tgoop.com/jurnalreyting/29
Last Update:
Сунъий импакт факторлар Ёхуд «подоригинал» рейтинглар.
Юртимиз олий таълим муассасалари жаҳон рейтингларига киришга интилиши илмий изланувчиларимизнинг шахсий рейтинглари билан чамбарчас боғлиқдир. Халқаро Ахборот майдонига интилиш кимлар учундир ўзига хос бозор яратиш учун омил бўлмоқда экан. Қарангки, халқаро рейтинг берувчи интернет ресурслар ҳам ҳеч қаерга ўтмайдиган қаллоблик бўлиши ҳам мумкин. Шундай интернет ресурслардан бири SJIF (scientific journal of impact factor). Яъни илмий журналнинг импакт фактори экан (яъни импакт факторнинг ўзи эмас, шунчаки номига импакт фактор сўзини қўшиб олган). Бир қарасангиз импакт фактор деган жумла бор ҳаммаси жойида кўринади. Ажойиб сўз ўйинидан фойдаланилган. Лекин бу интернет ресурс ҳеч қандай расмий мақомга эга эмас.
Бир қатор ноширлар ва бошқа ташкилотлар журналнинг ўз соҳасидаги нисбий аҳамиятини баҳолаш учун ўзларининг шахсий формулаларини ишлаб чиққанлар. Баъзи мисоллар қуйидагилардир: Scientific Journal Impact Factor (SJIF), Universal Impact Factor (UIF), Global Impact Factor (GIF) ва Research Journal Impact Factor (RJIF). Ушбу омиллар кўпинча ўзларининг обрўсини реклама қилиш ва / ёки муаллифларини жалб қилиш мақсадида журнал веб-сайтида келтирилган.
Ундан ташқари http://sjifactor.com сайтига кириб қаралса, на бу компания ҳақида маълумот топасиз на унинг импакт факторни ҳисоблаш методикаси ҳақида. Аммо минглаб журналлар бундай қаллоб сайтларга пул тўлаб “рейтинг” сотиб олишаётгани ва олимларимиз бунга алданиб қолаётгани ачинарли.
Шу билан бирга сайт домени текширилганда, унинг эгаси ҳақида ҳам маълумот ололмайсиз. Бу ҳам кишида албатта шубҳа уйғотиши керак.
Бундай сайтлар ва сохта рейтинг тизимлари ҳақида тўлиқроқ маълумот олиш учун қуйидаги ҳаволадаги мақолани ўқиб кўришни тавсия этамиз:
https://onlinelibrary.wiley.com/doi/full/10.1002/leap.1200
https://www.tgoop.com/jurnalreyting
BY XALQARO JURNALLAR REYTING VA INDEKSLARI
Share with your friend now:
tgoop.com/jurnalreyting/29