو جــبنه  طاري الماي
هاي تصيح ابني وذيج ابوي تصيح
وبس نسوان خويه اليوم تمشي وياي

بس نســــــــــوان ظلينه
وعليل يــــــــباوع بعينه
مايكدر يعــــــــين الطاح
هوه حــــــــــتاج اليعينه

يحتاج الدوه ومــــــــصح
من كيد الســــــبي مجرح
ياثكل الحــــــــــديد البي
دم يجــــــــــــاره والمذبح


شلون وي التــــــون والحنه شالتهه
ومرت علــــــــــشباب الموته حنتهه
ذاك اليوم عــــــــــده مايصح الماي
تبجي منــــــــــلدمع يلحنه عجنتهه

تمر بلمــــــــــوته تعزمهم
عرس جاســــــم يكعدهم
شباب تكلــــــي ويفرحون
ياهو الــــــــــكال افاركهم

اريدانهــــــــــــــــم يزفونه
وعرس جاســم يحضرونه
عمامه بلا عــــــرس هيهات
جاسم مــــــــــــــــايخلونه

يرمله تحــــــيرت وي ليلئ هل ليلئ
راحت يم الكــــــــــبر تبجي تشكيله
موذره وذره وذره مطـــــشر عللكاع
وحتارت تلمه شلــــــــــــون وتشيله

وحيد راحــــــــت تحضنه
شافت بي الــــــــف طعنه
تشوفه مطــــــشر عللكاع
كالت ياهــــــــــو اليدفنه

ابني ولا يظــــــــــــل هناء
ادفنوني ســــــــــــــوه وياء
مامشي ويــــــظل مطروح
عساه مايســــــــلم الذبحاء

حرت وي ليلــــئ اظلن ورباب تنوح
جابتلي المــــــــــهد وتكلي مامذبوح
عبدالله واســــــمعه وتوه يبجي هنا
زينب خل ادوره مشــينه هسه روح


در صــــــــــدري واريدنه
وليدي ومــــــــــــاعوفنه
ينام ليــــــــلئ عني بعيد
هس امــــــشي واحظننه

زغير تخــــــــوفه والظمه
التراب يــــــــــعور بعظمه
تكلي وكــــوم ومشي وياي
اعلم بي وانــــــــــــــه امه

ابو سلام الجابري

https://www.tgoop.com/jjdicjcsk

نزال الام البنين ع


وفت الزهره الزجيه
وصت بهاي الوصيه
هيج وتوصي الولد.. .
يبني اردنك سند


ابدويه ام البنين وربت حيود الزلم
توصي عباس عله زينب  يبني عرفنك شهم
هاي امانه وياك اخذهه ولاتخليهه تهم
ماريد الهوه يمرهه وغير عطرم ماتشم

خني يبني اتباهه بيك
اطي حتئ جفوف اديك
ونته توفيلي الوعد
يبني اريدنك سند

&*&*&&&*&***

يبني اريدك من تطبهه تطي للحومه درس
وماريد ختك يوالي بلهظم يمك تحس
كون تصكر كل لزلمهه ومحد يجر النفس
وكون ظلمه تصير بطف ماتصد بيهه الرجس

هيج اريدك بطفوف
بجفك تلاوي السيوف
هيج واكف كل وتدد
يبني اريدك سند
*&&*&***&*

هيح اريد الكوم منك بلحرب يتحيرون
وماترد سالم عليه وكون ربعك مايجون
اطي جفك لاتبالي وطي وحده من العيون
كون زينب هيبه تبقه كلشي يوليدي يهون

انطي كلشي ولاتهاب
وعينك السكنه ورباب
ولا تهاب من العدد
يبني تريدنك سند
&*&*&****

انه وصيت عله زينب عن الحسين وحجيت
كون موتك گبل اخيك ماظن يبني نسيت
هوه عدي الدنيه كلهه وانه بخلافه نتهيت
لو يرد سالم  اليه فدوه اله انته ولو مشيت

كون رد سالم تهون
وربعتكم لا تجون
بروحته وگلبي نمرد
يبني اريدنك سند
*-*--*--*--*----

