نعي .

عباس ليــــلي شلون انامه
وسط الخرابه الكل يتامه
ماشفت خضره ولا عمامه

ماشفت خضره وذبحوكم
بلخيل جدامي سحكوكم
لا فـاتحـــــه ولا من رثوكم

لافتحه ولاتنــــــعه حرمه
ظلـمه الطوف هناك ظلمه
وحسين خيل دوس عظمه

داستكم الخيـــــــل ومشينه
وبحبال مجتــــــوفات ادينه
نشدون جا عبــــــــاس وينه

ترضــــاها عباس انه اسيره
ويومـــــيه مرونه عله ديره
مـــــــــسبيه سموها الاميره


ابو سلام الجابري

نزال .

هذ الاكبر
صال صال
هذ الاكبر

اليوم الاگبر بطفوف
شامخ بطگ السيوف
حير .الخياله
حار والميدان حار
سيفه يطاير شرار
منين وليدناله
جيوشهم صارت سراب
والجهنم فتح باب
هيج هيه افعاله

جنه حيدر كربله وهزاهه
ومه ليله تبجي ماخلاهه
وحيد والاف الزلم لاواهه
والمراجل بس اله بمعناهه

هذ الاكبر صال صال هذ الاكبر

غيرت العباس بي
يكسر الجيش ليجي
حلف ياخذ ثاره
كام يسحگ بيهه گام
كربله وصارت ضلام
من يهز بتاره
الزود عده وكله زود
واليخزره مايعود
غاره تلحگ غاره

الزوده عده وفنهم يلاكونه
الجيش صوفر وختلف كل لونه
كام يحصد بزلم بعيونه
شلون كلي شلون ويرضونه

هذ الاكبر صال صال هذ الاكبر

حسين وصاه من يصول
ياخذ بثار البتول
والضلع ومصابه
ماكو عطوه ولاتهون
خاف نيتهم يجون
ذكرا بعتابه
هيج زاد الغيره زاد
حتركو  وطشهم رماد
وخذ حگه وجابه

حيد والميدان شاهد يومه
جاب راس الغاشم ويعلومه
شلون سجيل ومطر بلحومه
وخله وادمهم دهر ملجومه

هذ الاكبر صال صال هذ الاكبر

سيفه تريع بلركاب
علي يانعم الشباب
بيهه اخذ كل حيفه
غمد ماخله محال
والزمط كله تعال
وذبح بيهه بكيفه
كفت وصاحت دخيل
كامت تموج وتميل
روه بيهم بسيفه

روه سيفه وداسهم بلحافر
هيج خله الجيش يكسر خاطر
الزين بيهم صبح للشط طافر
صيده صارو وهو البيهم ظافر

هذ الاكبر صال صال هذ الاكبر


ابو سلام الجابري

اغظب العبــــــــــــــاس ير سنانها
ولبــــــــــــــــواتر گلع الهه نياباها

گوطر بصـــــمصامه سرن ونحدر
لايهاب الـــــــــــموت لاهب الخطر
هزت الفــــــــنيان هزهه بكل فخر
بل بوادي طــــــــــشرها البيهه شر

غير بس الـــــــــــــموت كلهم مالها

شيخن ويفرض فراضه عله الفريج
وليخــــــزره يموت ما يبلعله ريج
خاوه ملك الموت وصبحله الرفيج
مسعر السيف وحرج بيهم حريج

وجبدتت ســــــــود الوجوه وذلها

اسعرت ولوســـعه ظاكت بطفوف
نال عزها ويفتــــگ بكيفه ويروف
شيخ والمـــيدان اله بحد السيوف
شاربن عزالله مرعبهـــــــــا الالوف

شات صارت والعـــــــساجر كادها

الكد الـــــمهره برسنهه مخلي راي
كون اگط الروس وروي الحره ماي
كال وكت المـــــــوزمه يبن دواي
وبعجاج الخـــــيل يتفرزن ضواي

