يم جف ابو فاظل كعدتت ام عون

كعدتت ســــــولفت شنهو التريده
تكول شلـــــــــــون اردنه الوريده
حسافه عــــله تراب انتي العنيده

ولو ترگب يمنــــــــــــته مايظلون

بيج الدنيــــــه لاذت ونتي تدرين
شلون وعن يمينه انتي وتطيحين
شلتي الجــربه انتي وشايله الدين

وخـــــــــــلافج بعد خلهم يسلبون

خلافج خل تشـــب نار وبلخيام
من يومج بعـــــده سمونه اليتام
وخل يمشي الظعن خل يوصل الشام

من طحتي بعــــد كلشي يكدرون

جنتي انتي الـظره ونتي انه الفاي
من يومج بعـــــــــد ماظل ابد راي
بس نسوه ويــــــتامه التمت وياي

وحتار بجــــــــوابي ومن ينشدون

احتار انه وجـــــــوابي حيره حيره
بجالج مو جــــــــــــــنت انه الميره
اليوم شـــــــــــلون مسبيه واسيره

وخت عـــباس هاي اعرف يكولون



ابو سلام الجابري

اليوم الاكبر .شال رايه
بزود كصــــــاي المنايه
علزلم هزبيهه

محد تكرب يشــــــوفه
خله بلميــــــدان خوفه
وتيهت تاليهه

هيج لاكهه وحـــــصدهه
الكوم ذاك الصوب ردهه
بكيفه يحكم بيهه

يحكم الحومه بشجاعه ومايهاب العايل
بشمرت الكرار يفزع غيره منه وشايل
يعدل الميله الكصدهه وماترك كل مايل

بظهره   ماخلـــــه زلم
يموت  حــتئ الينهزم
محزم  بــزوز وعــــزم
ياليلئ الاكبر



هيج الاكـــــــبر علماهه
الكوم حــــــارت تيهاهه
وتيهت مشرادهه

ترجف بيـــــوم اليجيهه
تخربط الشـور بحجيهه
وكفت منعنادهه

بزود يحگمهه ويصدهه
مــــنين ما مالت يردهه
الموت بيده وزادهه

هذا هوه الموت الحمر كامو يسمونه
الما يموت بسيفه ميت من يصد بعونه
غيره بي جده ابو اليمه شحدهم يلاكونه

بلحرب .حيد وشهم
بيــهم.   ابدن مايهم
يطشر بكـــيفه ويلم
ياليلئ الاكبر


غــــــــيم وزلزال نازل
بلحرب جنه ابو فاظل
من يهز بتاره

كام يحصدهه وكسرهه
الجيمه يعرفهه منثرهه
وغاره تلحگ غاره

صوفــــرت منه زلمهم
يحصد بكيفه ونثرهم
ماتصح كل جاره

جنه حيدر مايثني بسطرته وصمصامه
حير جيوش ال اميه اطشرت جدامه
لفهم بشمرت يمينه شلون لف الثامه

هيح الاكبــــــــــر بنزال
يفرح بـــــــسوح القتال
ماكو عــده ابدن محال
ياليلئ الاكبر


بعجت الــــخيل وتعنه
بروسهم عــــيب يتونه
ويلگط الخياله

وين يشــــرد واليريده
الحاط والطاير يصيده
الموت فات فاله

صاح ملك الموت كافي
كله اشبــــع بلعــــوافي
سولف عله افعاله

خاوه ملك الموت خوه وخوته معرفه
مات نص الجيش منه من يصد بشوفه
بكيفه يختار اليريده يجيبه بين جفوفه

محزم ..حــزامه كــلف
الجيش .منــعده يـرف
يومه .ابد ماينـوصــف
ياليلئ الاكبر


ابو سلام الجابري

نطيت اربعه وكلشي يهون
يحسين تسـوه انته عيون
يلــــــــتارس الريــه هواي
انته الهــــــوه وانته الماي