ظحي بخوانك يوالي حسين فدوه الهيبه
اغله من روحي عليه شلون تنزل دمعته
تصيرله حزام وتسنده وماتعوفه بحيرته
سوه كلشي شماتريده وظحه وبدم ركبته

هيج وفه الخوته
وسوه كلشي الوصته
وشاهد يظل العمد
يبني اريدنك سند


ابو سلام الجابري


https://www.tgoop.com/jjdicjcsk

العقيله ع تكول

وصلته وعيني تهمل… شربي الحسين
عرفت الشــمر رايد… شر بي الحسين
رقيه تصــــيح عمه… .شربي الحسين

مجعة ماي بلچي يكوم اليه


ابو سلام الجابري

ماكو دلال… ..وبديوان الحسين

كلهه تفرهــــــدت لا ماكو ديوان
ولا دله الــــــبقت لاباقي فنجان
بس رماد ظل ويــــــــمه نسوان

مو كهوه يــــصبن… دمعة العين

الديوان حــــــــترك وتفرهد البي
وراح حســــين ذاك الجان ظاوي
الظيف المــــن يجي ياهو اليحي

معزب ياهو ظل… ظلمه الدواوين

معزب ماكو عــــــدنه انوب نحتار
شلون بحــــــــالنه من يلفي خطار
شنــــــــــــــــكله زلم ماعدنه بدار

ماعدنه زلم… .ولجاينه منيــــــــن

گبل خطارنه معــــــــــــــلم علينه
شنهو يريد ياخــــــــــذ من ادينه
ماحسبنه هيــــــــــــــج يصر بينه

وهيج نحير… .من طكانه يلبين

ماخلو اثر كلشــــــــــي نسلب راح
نعزب بيش حتــــئ فراش ماصاح
وروس اهل الكرم هل فوك الرماح

صرنه انوب بطف… شو مساچين


ابو سلام الجابري


https://www.tgoop.com/jjdicjcsk

من المــــــــخيم للنحــــــر عــــذاب
طــــول الدرب نتــــــعثر بشــــباب
الرادت تــــــودع وليدهه
حبل الــسبي يجر يدهه
عذاب. عذاب
***
بــعد ساعه الــسبينه وجــابو الهزال
جــنهه مــتيهه اجتنه وجنهه ماتندل
بــحوافرهه اجــت تســــحك بلمدل
عفــيه وراي عدي وعــــقلي مايختل
عثرن بلاخــــــــو كبالي
وشوفنه بــــجه الحالي
كتله خلافه هيج نصير
بيك حتــــــــــار دالالي
والشوغه شــــــــوغه تزيدهه
الرادت تــــــــــــودع ولديهه
عذاب. عذاب .


حــرت والــــحادي هذا حيراني امره
اجه بــحبل السبي وشدا عله المهره
اليــــعثر واليــــطيح اتعــــمد يجره
بــشر مابي رحــــم حتى الكلب طره
يفئطر اگلوبنه تــــعمد
وجدمه يدوس المدد
وتــونس اذا شــــــافه
دمعنه ينزل عله لخد
ودمــعه لا متــــــــــــفيدهه
الرادت تــــــــــــودع ولديهه
عذاب. عذاب


تعمد من مــــــشينه ومرنه علوليان
اصد ليهم حــــــرت لو صد علدخان
وعـدنه اطفال ظاعت تصرخ النسوان
وعثــــــرت ناكتي يم جمعت الشبان
عثرت ونــــــــهدم گلبي
وظلم منــــــصدك دربي
اشوف اجسادهم علكاع
الجانو نعمــــــه من ربي
الدنيه وصحــــت ماريدهه
الرادت تــــــــــودع ولديهه
عذاب. عذاب .


شكلت من عثرت الناكه الحبل حلنه
كلت ياهو مــــــنخوتي هس ودعنه
ركضت الحــسين يمه واسمعت ونه
درت عــــــيني وجف عباس اشوفنه
گبل هـــذه الــــيحامينه
حسافه نگــــطت يمينه
طاحت والــــعلم علكاع
وحنه بحــــــيره ظلينه
وراحت بعد شــــــــــيعيدهه
الرادت تــــــــــــودع وليدهه
عذاب. عذاب .