حارت العــــــــــــــربان منه ونالها

من شراشيــــب الخرج ماهو كفو
وابو فاظل شـــــيخ منجده والبو
الوه كل جـــــــــــفوفها بيوم الوه
ونـــطه عمره ولايهاب الاجل اخو

والعـــــــــــــساجر  بلحوافر داسها

ابو سلام الجابري

يشهد الله العيشه مره بدونكم
يلرحلتو وماعـــــرفت شلونكم
عايشه بس گلبي شاب
وانه خاويت العذاب…. بدونكم


يشهد الله بكل صباح انطر خبر
لاكو طارش يلفي ونوي عله سفر
منهد يوم السافريتو وريجي مر
وحيده مكتوب وعليه اكضي العمر

عايشه بغربه واذيه
شوكت رجعتكم عليه
عمري مو خلص سراب…
وانه خاويت العذاب ..بدونكم

شنهو يفرق بيني مابين اليموت
وحيده ابجي ومحد السامعلي صوت
انطر الهودج علئ الباب ويفوت
صار حلمي شلون بيت العنكبوت

صبحت احلامي وهم
لاخو. ولاليه عم
گلبي احس من حزني ذاب
وانه خاويت العذاب…بدونكم

شنهو عيشتهه العليله بلا اهل
يصير همهه عله الگلب مثل الجبل
محد يكلهه عليمن هل زعل
تگظي كل اليل تتامل امل

هيج صارت عيشتي
اكظي ليلي بدمعتي
شلون ليعيش بمصاب
وانه خاويت العذاب..بدونكم .

كمت انشد حتئ بطيور التهاجر
ماحضت ليه بخبر يلفوني باجر
اگظي يومي ويلصبر مهمومي اگابر
محد يكلي خطيه ومالي خاطر

ششتكي وانه الغريبه
عايشه بعظم مصيبه
بنومي متوسده التراب
وانه خاويت العذاب…. بدونكم .

توسليت الموت روحي يمر عليهه
دنيه وبلايه اهل جا شلي بيهه
ولاتظل دوم الحزن صاير وليهه
راحه ادري بهل عمر لا ماتجيهه

راح ماشوف انه الي
من بعد غيبت هلي
كون اموت وجرحي طاب
وانه خاويت العذاب…بدونكم


ابو سلام الجابري

https://www.tgoop.com/jjdicjcsk

يم جسام ردي ولا تدورين
وبنج ظاع مابين المطاعيتن
ظلمه دوارته بهليل شده
نام عل تراب مخلي خده
ونفرض لو وصلتيله شتكولين


كومي يم جسام ردي والصبح نطلع سوه
خلص ولديج نهاره وبلشمس جسمه نجوه
هسه ليل الكاع بردت خل يبردهه الهوه
ونتي ماعندج وسيله ولا خذيتله الدوه

ماعدنه دوه ولا عدنه كل راي
كومي ارجوج رمله وردي وياي
راح وراح تعبج طول السنين
ونفرض لو وصلتيله شتكولين


اليوم كله ابنج يرمله محزم بلامة حرب
والحوافر ظيعنه ودمه علكاع اليصب
شلون من نوصل نعرفه ويمه موته شكد غرب
حتئ لو گلبج دليلج هوه باقي بلا گلب

ظل گلبه يرمله ويلحوافر
اليل اظلم عسن ونشوفه باجر
بهذ اليل منه انتي شتشوفين
ونفرض لو وصلتيله شتكولين


ادري بي رمله وحيدج ودري بمصابج كلف
مات حدر الخيل كالو من كثر مابي نزف
جسمه مايحمل جروحه جروح بي ماتنوصف
سهام ورماح وبواتر كلهن بصدره ردف

بكثر مابيج هم بصدره طعنات
گبل حسين جابولي الخبر مات
كتلج هيج اريدنج تئيسين
ونفرض لو وصلتيله شتكولين


ردي خل نجمع حزنه وحنه شركه بهل مصاب
نبجي حد الشمس تطلع نعتني نشوف الشباب
عدنه لا من خيمه ظلت لاستر لاعدنه باب
وليتامه بليل طشت شطي لحسين الجواب