يولدي ياغله الظنه شماسوي اقصر وياك
فدوه انه اروح الهل الاسم يحيني لو مر طرواك
لو اندل دروب السفر  لو موت بيهه تعناك
شما طالت ايام السفر اشتاك الك ما نساك

شما طولت زاد الشــوك
يلتجــــري دم بين عروك
وتــــــــسله بس بمبچاي
انته الهــــوه وانته الماي

يحسين انطيت اربعه ومقصره ادري بروحي
بكد ماخطيت بسفرتك وكثر صفن يجروحي
المن اظل عدله  بعد شينفعني وني ونوحي
بخلافك يكلي الگلب انته الصرت مذبوحي

يحـسين ادورك كل يوم
بنص گلبي حبك مظموم
بعدك فگـــــــت انه الراي
انته الهوه وانتــــه الماي


يحسين وشتمك هوه وفراكك يهد الحيل
عشت بخيالي بغيبتك ماتغمض جفوني بليل
گلبي انه تاه فركتك بفراكك وشفت الويل
عمري انه بعدك بلحزن وتسله  بدموع تسيل

بنص گلبي مشتعله النار
ملاني من وني الجــــــار
وشــــكد الك صار ظماي
انته الهوه وانــــته الماي

مطـلوبه الك دين شكثر محد عرف هذا الدين
ميته بغيابك ونتظر يحــيني اسمك حسين
لو مر علي هذ الاســــم دم صارن دموع العين
ماحسـبت يوم الدهر  وتكلي باجر ماشين

ماحسبـــــت عني تروح
مادري ســــــالم مذبوح
لا جمني گلبي منلــجاي
انته الهوه وانتــه الماي

يحسين اموت بموتتك جا شنهو الي خلافك ظال
مو سالم يگلي الگلب وفراكه عنج هل طال
تدري انته احسبك كل هلي ولعم الي ونته الخال
يفــــدونك انطــيتك زلم وعرفهم اولادي بطال

فدوه الك خـــــل يرحون
بس انته يحــسين شلون
جا المن يـــــــــظل رجاي
ونته الهوه وانـــته الماي


ابو سلام الجابري

خويه حسين راح امشي واخليك
فوگ الكاع وسهامك تظل بيك

راح امشي سبيه وبين الجناب
يحسين الحزن بعدك فتح باب
وي وادم غرب شيفيد العتاب

ومايرظون اودعنك وامر بيك

ختارو جاده بعيد وخذونه
وعدي ايتام تصرخ وين ابونه
خل يلحگ بعد عينه وسبونه

وتبجي عله الهزل وتون تتانيك

خويه حسين لو بس واصله حذاك
وطلع سهام صدرك وكعد وياك
وسولفلك عليه صار بجفاك

الصار وياي لو تدري يذيك

الصار وياي ويشيب اليرظعون
ركضت عليك بلخيمه ويحركون
حرت بطفالكم خاف يظيعون

عين عله الخيم وثانيه عليك

عين عله الخيم وتصب الدموع
وشوف الخيل وكت جر بلظلوع
طلع حسي الگبل مايوم مسموع

صحت يعظاي هاي الخيل تاذيك


ابو سلام الجابري

يخيل حسين ميت لا تسحكينه

صحت والخيل مااردت ولادارت
عله جثت حسين عشر خيولهم غارت
تسوي الگبل هذا اليوم ماصارت
تطلب ثار جنهه بجثته وجارت

يخيل شبيج بطف ما رحمتينه

بلا رحمه وكسرتي گلبونه خلافه
حسين ومايعرفه اليوم و الشافه
ظامي من العطش ومفطره شفافه
وحوافرجن اجماله تغير وصفه

الحافر كسر كلبي وزيد ونينه

يحافر زودت لو عاتنه بلوعات
شجاك دوس صدر حسين كتلك مات
تزيد  تريد فوك سهامه بلجمات
وهو الجسمه ترف مايحمل الطعنات