رحــــت يمه وشــــوفن رملــه تتعثر
تدور وين جــــاسم يــــم علي الكبر
ردت اوصــــــلهه حيره شلون ماكدر
وليلى تصـــــــــيح ابني هذا الموذر
مهات وفكــــدن الوليان
وانه الحــــسره علخوان
اصبرمن بعــــــد وشلون
اذا هوه الگلــب خلصان
وجــــــــــــفوفي زادو كيدهه
الرادت تــــــــــــــودع ولديهه
عذاب . عذاب


ابو سلام الجابري


https://www.tgoop.com/jjdicjcsk

بديرت غرب يحــسين حرت بزماني
ماحمل الجمــــــــــــات فكدك عماني

فكدك گطع مكــــــفاي خلاني ماكوم
جندوب اعد لجمات وحسب بلهموم
من يومك وللــيوم گلبي انه ملجوم

ومحتاره بلحــسبات جندوب اعاني

كمت احسب الخطوات وفرك بديه
ومتوني كوه تشــــــيل هدم العليه
مكتوب اشوف الصار ومشي سبيه

ودرب السبي ياخــوي هل حيراني

موهودج مــــنجفاك علهزله ممشاي
وكل ساعه ويبدون يم راسك الماي
من ابجي ويظحكون خويه عله مبجاي

وعنك زماني بعيــــد وسفه وخذاني

من عمده جــاب الراس يمي ويدني
اتمنه اوصل لي وبــــــــهدمي اغطي
ينزف دمه ونحــــــتار شنهو النسوي

هذا الــــــــــــجره والصار والشيباني

شيبني خويه الصار من شفت اليتام
تبجي وتجر حــسرات علغبره وتنام
وتفز توالي اليل من كــــــــثر الوهام

وهذ الدرب يحــــــسين هل عذباني


ابو سلام الجابري


https://www.tgoop.com/jjdicjcsk

ونعم يجسام…… طباهه يجسام

جاسم عريــــــس اليوم عد الساده
زفو للحــــومه وجاب روس القاده
معاند بطــــــــــف وزاد بيهه عناده
ويكسر جــيش ابن زياد هذا مراده

خله الحــــومه وتحتار يوم الطبهه
وصل ودم بسيــــــــــف حد ركبهه

طب والحنه البســــيف من جفوفه
خلاهه ترج الخــــــــيل بهل الكوفه
كال حسين وهــــيهات عمي نعوفه
ولا خلي الجــيش اليوم رفع شوفه

ظل يحصد بيهه الروس كص ركبهه
نار وفوك ابن زايد ليــــــــث وصبهه

محزم بطف حــــــــــــزام كله بغيره
ما يلحگ خله الجــيش راسه يديره
خلهه تعيش هــــــــموم كلهه بحيره
وظلمه بصمــصامه تصير كل الديره

حالف بطف جــــــــــسام كون اكلبهه
موت احمر ويشــــوفون هسه غلبهه


طباهه وشــايل غيض هزهه بسيفه
مــــــــنهم جاسم ويريد ياخذ حيفه
ظل يتــــــخير بروس هيجي بكيفه
معزب بطــــف والموت صاير ظيفه

شافه وعــــــمه العباس بي يتباهه
وكلهم ماخــــله جيوش هل رداهه

دك ثايه عله الحد صاح كلكم موته
شحده الجر نفسه هنا ويطلع صوته
حتار الجيش وخلا يصيح امروته
الرايد يشـــــــرد يحتار ماتت قوته

موت رجلين الكــــــــوم من هزاهه
الكاع تموج من الخوف هل خلاهه


ابو سلام الجابري


https://www.tgoop.com/jjdicjcsk

‏مقطع صوتي من ابو سلام

اجينه نــــشوفكم بعد الجره وصار
خلصو من ذبــــــــــــحكم شبو النار

اجينه نــــــشوفكم من ردت الخيل
وندور جــــــــسادكم بين المجاتيل
كل خــــطوه نخطيهه تهدم الحيل

ومظيــــــــــــــعنكم من كثر الاغبار

اجيناكم سوه نتــــــــــــــعثر نكوم
مثكله متونه ياخــــــــويه الهدوم
كنه حسين هــسه نشوفه ملجوم