ايتام زغار يارمله ويخافون
وبجي وياج حد ماتعمه العيون
اخاف عليج بلموته وتعثرين
ونفرض لو وصلتيله شتكولين

زينب احنه اليله يمهم باجر نصبح رحيل
ويصفه بيد الحادي امرنه وصوب جاسم مايميل
ارد اشم نحره واودعه الجان سابع مستحيل
ور اكله خلاف عينك ياهو اليرد اليعيل

اظل وياه زينب ماخلي
خلافه شلون عمري وشنهو تالي
راح وياه تعبي وراحت العين
ونفرض لو وصلتي شتكولين



ابو سلام الجابري

نزال

الشمس طلعت والحرب توهه بتدت
ورمله جابت حـــنه والجاسم  اجت
خل احني جــــفوف اديك الساعه
اليــــــــــــــوم جاسم ماريد وداعه
هـــــــــــيج كالت يمه وگباله بجت


جابت الحنه وجته من الصبح
تريد زفته اليوم باجر ما يصح
كون شح الماي وعصرله الملح
تكول هيجي وخاف ساعه وينذبج

ارد ازفه وخلــــــــي عمه يشوفه
گبل لا عــــــــــباس يفدي جفوفه
كون عمــــــه يزفه جا بيه  بخت

جايتله وجايــــــــــبه ثياب العرس
تكله عدي اليوم احســـن من امس
بيوم عرسك صعبه مايطلعلي حس
كون اهلهل حــــيل حد گطع النفس

كون اهلـــهل وملي هاي البيده
وخلي الاكــــبر يفرح ويعضيده
شنهو جا هوه العرس بطف نعت

طالعه اليوم الـــشمس بيهه حمار
ورد ازفك گــــــبل لا يگضي النهار
خاف باجر يبنـــي اظلن ماكو دار
من الحرب لخيامنه ويوصل شرار

شلون لو جمره سعرت بلخيمه
وين ازفك راح اظـــــــل بهيمه
الدنيه احسن بيهه جسام رتدت

تكله يمه ترس عيوني بشوفك
فدوه اروحلگ انطيني جفوفك
خل احــــــــنيهن گبل ما عوفك
خاف تصعب بلطفوف ظروفك

هاي صــــوره ورد اظمهه بالي
خاف تبـــــــطي تكوم تتهيالي
انته يمي وعيني احسن وشلت

جابت عــــــــمامت ابو ولامته
وهيه تنـشد وين صارت عمته
خل تجي زيــــنب تحضر زفته
وهيه هذ الــــــيوم گبلي تمنته

تـــــمنت تزفه العرس سويته
وانه بجـــــــفوف الولد حنيته
وخل تلوم الناس بيه الما درت


ابو سلام الجابري

ام عون تطلب عون ياهو الكالهه
وهيه كل الجيش هاب خيالهه

محد تجره بحرف يمهه ويعيل
الجيش يمهه مدنك الراس وذليل
غير زينب هاي بت حامي الدخيل
تميل كل الدنيه لو رادت تميل

شلون كالو سوط ودنالهه

الجاب طاريهه كفر يطري الحجاب
هيه عد الله الستر خصلهه باب
من تشيل جفوفهه ينزل عذاب
وكون تدعي عله الجبل جا يمهه ذاب

الله يعلم شنهو جان بالهه

صح جبيره وصح مصايب والسبي
جذب كلمن كال صد بيهه جنبي
موعبايه وللستر لبست عبي
غير زينب هاي وربات النبي

شيخ صارت عل عرب بفعالهه

ام عون وصلت يم اخوها وسلمت
گبال شامت لابجت لا دنكت
كالت النه القتل عاده تفاخرت
جبال يمها من الصبر كلهه نحنت

وهل مصايب لو جبل ما شالهه

اجت وي حسين تعلم بطفوف
علام هيه تئارخ ولازم تشوف
السان عدهه وثلم رگاب السيف
الشام يشهد والقصر ماعدهه خوف