وبس نسوه ويتامه خلافه ظلينه

ظلينه يتامه والگلب مفجوع
وبحسين الحوفر ماتخلي ظلوع
تحسرنه وبجينه وما تفيد دموع
شيفد البجي للصوته ما مسموع

نحير خلافه بطف وين تالينه

ما نعرف خلافه وين منوانه
راح حسين عنه وراحو خوانه
حركوهه خيمنه بنار عدوانه
شيفيد الصبر وحسين وصانه

من بعده العده ولشام تسبينه

ابو سلام الجابري

كصدهم شبل الحسن.. كصدهم
حصدهم زود ونعم… .حصدهم

يبس الهه رياكهه
بسيفه ثنه وساكهه

هذا هو ربات النشامه هذا هو ربات الكرم
حير جيوش ال اميه وساكهم سوك الخنم
مثل عمه بزود فازع بيده ويرف العلم
اخذ ثار وثار خوته  بجيشهم ثلمه وثلم

وعدهم.. موت وصداك.. وعدهم
رعبهم.. من شمرته… رعبهم

مثل ليث وطاكهه
يبس الهه رياكهه

الزود البجسام هذا كله من زود الحسن
شلع عيون التظده وشافو بيومه المحن
الزامطه يحصل جزاته بحافر المهره ندفن
هيج شافنه العلاوي الزود عزمه وهلهلن

دفنهم.  والطف شهد .دفنهم
بثرهم.. خله الجثث.. بثرهم
سحگ فوگ عناكهه
ويبس الهه رياكهه

حيد للكلفات جاسم عزب بيوم الطفوف
خله كل الكوم تسجد ونثنت مثل السيوف
الما يطخ راسه يكصه ومايهاب من الالوف
عجت الحومه بعجاجه تراجفت منعده خوف

ثلمهم ..كول وفعل ..ثلمهم
خطفهم..مثل النسر… خطفهم

تخربطت بوراكهه
يبس الهه رياكهه

كام يتخير بكيفه الحومه صارت عده سوگ
يگطع الراس اليعجبه الرجف يمه ما يلوگ
مره عليمنه خذاهه ونوبه عليسره يسوگ
حالف يكفهه بيمبنه وماي منهم مايظوگ

شعبهم .خوف ورعب شعبهم
غلبهم ..يوم البرز ..غلبهم

حيد صار فراكهه
يبس الهه رياكهه

رمله كالت حيد يبني وهوه يسمعهه شتكول
كلهه ابشري الزود عدي واخذ بثار البتول
اليوم يومي ويبقه شاهد والفخر منعنده انول
اله اسحگ روس اميه ويومي اريدنه يطول

خزرهم ..راعي الكرم.. خزرهم
وسحگهم ..منه ونعم .سحگهم

الموت صار طواكهه
ويبس الهه رياكهه


ابو سلام الجابري

بين ناگه وناگه طايحلي طفل
شلون المهم وانه بجفوفي حبل
حايره بظعن السبايه
الحادي مشانه عله رايه


بين خطوات السبيايه وبين حسرات الزغار
كمت اشوفن جثه ميته وخيمه تلهب بيهه نار
وظعن يمشي بليه والي وما تلمنه بغربه دار
الطايح يجره حبلهم واليموت بلايه ثار

ايتام محتاره نسبينه
وساتره علينه عبينه
وحرم نمشي بلا حمايه
الحادي مشانه عله رايه

بعيني اشوف الناكه تعثر بلجثث طول الدرب
ترفه يجفوف اليتامه منلحبل دم وتصب
واليطيح السوط لاحه ويمشي بلكوه وغصب
حيره محتاره بزماني وحيده مابين الغرب