وجثته هناك نلــــــــكاهه ويلنصار

اجينه وريــــــــت لا جينه وصنه
متغيرين مــــــــــــــو ذوالك اهنه
صحنه خلافكــم هل طش ظعنه

وعليكم بجــــــــــينه زغار وگبار

بعدنه وياك والخيــــمنه شعلوهه
وحبال الــــــسبي هل حضروهه
بيمن تنتــــــخي المذبوح اخوهه

ظيعت العــــــشيره وراحت الدار

ظيعت العــــشيره وحايره بخوف
شفت عباس ومكــطعين الجفوف
كلت هسه تنــــــــسلب هذا معرف

من راح الكمر ماظــــــــــلت اعذار


ابو سلام الجابري

https://www.tgoop.com/jjdicjcsk

‏مقطع صوتي من ابو سلام

حايرة وحــــــــيرت عمتي بغربتي
ومن اون اسمــــــعها تبجي الونتي

حايره وجبــــــــت الدرب كله اون
شلون حال الــــظل ابوهه بلا دفن
اتحزم بحســــــرات وبنوح وحزن

بصدري تتكســــــر وظمن حسرتي

حايره وماظــــــلي كلشي الينذكر
بعده بــــــــجدامي اثر لسع الجمر
وما اشوف گــــبالي وعمايم خضر

مطوكه بكــــــــــوم الكفر ياناكتي

حيرت الــماعدهه ابو لا عدهه عم
مگابله روس برمــــــاح وكلهه دم
هيج حالي الــــيوم والحيل نهدم

صعبه اظــمهه عله العقيله دمعتي

ونت وياي وبــــــــــجينه بدم دمع
بيوم شفنه حســــين مكسور الظلع
موقف المــــــــنه الريظيع وينفجع

شلون اصبــــــــر هاي بطف شدتي

شلون اصــــــــبر وانه لبهمي  حرت
بلخــــــرابه وراس جابولي بطشت
شفته راس حسين وحظنته ومتت

صعبه ياهلنــــــــــاس بطف قصتي


ابو سلام الجابري


https://www.tgoop.com/jjdicjcsk

حوار بينه ام البنين والعقليه ع



شلـــــون يــازيــــنــب بـــعــد عـــيــن اخـــوتــــچ 
الشـــــافــتـــه عــيــــونــــج تــســولـــف دمــعــتچ 
؛؛*؛؛*؛؛*؛؛*؛؛*؛؛*؛؛
شــــافــــت عــــيـــــونــــج يــــيــمـــه بـــكـــربـــله 
شــــــنهــــو وي حــــسيــــن صــــار وي هـــلــــه 
يــــــمـــه ظـــــل وحـــيــــد كــــالــــولــــي نـــولـه
شــــــنهــــو شـــفـــتــي هنـــاك يـــمه بــــغــــربتچ
؛؛*؛؛*؛؛*؛؛*؛؛*؛؛*؛؛
يــــــمـــه عبـــــــاس الــــوكـــــف حـــد وحـــــــده
وكــــبــل اخــــــوي حــسيـــن اهـــو الــــي بــــــده
وگــــطــع چــفــوفــه الـــعــضـــيــده ومــــســنــده 
وگــــلــي خـــــويـــه الــــيوم اصــــيرن بـــمرتـچ
؛؛*؛؛*؛؛*؛؛*؛؛*؛؛*؛؛
يمـــــه اريــــد حســــــــين رديـــــلي الـــــخبـــر 
ومـــاانــــشـــــدچ عــــــن ابـــو فـاظـــل حضـــر 
كـــــون راس حــــــسيــن ســــالـــم مــاكـو شـــر
يمـــــه مــــارد الـــيـــش هـــــوه بـــجـــيــــتــــــچ 
******
يمــــــه عــبـــدالله الــــفـــزع جــعـفـــر يــصــيـح 
هـــــذه اخـــــوي شــــلون گـــبلــي وچــا يـطـيـح
افـــــدي روحـــــي الـــيــوم وتـــقـــدم ذبـــيـــــح
كـــــــون يـــا زيـــنـــب فــــزعهـــــم وصـــلتــــچ
؛؛*؛؛*؛؛*؛؛*؛؛*؛؛*؛؛
يمـــــه مــانــشــدچ عــلئ عـــــبدالله عـــــــــون 
فــــــدوه الــحســــين ويــــيــمـه ولايـــجــــــــون 
كـــــــون ابـــــو ســـــــكيـنه سلــم هـذا اليهــون 
زتـــي نــــوح الــگــلب يـــمــه بــحســرتـــــــچ
؛؛*؛؛*؛؛*؛؛*؛؛*؛؛*؛؛
يمــــه شـحــچـــيـلـچ شــكــلــچ عـــــــل ســـــده
ظــــــــل وحـــــيد حســــــين يــمــــه بــودحـــده
وبحـــــوافـــــر خيـــــلــهه أدوســـــه الــــــعــده 
وريـــــت زيـــــنب تـــنذبــــح مـا وصـــــلــتــچ
؛؛*؛؛*؛؛*؛؛*؛؛*؛؛*؛؛