جذب الكلك يزيد وذالهه


ابو سلام الجابري

يزينب من اخيج ..شنهو تلكين
عليمن طالعه  ..ومنه شتشوفبن

لا تمشين زينب هندس وليل
وبن امج بعيد بنص مجاتيل
شتعرفين منه الداسته الخيل
ونتي منيلج بطف بعد حيل

اعرفج لو وصلتيله تموتين

زينب خيلهم داستله الظلوع
وصدره من الحوافر حيل ماجوع
لاحس لانفس ظل عده مسموع
وماظل شي بدينه غير الدموع

ولانملك بعد بس دمعه العين

بعيد علينه  زينب صار دربه
كالو خيل من تعثر تكلبه
سهام هواي بس هذا النطلبه
يوخرون السهم ولصاب گلبه

ولو شفتي اعرفج بي تحيرين

تعرفينه صعب يلماله ونه
گبل مامات من دمه وتحنه
عله كبر الطف حوافر طشرنه
لا سالم ظلع لا باچي  منه

اخيج هيج ظل وسط الميادين

اكعدي وياي زينب نبجي وهنا
ولو طر الفجر يحسين نلكاه
نرجع خنصره ويم نحره ننعاه
انه وياج ليله وبني وياه

علئ الغبره صبحو كلهم مطاعين
يزينب من اخيج شنهو تلكين


ابو سلام الجابري

نزال شور

المثل جاسم. بلحرب يسمه حيد
وحك عمامه بي تظل تتفاخر
غيم عله الطف مطر ورعد رعيد
بيوم عرسه عله المنايه وخاطر
حسين عمه وكالهم راسه عنيد
معلم منيشوف بيهه مشاطر

معلم بديوان ابو عل غيره
وبلحرب شاطر عرف تدبيره
هيج جاسم للكلايف من تصير
يخلي كل عداء تبقه بحيره

تحير منعده الزلم
جاسم يشد العزم
محده يلاكي محال
يموت حته الينهزم

هيج كالو عنه يانعم الشباب
ويا فخر بيت النبي وهنياله
بلكلايف يفتح الكل شده باب
ويرهب بيوم الكلافه خياله
ربات نيبه ابن الحسن لاموسراب
تسولف الدنيه تظل بفعاله

تظل تسولف بسمه من طبااهه
تكول  حدر الخيل اهو خلاهه
غير جا شبل الحسن بطف يصول
وال اميه من العرج هزاهه

هزهه بليمنه ويصول
مثل عودي ظل يكول
اخذ بثاري وريد
اطلب بثار البتول

من يطب لرض لحرب ماله مثيل
وما يصح واحد كفو  بميزانه
من يميل الجيش كله وياه يميل
وخذ ثاره وزاد ثار خوانه
ظل يوزع الموت ويدور اليعيل
ودله صارو عل جمر عدوانه

تفور خلاهه مثل دله وحطب
كربله وخياله اليوم الغظب
كامت تلوذ الزلم خدر الخيول
وهوه صار اليث قتال العرب

تلود من كتر الكتر
كال ممنوع العذر
للحرب انه عتنيت
بعيدكم عني شبر

زغير عمره وبلحرب كلش جبير
ومحد اليعرف صدك مظمونه
تجدح عيونه غظب لمن يغير
بمهرته شحدهم تره يلاكونه
سوه عرسه بكربله ورضه الظمير
وماكو مثله منين اليشبوهنه

ماكو مثله ولاتصح امثاله
رجع ايام الحسن ودلاله
خله فنجان المنيه شكد يفور
ياهو اليعجبه اجه وصباله

هيج صارت هيبته
فرحت امه الربته
گبل لاعمه يروح
هيه گبله  تنخته


ابو سلام الجابري

هيج من الله انه حبك
ماحبك للرياه
عايش بوجداني شخصك
بيك الكه انه الحياه

ماكو مثلك لا يصير وصاير
بده عمرك سيدي منلعاشر

صرت وي سيف اليذبحك سيف ولذباح مات
جانو يظنون موتك لاكن نطوك الحيات
يلي تجري بخير وافر وصبحت انته الفرات
دمك ولليوم حاظر مرهب شماكو طغات
يلي بيك الدنيه لاذت وين اكو مثلك صفات