خلاف خوتي تحيرت
ريت وياهم متت
ولاشفت هاي الرزايه
الحادي مشانه عله رايه

شفت ظحكات الشماته شلون من يبجي طفل
الحرم تصرخ كافي ارحمه الحادي ويجر بلحبل
يصيح يسكت لا اذبحه تعوديتو عله الكتل
عيرانه بامر هين هل الامر كلش سهل

عيرونه بهل امر
مادرو نفدي العمر
ولا نهاب احنه المنايه
الحادي مشانه عله رايه

كمت اباوع علحوافر خاف تسحگ بليطيح
بدمع خلص نهاري  بين غربه شلون اصيح
صرنه مثل السعفه تهتز منين ما طكاهه ريح
وعمده ماخلونه نوكف خاف نوكف نستريح

ماكو راحئ من دمع
وگلب بلهم  منفجع
والحزن صار انه غايه
الحادي مشانه عله رايه

بعد ابو اليمه وكفيلي تعذبت هذا العذاب
لا لي اول لالي تالي حسين نايم عل تراب
وگظي يومي عله الهزيله ابجي ولهذا المصاب
الطفل لو يعرف حزنه وراسه گبل ايامه شاب

همومنه تشيب الجنين
راح من عدنه الحنين
وهاي صارتلي النهايه
الحادي مشانه عله رايه


ابو سلام الجابري

هلا .يربات الحرب لمن يطب.. دخيله
هلا..بعيونه الزعل يبن الفحل .دخيله
هلا ..بفنونه نزل  ولهم وصل ..دخيله

شال بــــــيده الوه
الجيش منه نجوه
ونكطع حتئ الهوه
دخيله

هيج ابو فاظل غزلهه وهاي هيه فنونه
منين كلي جيوش عدهم حتئ ويلاكونه
گبل سيفه وكام يذبح من يصد بعيونه


هلا .ياشيخ الزلم شد العزم ..دخيله
هلا .شهدتله السمه البلموزمه  .دخيله
هلا يلبيهم حصد يوم الوعد. .دخيله

بزود طب الكمر
صاح ماظل مفر
داس فوك الخطر
دخيله

داس فوك ركاب بطف خله بيهم خوفه
الزود زوده ومايثني وشمر عله جفوفه
جيوش عبرهه وطرهه اطشرت بلكوفه

هلا ..يلما ينگحم ظد الظلم ..دخيله
هلا بي هيبه علي وبن الولي. دخيله
هلا يمحير العرب يوم الغظب. دخيله

ماكو كلهم عذر
اليوم ناذر نذر
اله اطشر الكفر
دخيله

طشر جيوش الظلاله وحارت بمشرادهه
كام وبريشاته يذبح موت بطف زادهه
تخورست المن وصلهه وكفت منعنادهه

هلا ..يلي من يهد لا مايرد .دخيله
هلا .صارت كربلاء كلهه اله.. دخيله
هلا .حيرهه العده وبوحده.. دخيله

حيد بطف فرد
مايهاب العدد
عاف كلمن شرد
دخيله

يسلم الشارد بعمره وهيه كلهه تشاردت
غير عباس الكصدهه وعركه عده مابطتت
كال لجل ام عون اخلي النار بهم ماطفت


ابو سلام الجابري

عريس الولد بس زفته الموت
وخاف من تراب يصير تابوت
يتوسد بلتراب
ودم تصير الثياب
--------------------------
هيج ازف ابني وعرفه مايرد عني ويغيب
وانه كلشي الجهزيته العرسه وشرايد اجيب
بس احس گلبي يكلي منه محرومه النصبب
راح عنج يمشي ظلي للقهر وبنج غريب

غريب بهاي الديار
وگلبي يكلي نحتار
ماكو كل عرس بس بجي بسكوت
----------------------------
گبالي هسه انه اشوفه وترس عيوني بظواه
شلون ازفه للحوافر شنهو جا عمري بوراه
رت احني انه بيدي شلون بتحنئ  بدماه
شلون لو ظامي رجعلي الماي گلولي دواه