ابو سلام الجابري

https://www.tgoop.com/jjdicjcsk

خويه حــسين راح امشي واخليك
فوگ الكاع وســــــهامك تظل بيك

راح امشي سبيه وبيــــن الجناب
يحسين الحزن بعــــدك فتح باب
وي وادم غرب شــــــيفيد العتاب

ومايرظون اودعــــــنك وامر بيك

ختارو جاده بعــــــــــــيد وخذونه
وعدي ايتام تصــــــرخ وين ابونه
خل يلحگ بعد عيــــــنه وسبونه

وتبجي عله الهــــزل وتون تتانيك

خويه حسين لو بس واصله حذاك
وطلع سهام صــــــدرك وكعد وياك
وسولفلك علــــــــــــيه صار بجفاك

الصــــــــــار وياي لو تدري يذيك

الصار وياي ويشــــيب اليرظعون
ركضت عليك بلخــيمه ويحركون
حرت بطــــــــفالكم خاف يظيعون

عين عله الخيــــــــم وثانيه عليك

عين عله الخيم وتــصب الدموع
وشوف الخيل وكت جر بلظلوع
طلع حسي الگبل مايوم مسموع

صحت يعظاي هاي الخيل تاذيك


ابو سلام الجابري


https://www.tgoop.com/jjdicjcsk

هلا .بربات الــساده
هلا. طبــــهم بعناده
كر من طــــب كراهه.
تتــــــراجف خلاهه


هلا بطــــــب بعلومه
حتارت منه الــحومه
مــحد يمــه ويكــرب
اله يــــخرب رسومه

يبــــــست ومخليهه
بسيــــفه يكالب بيهه
بخزرت عــــينه تعرفه
موت احــــمر ساكيهه

وامه الــــــــبي تتباهه
كر من طــــــب كراهه

شد بــــــــــطف حزامه
خله الــــــــــدم للهامه
محد لــــــــــيه يتكرب
ويكف بصــــــــمصامه

داس ركــــــــبهه وذلهه
الاكبر من يــــــــوصلهه
تتراجف خـــوف تموت
وكال الميــــله اعدلهه

موت احــــــــمر راوهه
كر من طــــــب كراهه

دخيله تصــــيح الوادم
متــــــــــــــحزم بصارم
ماخذ همــــــــت عوده
كــــــــــلهم مارد نادم

مارد كــــــــون اكظيهه
وحــــنظل راح ارويهه
العالت بيــــنه شحدهه
توصل ماخلــــــــــــيهه

هز ســــــــيفه وهزاهه
كر من طــــــب كراهه

العالو كال شحــــــهدم
وروي الحــومه بدمهم
واخذ ثاري مــــــــــربع
وسحگ فــــوك رگبهم

حيد ومــــــــــــحد رده
وصارت بــــطف شده
الاكبر شيــــخ الحومه
ومحد يكــــــرب حده

تشــــــــــرد ما خلاهه
كر من طــــــب كراهه

كلــــــهه وشردت منه
الــــجاسم جاب الحنه
وكال بعــــرسه اتباهه
فنه الــــــــيوصل فنه

تحزم لف الــــمعصب
فنه اليــــــمه ويكرب
عباس يــــــــباوع بي
الاكبر كلهــــم وغضب

شتات الطــــف سواهه
كر من طــــــــب كراهه


ابو سلام الجابري


https://www.tgoop.com/jjdicjcsk