الدين راد يموت ونته حيته
جان ظامي وبنحر رويته
بيك لليوم العقل ظل حاير
بده عمرك سيدي منلعاشر

حگي اتباهه بمحبتك من اكولن عندي امام
انته نور العين اليه ونته الي شيخ وعمام
من تظيج الوسعه بيه بحضرتك اغفه وانام
شما اكون بعيد عنك سيدي ترد السلام

الدنيه بيك تلوذ ياواليهه
بلشداديد تحضر وتحميهه
ونته للمظلوم اعظم ناصر 
بده عمرك سيدي منلعاشر

تهمل عيوني منذكرك تاخذ يعاز الگلب
گلهه ظل بلبيده امامي منذبح بين الغرب
لو اموت انه عله دربك مافارگ هل درب
مقصر شما ابجي لجلك كون دم عيني تصب

شلون اكدر انه اوفي ديونك
فدوه اروحن سيدي والعيونك
هذ كل الخير منك وافر
بده عمرك سيدي منلعاشر

انه ماظحت مثلك لانطيت انه الشباب
ذني كلهن بيك لجلي شلون ماحمل عذاب
لجل اعيش انه بكرامه انته نايم علتراب
كون كل مصباح يطلع لجلك نجدد مصباب

كون كل مصباح يابو سكينه
تلكه جادر للحزن بانينه
وبلحزن نحزن ابد منكابر
بده عمرك سيدي منلعاشر

حبي الك مو عن طمع لوغايه عندي بالي
انته عايش وسط روحي وعايش بدلالي
كلت الاول كلشي اليه وانته الي البتالي
بلگبر باجر اريدك .انته غاد خيالي

رايدك يوم العسر تحميني
وحيد ماظن سيدي تخليني
وانه اترجه وكفتك باجر
بده عمرك سيدي منلعاشر


ابو سلام الجابري

اجانه العيد بس شلون اجانه
وجبير البيت ماهوه بجانه

اجانه العيد ونباوع علئ الباب
ونذكر كعدتته مابين الحباب
خلافه اليوم مو حتئ الكلب ذاب

ويادمع الحزن بعده الولانه

چان العام يتلكه اليعيدون
بس اليوم حدر الكاع مدفون
اجت خوانه يمي هنا يفكدون

وكالو راح شمعتنه وظوانه

كالو ليش مظلم مجدر البيت
وحس سهام صابني وتعنيت
اكصد للكبر بس وحدي رديت

وظل هناك وفراكه الجوانه

هذ الصار بينه وهذا ليصير
بيوم العيد ونصد للتصاوير
نصفك بس بدينه خلافه ونحير

ودولاب الدهر هل دولابانه

بيوم العيد ونصبح بلگبور
وياكسر الگلب لخلافه مكسورد
ظمه تراب ماحاجنه معذور

ويتراب الگبر نار وجوانه


ابو سلام الجابري

انه عدي اعظم مصيبه مايهونها الدمع
فراك عبدالله الكتلني فاركهم ما ينجرع
وشلن يعيوني ماي
انطر يكلولي جاي

فراك عبدالله الكتلني وزيد همومي حزن
كل صباح يمر اذكره وحضن كماطه واون
خاف اموت وما اشوفه خاف يبطي واندفن
والله شيب رمش عيني ودمعي ماخله جفن

هاي حيره وعدي هاي
وين عبدالله ظواي
ظلمه ظل عمري بدونه ونطفه بعيني الشمع


بيوم راح وروحي راحت ماخذ وياه الگلب
اكعد اتفكد بجانه وعيني تربي عله الدرب
فراگه عذبلي دليلي فراكه احس كلش صعب
العين مو بدموع تهمل عيني دم ظلت تصب