صعبه وطلبت الماي
حيره وشدتي بهاي
منين الماي اجيبه وصار منعوت
--------------------------
راح ياسهر اليالي وراح كل تعب العمر
رته هوه يشيل نعشي وهوه يحفرلي الگبر
ماردت هيج انه  اشوفه الخيل بي تعثر تمر
وجثه فوك الكاع باقي منين اجيبنه الصبر

منعدي العمر ظاع
صعبه شلون الوداع
اظمن حصرتي ولا يطلع الصوت
----------------------------
ماشفت عرسه وعرفته بس شفت خيل وسحگ
بيوم عرسه شلون صدره ويلظهر صاير طبگ
مدري من كثر  الحوافر مدري بسيف اليطگ
وين ازفه  وماكو خيمه وكل خيمهم  تحترگ

بخيمهم تشب نار
وحشه تصبح الدار
ماعدنه خيم لانملك بيوت
----------------------

هيج صارت زفت ابني وحنته دم وتراب
وانه ادور ماي اغسله بحيره ورگض علسراب
حتئ لو صله وانشده بسوطه يطيني الجواب
يعني ماظل عندي والي والبدر عن عبني غاب

غاب يابدر الهواشم
وانه اصيحن وينه جاسم
وكتله وياك اموتن يمه مبخوت




ابو سلام الجابري

الف هنيالج يطوعه الجنه صارت بين اديج
صدك مسلم جان ظامي ومن روه ترحم عليج
منج وشد العزم
وكسر ركاب الزلم
--------------------------
الف هنيالج يطوعه ونلتي اعظم مفخره
حسين وي انصار مسلم سجلاج بدفتره
شلتي راس الكوفه كلهه وفزتي دنيه واخره
والله ندمه نعد زلمهم ونتي نحسبج مره

انتي تاج الكوفه هاي
يالرويتي الضامي ماي
الكفو منج ونعم
كسر ركاب الزلم
------------------------------
طوعه طاست ماي هيه ومسحت شماكو ذنب
ولشدايد عدنه مثله تبين الحگ والجذب
الف هنيالج صبحتي المسلم واول محب
وكلشي موقف ونتي هذا موقفج ظل نحسب

ظل يدور ويالسنين
طوعه من الفائزين
وخلديتي انتي الاسم
كسر رگاب الزلم
----------------------------
هواي باعوهه المراجل وينهم صارو سراب
ونتي حرمه ومارضيتي الضيف يبقه بلا جواب
بيوم كلج وانه مسلم ونفتح لجنه باب
هيج يمكن كلتي انتي وهذا ابن خير الشباب

هذا بي ريحة علي
الغيره مايصلح ولي
وبي اظن منهم وسم
كسر ركاب الزلم
------------------------
هواي فرقج صار طوعه بينج وبين النهر
ضامي ظل حسين يمه وما تعناله وعبر
ونتي عاندتي اميه وجيشهم دستي الخطر
الهل سبب ماننسه اسمج من يمر طاري الفخر

شكد فرق بين الثنين
ريتج وشفتي الحسين
شلون ضامي وظل يهم
كسر رگاب الزلم
--------------------------

صرتي مثل البير ذاكه العله يوسف السمه
انتي طبعج عكس ابنج علكرامه معلمه
شحصل من الدنيه هايه هناك نال الحاطمه
ونتي صرت اعظم قصيده صدور لجلج لاطمه

فزتي وباعظم مقام
ناصره بيوم الامام
اسمج وظل يرسم
كسر ركاب الزلم


ابو سلام الجابري

بين الحــــــــــــوافر ونار
ولجـــــثث وصريخ زغار
حرت اتجه وركض وين
للجربه ردت اروي حسين
----------
عطشان اخوي تحيرت شلون اكدر اوصل يمه
بين الـــحوافر والركض يراد حيل وهمه
وانه جبيره بهل العمر وجيوشهم ملتمه
لكني شامت مبتشر ويكلي راوي بدمه

