tgoop.com/jsman5/736
Last Update:
البارت 54
كان ابوها مصدوم : ليش
رده : بس كذا
شافها تبكي وماعاد حاول يضفط عليه راح لنبيل اللي كان منتظر ووجهه مقلوب نبيل قلق
جلس : انا قلت لك بزوجك تالا بس اكيد مش غصب عنها
رفع حواجبه بتعجب
ابو تالا: البنت مش موافقه !
نبيل بصدمه: كيف !! طيب ليش !
هز راسه ب النفي : ما اعرف !
…..
ايدن وصل ميامي واخذ اوبر لبيته ، ابوه اللي كان منتظره وصل فتحته له اخته حظنها: كيف انتي
رده: الحمد لله
سلم على خالته وقال: ابي وين
ما كمل كلامه الا وهو تكلم من الصاله : الان ذكرت ابوك
دخل وشافه بخير وحس ب ارتياح داخله وكان ساكت
ابو ايدن: مش البنت ذي احسن مني ؟ وفضلتها علي
ايدن اقترب ومسك يده وباسها : محد افضل منك يبه
ابو ايدن سحب يده: الا احسن مني !
ايدن: يبه والله العظيم غرام ماتعرف من انا ، هي مفكرتني واحد بسيط ولا بتفكر لا بفلوس ولا سفر ولاشي
ابو ايدن : ابني ! انت الان هنا قادر تصلح غلطتك وترجع ل اهلك وتتزوج بنت عمك **
قاطعه بيإس: مشكلتك يبه انك مش مستوعب اني عاقل بالغ ومن حقي اختار شريكه حياتي
ابو ايدن: بس ضروري تسمع نصيحه ابوك
إيدن: وليش ماسمعت انت كلام جدي وما تزوجت امي
ابو ايدن: عشان كذا انا احاول معك عشان لا تغلط غلطتي
ايدن : يبه ، انت وقفت علي البطاقات وسحبت السياره والبيت ومنعت عني كل شي وانا رضيت بعقابك واثبت لك ان غرام ماتعرف عني شي ،خلاص
ابو ايدن: انا عارف البنت معقده نفسياً وما تنفع لك
" يبه " قالها بتعب : صدقني لو اقدر اتركها والله لتركها لكن ماقدرش انا احبها اشتيها ماقدرش ماقدرش وانا جيت بس ابسرك ومسافر غدوه اصلا
طلع غرفته وهو يشوف بعده وشاف لسميره : حجزتي له ذهاب واياب بهذي السرعه
سميره : لو رفضت كان بيعرف انك قلت لي
تنرفز وجلس على الكنبه وجلست جنبه: انا مش ضدك والله لكن حرام بيحب البنت خلاص خليه يكمل معها لا تخليه يشوف رفضك قسوه ويبتعد عننا
كان ساكت :…
غرام اللي كانت بغرفتها وتفكر : والله انه تارك فراغ كبير ، مدري احس اشتقت لحد اتناقر معه من الصبح ، لا لا اكيد ما اشتقت له ليش اشتاق وبعدين هو صار له بس يومين
مسكت تلفونها : ولا رسل لي ولاشي
ورجعت تفكر : بس احنا زواجنا كله ملخبط اصلاً
غمضت عيونها وتمددت : خلاص غرام نومي بطلي تفكري به وصلنا منتصف الليل !
…….
نبيل اللي كان قلبه مكسور من رفض تالا ولما شاف رقمه محظور اشتري خط جديد ورسل لها : مش من حقي اعرف سبب الرفض ع الاقل ؟ والا انتي كذا تستمتعي لما تشوفيني متعذب ! ومعلق بعلامات الاستفهام …
…….
اليوم الثاني ايدن قام متاخر وسافر بدون ما يودع ابوه ، كان متضايق من عناد ابوه ..
علياء كانت داخله وتشوف لغرام وصلت امامها : متى يجي ادم ؟
غرام : مدري قال اسبوع صار له ثلاثه ايام يمكن ثلاثه ايام كذا
علياء: لا بيوصل غدوه
شافت لها بغرابه وهي دخلت المكتب وهي تكلم نفسها " مالها بتتكلم كذا وكانها عارفه وين هو ؟ احسها بتلمح لشي بس مش قادره تقوله ؟"
….
تالا رده ع نبيل : نبيل انا عارفه انه انا جرحتك بس انا نفسيتي تاعبه قوي وماعاد لي نفس بالحياه انت ايش ذنبك تاخذ واحده منطفئه مثلي وتحرمك من العيال ، نبيل انا لو تزوجتك ومرت سنه سنتين ثلاثه واشتقت تخلف مابقدر اتحمل انك تتزوج واحده ثانيه وانت معي الغيره بتقتلني وبتطلق ، فليش اطولها وهي قصيره خلاص انت في طريق وانا في طريق من البدايه
رد بنرفزه : هل انا اشتيكت لك ؟ هل قلت لك اشتي عيال ؟ يكفيني محمد
تالا: بس محمد مش ابنك !!
رد بعصبيه: الا ابني ، محمد ابني ، ابن اخي ابني وانا ربيته من هو صغير وبيقل لي يبه وانا مكتفي به ، تعالي انتي اوقعي امه وحبيه معي ويكفينا ، وانا بنسبه لي ي تالا انتي تكفيني عن الدنيا كلها
تالا بدموع: ما اسهل الكلام ، انت بتقول كذا الان بس بعدين بتغير رايك وبتتركني وحيده بعد العشم !
نبيل: انا عارف انك بتقلقي قوي من المجهول بس اوثقي بي ، انا تعبت انتظرك الوقت ذا كله ، ضاع عمري
سكتت وهو يرسل : تالا والله ذي اخر مره اسالك ، انتي تحبني انتي تحبي تكوني معي مشتيش تبريرات مالها معنى ، تحبيني او لا ردي !
كانت تقراء بدون رد …
………
غرام رجعت من الشغل وامها بتسالها: ما كلمك ادم وين هو وكيف ابوه
قالت بنرفزه: لا شكله هرب
امها ضحكت: انا اعرف واحده تهرب بس واحد يهرب لا بعدين انتو متزوجين مش اصحاب
غرام: والله يمه ماعاد عرفت عنه شي ولا ادري وين هو
امها : سهل هو قال لش مابش تغطيه
شافت لعيونها شوي وقالت: ومالش تفكيرك مشتت هكذا ، فقدتيه ؟
حاولت تغير ملامحها بسرعه: لا طبعا لا
دخلت غرفتها وامها تشوف بعدها ..
BY روايتي 🌸
Share with your friend now:
tgoop.com/jsman5/736