من اصدن للمهد
كلت ماشوفه بعد
كلت راح الغالي عني وصوته ابد ماينسمع

منذكر مناغاته اليه يزيد نوحي الهل سبب
هسه خافن ظامي اخيي وخاف مر بي التعب
رت اشوفه گبالي يحبي ورت اشوفه لو لعب
الدنيه صارت ظدي تمشي وگلبي احس بي نشعب

اليوم ذاكرته الصبح
خايفه يذبحه الرمح
هيج كمت اتصور انه وهذ هل منضر بشع

اليوم لاجمني يكلبي وماعرف جا شنهو صار
مره اتخيل حوافر مره خيمه وبيهه نار
ومره اشوفن حرمه ترگض حايره تلم بلزغار
الله يستر شنهو صاير حايره بهذ النهار

اليوم لاجمني الگلب
وهلي جهنهم بلحرب
حايره اليوم بزماني تكول مكسوره ظلع

ايست هسه منخوتي وگلبي حاجاني اليصير
كلي وحدج هيج عمرج راح يخلص حگي احير
يلعليله اهلج سبايه وموته وموذر وسير
مابقه سالم يكلي حتئ عبدالله الزغير

مات وبجرح السهم
حيلي بفراكه نهدم
مايرد عبدالله اليه وهل قدر  مايندفع


ابو سلام الجابري

عباس حركوهه لخيم
خويه كعد وطفيهه

كالو بقيت عله النهر
           خويه كعد وطفيهه
جاوين وعدك يلكمر
          خويه كعد وطفيهه
وشلون جفك ونبتر
          خويه كعد وطفيهه
صارن جمر بينه وسعر
          خويه كعد وطفيهه

هيج وصفت تاليهه
عباس حركوهه الخيم

محد بقالي منخوتي
             خويه كعد وطفيهه
وياك راحت هببتي
              خويه كعد وطفيهه
ونار حركت خيمتي
              خويه كعد وطفيهه
حتاريت خويه بدمعتي
              خويه كعد وطفيهه

ياهو الذي يحاميهه
عباس حركوهه الخيم

عباس تسعر بلگلب
                   خويه كعد وطفيه
نتنخه ماترظه الغرب
                 خويه كعد وطفيهه
بس الدمع بعدك يصب
                 خويه كعد وطفيهه
ترظاهه نكعد بدرب
              خويه كعد وطفيهه

وختك غرب توليهه
عباس حركوهه الخيم

جيتك وفزع ماگمت
              خويه كعد وطفيهه
خليتني بحيره ونمت
               خويه كعد وطفهه
عباس حتئ تشتمت
                خويه كعد وطفيهه
بيتام اخيك هل حرت
               خويه كعد وطفيهه

وعيني الدمع يجويهه
عباس حركوهه الخيم

عباس ماظلت خيم
                   خويه كعد وطفيهه
وشلون ويعطلك سهم
                خويه كعد وطفيهه
من شفتك الحيل نهدم
                خويه كعد وطفيهه
ماظل الي بطف علم
               خويه كعد وطفيهه