شلون اكدر  اوصل وروي
والحافر اليـــــــسحك بي
وبــــــــصدره خلاله  اثار
بين الحــــــــــــوافر ونار
---------------------
منن نار حــــيره تحيرت وزغار عدي يخافون
والخيمه هل صارت جمر تجويهم ومايمشون
صاحو يعمه ام الضعن بحسين اضنهم يدرون
مسلوب ضايع خنصره وعلكاع فوكه يهوسون

فزعو عــــليه همه الاف
واطفال تــصرخ وتخاف
يطلـبون من عدنه الثار
بين الـــــــحوافر والنار
--------------------------

برماح وسهام وحجر عله حسين فزعو شمروه
ماظل بابو اليمه ظلع سالم اذا ماكسروه
والماي جانت طلبته  وعطشان بطف ذبحوه
يودع بناته ويرتوي الهل لحظه ابد ماخلوه

مالحگ يـــــودع وداع
مذبوح ظـل عله الكاع
وينادي جـدي المختار
بين الحــــــــوافر ونار
--------------------------

هيج اسمع وماصدكت بحسين هاي احواله
كلت انه مايتركني اظل محتاره ويه عياله
لاكن شفت سيفه نرفع يتباهه بي كتاله
وشفت العمامه عله الرمح وعشره الشفت خياله

عله الجثه هيج يهوسون
بحسن وفيـــــــــنه ديون
وتكثر بــــــــعد هذا الصار
بين الحــــــــــوافر والنار
----------------------------
انخامن يلملي الضعن وياهو البقه وحتئ انخاه
عباس نايم علنهر نكطعت يمينه ويسراه
وحسين الف طعنه ورمح مابي شبر سالم لاه
ريت انه ميته ولا شفت هذا الذي يصير وياه

ياريت مـــــيته ولا شوف
عباس ماعـــــــده جفوف
ومحتاره اظل بين اشرار
بين الحــــــــــوافر والنار


ابو سلام الجابري

https://www.tgoop.com/jjdicjcsk

كعدن ثنين
ينعن حسين
فاطمه بنته العليله وام البنين
----------*--*-
كعدن بذيج المسيه تكولك عدهن خبر
تكلهه راح ومايجينه حسين طول بسفر
وانه شو گلبي لجمني اليوم احسنه  نفطر
حسين لو محتار احسه لو احسنه بخطر

گلبي ملجوم
وجمع هموم
سولفت يم العليله .وصبت العين
---------------------
شلون اصبرج يلعليه وانه شو. گبلج انوح
بعيد درب حسين عنه شلون نندله ونروح
انه تدريني جبيره ونتي جثه بلايه روح
هيج قسمته نعاني وبلبجي نداوي الجروح

ابجي وياي
كثري بلواي
كون يوم الفاركونه واحنه ميتين
----------------------
ثنبنه عشنه بحزنه والحزن صارنه راي
البارحه شفت بمنامي اطفال تصرخ بويه ماي
وشفت جربه  ساهم بيهه وكلت جربت عمي هاي
هيج فزيت بعبرتي وكلت موتي هذا جاي

گلبي مكسور
شنهو اليدور
هل حلم شو حيراني وزاد الونين
-----------------------
يلعليله انه العليله خلاف الحسين وصرت
يمي اتذكر كعدته شلون كاعد ولتفت
وليلي يخلص بس بواجي وابد  ما بي غمضت
اربعه الراحو سويه وبس بابو اليمه حرت

فراكه چتال
عذب الحال
وحنه من يوم الجفانه معذبين
---------------------
كعدي خل نبجي الحزنه وخل نون الهم سوه
اربعه اطيتي سويه وگلبج بنار نجوه
وانه ابوي الجان يمي هوه والعلتي دوه
خلافهم ظايع ضوانه وبعد لا ميصح ضوه

ظلمه دنياي
ضايع ضواي
وبعد ماترجع علينه ذيج السنين


ابو سلام الجابري

اخ هل كلمه العظيمه محد يحس بيهه
اخ يعني الخوه كلهه الينهظم يحجيهه

اخ ولاخ العظيمه
يكولهه المر بهظيمه
-----------------------------
من يكول الكلمه هايه الزلمه مو هينه تره
حسين كالهه عله خيه من وصل للكنطره
تنحب وكض خصره بيده وكال اخ منلجره
خلاف اخوي شلون اعيشن ولجفوف مبتره

اخ كالهه عله اخيه
طلعت بنبرت منيه
ظلت الجربه يتيمه
اخ ولاخ العظيمه
---------------------------
منهد ذاك اليوم ظلت ذكره هاي وتنذكر
الكال اخ بين غربه يعني گلبه منكسر
وكررتها ام عون مره وكالت گبال الشمر
اخ من وكتي الرماني بينكم يهل الغدر

رددتها وصب ودمعها
والوكت بيهم فجعهاا
بين وادم ماكو شيمه
اخ ولاخ العظيمه
-------------------------------
الاخ تعني حسين اخيها وتعني عباس الكفيل
بليه خوان العقيله وياهو اليرد اليعيل
تصيح اخ ومن گلبها شما هوه المحمل يمل
ظلت بين الشماته  تلهج ومدمع يسيل

تبين الدمعه عله خوهاا
ام عون يوم السلبوها
صاحت وهاي الحريمه
اخ والاخ العظيمه
----------------------------
الاخ فطرت گلب زينب شيبت حتئ الزغار
بيوم كالت  مالي والي لخيمه شبت بيهه نار
وانه محتاره بزماني بهيمه ما خلوالي دار
وين كفالي وعضيدي مادره جا شنهو صار

بين غربه انه وشماته
حسين مايدري بناته
للكفر صارن شتيمه
اخ ولاخ العظيمه
------------------------
طفله صاحت اخ بويه ختنكت بهذا الكلام
بيوم شافت راس ابوها وكالت وياه ارد انام
علطشت ماتو سويه بلخرابه وبلظلام
هيج تخنگ هيه كلمه ولهه معنه ويلخيام

بيهه عبره الكلمه هايه
تختصر كل الروايه
تنحجي من  الظليمه
اخ ولاخ العظيمه


ابو سلام الجابري

نعي

هل هذا الشهر يحسين
اعرفنه شهر فركه
وحس روحي عليله بدار
بلهم حيل مختنكه
نتفارك اخاف هناا
ونظل نوح للملكه
بغربه واليموت شلون
محد ياخذ بحگه
جبتني ومن اجيت وياك
ماكتلي ذبح نلكه
ولا كتلي سبي وبحبال
جفوف اطفال منطبكه
والصعب منهن وبهواي
اشوف الخيمه محتركه
ورچب علهزيله وروس
فوك رماح متعلگه

شلون الصبر كون الروس صار الرمح مسندهه
وختك للغرب تنشاف هاي  اصعب بعد ودهه
لو تكدر گبل متروح المدينة جدهه وتردهه
صعبه فراكم يحسين وصعبه تعيش وحدهه
حرمه والعمر خمسين الطف شراد منعدهه
تعيش بحسره وبلوعات ومحد بعد يسندهه


محد يدري عاد انوب زينب وين تاليهه
لو ظليت غريبه شلون ياهو البعد يحميهه
اذا راح الكفيل تموت سكته ومن نواعيهه
هوه الجان ضي العين هوه الماي يرويهه
خلاف تظل بلا وليان سوط العده يمر بيهه
يدري فركته العباس يعرف كل معانيهه
المن جا اجت وياه لو ناوي يخليهه