وشظل بعد جا بيهه
عباس حركوها الخيم


ابو سلام الجابري

نسبن ودموع للشامت… مراون
عليهن مره اجر حسره… مراون
مظيعه بهل ظعن ماكو… مراون

المثل ام البنين وتبجي ليه


ابو سلام الجابري

دارت الدنيه وعلي سكانهه
شلون عاف ام عون بين حزانهه

شلون عاف ام عون متحيره وتون
خلاف اخوهه حسين متروست حزن
نذبح ظامي مسلب وما مندفن

شلون مايدري الوكت من خانهه

شلون مايحضر علي وهذ العجيب
وزينب نجرحت جرح لا مايطيب
والمصيبه خيالهه شافه الغريب

وهل جرح هذ الجرح وجدانهه

هل جرح صار ويجرح الحافر
اجم ظلع لحسين ذاكه وكاسر
الاميره اليوم تكسر خاطر

والهزيله ياهو كض عنانهه

شافت الظيم الابد ماينحمل
عله الهزيله وجفهه مربوط بحبل
لوحجت بلسوط يظربهه النذل

والحزن بطف صبح عنوانهه

ياحزن زينب ابد ماله مثيل
بيوم مرت شافت جفوف الكفيل
كامت تنوح وعلئ الهزله تميل

هذا كله وما نزل من شانهه


ابو سلام الجابري

نبض ياعرج الهواشم
والكفيل وسيفه صارم
غيم عله البيده

غيم ومحد يكحمه
صارت عله الكوم ظلمه
وعده صارو صيده

بلغيره… .تنخه وتعانهه
بلغيره...  موت هيج سكاهه
بلغيره ...حلف ماخالهه


تنخه بحسين وتعنه الحومه
خل بلدنيه يسولف يومه
ماكو كل تاريخ مثله وصاير
بس ابو فاظل وهاي علومه

عباس عباس… تعنه بهبته
عباس عباس زلم ما لاكته
عباس عباس ..كفو عد كلمته


صرخ بلعدوانه صرخه
بزوده الحسين وتنخه
وكال هسه اكظيهم

ومنع الريح اليمرهم
هيج بيدي اصبح عمرهم
لو لزلم خليهم

بلغيره… يصد صيد الوافر
بلغيره… حگم يوم العاشر
بلغيره.. سوه شي ماصاير

كفو منه بيوم هز الرايه
توسط لميدان دك الثايه
طلبته الشط ورتجف منه الفرات
وصار عده دخيل هوه ومايه

عباس عباس… دخيلك هل نهر
عباس عباس… ولاواحد عبر
عباس عباس ..صدك بهم ضفر


هيج عزالله لواهم
حارو وماصح دواهم
ظل يگط بتاره

حسين ينطر خبر منه
شلون علجيش يتونه
وغاره تلحگ غاره

بلغيره ..الحيد يحصد بيهم
بلغيره.. عطوه ما يطيهم
بلغيره...موت ظل يرويهم

شال كاس الموت بيده رواها
تحبي ردت للزغير خلاها
الحومه صارتله ملك هوه شيريد
عاد صولت حيدرا ومعناها

عباس عباس… وبد  ما. ينگحم
عباس عباس… حكم بيهم حگم
عباس عباس… الحوافر خل تطم

الحيد بلحافر دفنهه
وخذ ثاره وزود منهه
ونتخه وهز سيفه

كال مايرجع مخبر
انه الم وانه الطشر
وخذ منهم حيفه

بلغيره… وزود هز عنانهه
بلغيره… تحيرت شبانهه
بلغيره… واله ظل عنوانهه

الغيره طبعه ولو وكت ظل شاهد
حير الاف الزلم  هل  واحد
ينتخي بسمه المجاهد من يصول
وبسم ابو فاظل تره احنه نجاهد

عباس عباس… يعنوان الفخر
عباس عباس.. يدوس عله الخطر
عباس عباس… عليهم ماصبر



ابو سلام الجابري

زينب تنشد حسين ويسيرون
باجر هم نرد بهاي الظعون
خاف دور اليام
وخلص عمري بوهام

اسئل هل سوائل يدور بلبل
باجر خاف احير بهاي الطفال
ادعي من الله اليه بحسن الحال
ماحمل غيابك تدري جتاال

بغيابك تعرف نموت
وخافن ينسمع صوت
من هسه وبدن يبجن يلعيون

اشو تعثر النكاه وتمشي بهداي
اظن عدهه علم ماتبقه وياي
ودمعهه شبي يصب من تشرب الماي
اظن محرومه منه بكثرت عداي

تكلي انتي تردين
بس مندون الحسين
گلبي بهل سفر يبن امي مطعون


بكل خطوه وتجي وهام عله بالي
وحس بهل الدرب مايبقه غالي
اخاف يظيع يبن امي دلالي
شلون ولو نظر شامت خيالي