ابو سلام الجابري

طال الغياب يحجه طال الغياب
والگلب ذاب يمهدي والگلب ذاب

....
مني رك الشوف مني وحتى ملاني الصبر
يمته اكحلها عيوني بشوفتك يالمنتضر
انه مشتاق عالجيتك گلي ياوكت انتضر
صرت يعقوب بغيابك والعمر خلص قهر

مالي احباب يحجه مالي احباب
هالگلب ذاب يمهدي هالگلب ذاب
....
طولت حيل بغيابك بمته مولالي الظهور
الدنيه من دونك حزينه وظلمه ماظل بيهه نور
يمته تاخذ ثار جدك وتبني للمعمور سور
ظهر بيهه الدغش كله وصعبت هواي الامور

طال الفراك ..علينه .. طال الفراك
وانه مشتاگ. اشوفك.. وانه مشتاگ
....
كل صباح يمر عليه وكل مسيه انه برجاك
يمته تظهر يابو صالح وترس الريه بهواك
گلبي مو ساعه يذكرك گلبي ما لحظه نساك
شنهو زادك كلي هسه والحزن كالو غطاك

حزنك هواي.. يمهدي ..حزنك هواي
انته والماي .يمهدي ..انته والماي
....
سيدي عالوا علينه وحتى قرآن احترك
يمته تضهر ياولينه يمته ينلم الشرك
كالوا اسكت مايجيكم هذا ميت لو غرك
وانه هاليوم اشتكيلك حيل جواني الفرك

يمته وتثور.. يغايب.. يمته وتثور
ترفع الجور.. علينه ..ترفع الجور
....
شنهو حزنك ونته غايب تذكر ايام الطفوف
وتذكر حسبن ومصابه  وبلغرب بين الالوف
هم شفت زينب اسيره شلون حالك من تشوف
مسلبه وبين العادي من الذبح ظل بيهه خوف

اعظم مصاب يمهدي اعظم مصاب
وهذا ماطاب يمهدي .وهذا ماطاب

✍ابو سلام الجابري
✍باقر جبار الشويلي

وين الازهر وين هيئتكم صفت
ليش للقران جنهه تجاهلت

شنهو الاعظم  والعظيم
من كتاب الله الكريم
وين هيئتكم صفت
*
شنهو الاعظم والمقدس جابعد
حركو القران ماشفنه وعد
شنهو الاستنكار ونتم جم بلد
كون بيكم خير جا صرتو سند

جان ماكررهه هاي
كون عدكم بيهه راي
حتئ لو لاجي ومقيم
شنهو العظم والعظيم
****
تماده واحد باجر اكثر ننتضر
ليش شو محد حجه غير الصدر
مايفيد المعذره شنهو العذر
يلخذلتو الدين هبتو انتو الكفر

ماسمعنه وغيره كال
كلا كلا وظلال
ندري منوا للجحيم
شنهو العظم والعظيم
+**
وين هيئت منكر  الما اله حس
حركو القران ماجرت نفس
تكلفت دانت خبرهم بوم امس
ليش مافزعت تحارب بلرجس

ساكته وعن المجوس
شلون هيئه وماتحوس
والخبر عدهم قديم
شنهو العظم والعظيم
*-*
الما يموت عله الكتاب المن يموت
يلي امركم مثل بيت العنكبوت
حجو كافي وعيب ملينه السوكت
خاف باجر عله الگبه هنا يفوت

وتنتضر طير السمه
يلي مابيكم حمه
يوصل ويرجع سليم
سنهو العظم والعظيم
--
گلتو اصل الدين احنه وسنته
يلا حفظوله مقامه وهيبته
علاقل عادو الكفر والعادته
وشكو حلگ حلوگ كلمن شگته

هاي نعرف ماتصير
وحنه وياگم نحير
بينه بس الله علبم
شنهو العظم والعظيم



ابو سلام الجابري


https://www.tgoop.com/jjdicjcsk