دلالي يروح وياك
احيرن خويه لولاك
وتي بهل درب ويه اليتيهون

احس بهل درب يازينب تصير
اسيره وكل يتامه بيهم تحير
اذا عندك خبر انطيني تدبير
گبل ما نوصل الذيج المشاوير

كلي وكتي الي شظام
شسوي بين اليتام
سولفي عله دربي وكلشي اليكون

ادري حسين تدري وكلشي وياك
بس سولفلي خويه عنه ورجاك
علمني الصبر  وصبر بلياك
گبل مانوصل الطف رايح انعاك

اريد انعه علئ النوك
گبل ماطبن السوك
گبل ما عني خويه انتم تغيبون


ابو سلام الجابري

ياخيل العده ويحسين بهداي
ماطالب حوافر طالب الماي

ياخيل العده ويانه شتسوين
بصدر حسين اشوفن تسحگين
ماعدج حميه ولا الج دين

مو هين مصابج مرد حشاي

مو هين مصابج جاس الظلوع
وكلبي عليه يظل للدوم مفجوع
ماتنفع بعد شتفيد الدموع

خلافه وظلمه صارت رايح ظواي

خلافه شلون نرجع والظعن تاه
وما مدفون ريت وميته وياه
المثل حسبن باجر وين انه الكاه

من امشي سبيه متيهه كل راي

شلون امشي سبيه وهوه سلبوه
مرمي عله التراب وجثه خلوه
وراسه عله رمح جدامي شالوه

شنهو اكثر بعد كليلي من هاي

عله كيفج يلحوافر لا تركضين
بظلع حسبن اشوفن تكسرين
فوك السيف جا شنهو شتريدين

خذيتن مني خوي ولبت جلاي 


ابو سلام الجابري

بنات حسين اخذهن… يرعن الطف
بدمع وهموم بعده….. يرعن الطف
خذت جثته الحوافر…يرعن الطف

بعد ممشه شهر عنج رقيه

ابوسلام الجابري

ظامي وشــــــــفه ذبلانه
حســــــين وراحو خوانه
ماظـــــــــل بي بعد حيل
شلـــون يلاكي هل لخيل


ظل وحيد ابونه وظــامي وشلون
لا احد ينصـــــــــــره ولا اله العون
بيش يرد جمعــــــهم من يهجمون
وهوه حــــــــــيله ركد وتغير الون

شثگله بيمنــته السيف
منهم ماخــــــذ الحيف
دم من شفتــــه يسيل
ماظـــــل بي بعد حيل

ثگل سيفه بيمــينه وفرحت الگوم
وكالو فرصـــــه عدنه نذبحه اليوم
نسلب گلشــــــــي منه حتئ الهدم
بس يطيــــــــــح كالو ماظن يگوم

وهو عينـــــــــه علينه
جنه يوصــــــــــي بينه
وكتــــــچن رايح يميل
ماظـــــل بي بعد حيل


وصل حد العطـــش ذبلت لهاته
ماهم بي ابد هـــــــــــــمه البناته
شلون  خلاف عــــينه ويلشماته
لو راحن ســـــــــــــبي .يمدللاته

يهم لو غمـــض العين
وحركوهه الصـواوين
ياهو يرد اليـــــــــعيل
ماظــــل بي بعد حيل

يهد حـــــــيل الوكت ولماله خوان
وگباله عدوه بظــــــــــــهره نسوان
اليفزع واليـــــــــظل بثنين حيران
وجابوله الريظيع ويبجي عطشان

بجه عبـــدالله بظماه
خذاه حســــــين وياه
ورتل حــــــزنه ترتيل
ماظل بي بـــعد حيل

نذبح عبدالله بيده وشافه مذبوح
وكبرن بلگلـب ويحاجي  الجروح
خل زينب علينــــــه تبجي وتنوح
وعن ظعن الهــــــوشم رايح نروح

راح طــــــش الظعون
وعدوانه اليســـــلبون
ساعــــه ورايح يشيل
ماظــــل بي بعد حيل


ابو سلام الجابري