tgoop.com/jzlaf/22926
Last Update:
حاچيت الروس بممشانة ومامش صوت
ولا واحد خلة من اخواني شمالة الموت
تجرحني الخوانچ وين
لا عباس ولا الحسين
♕♕♕♕♕♕♕♕♕♕♕
انكسار بكلي بين والدمع لازم نضرتي
بيا درب ما ماشيته طوح الحادي الغربتي
عالاسنه الله واكبر انضر وتكبر هضمتي
صوت ردت وما اجاني صوت اليسكت دمعتي
ماكو اجواب الصوت الدمعه من الخوان
والموت الهل سكته بگلبي يحط عنوان
خوانج ماخذها البين
لا عباس ولا الحسين
♕♕♕♕♕♕♕♕♕♕♕♕
بدرب امشي وماكو واحد من اخوتي يصد الية
عالرماح الروس اصدهن والجسوم اعله الوطية
من بعدهم راح خدري والشمر شتم علية
ما خفت منة على روحي خفت لا يضرب رقية
رايح راجع يشـتمني ويشتم الاطفال
لو موجود الكافل يشتم يا رجال
خواني ما موجودين
لا عباس ولا الحسين
♕♕♕♕♕♕♕♕♕♕♕♕♕
من هجست الموت اخذهم والسكوت اعتم لگيته
نسيت كل جروح كلبي وجرح فكدي الما نسيته
ضلي اول مرة يطلع اخذ سهم العين بيته
الله ليعينك يگلبي يا عزيز الفارگيته
هم يتبع هم الدلالي بين الناس
واليهضمني بين الغربه ابلا عباس
ولا راية وراي الله يعين
لا عباس ولا الحسين
♕♕♕♕♕♕♕♕♕♕♕♕♕
بس نساوين ويتامى بسوگهم لمن دخلنة
كلهة تتفرج علينة واحنة مچتوفين كلنة
والعليل مگيدينه وغيرة ما ضل من زلمنة
مختصر كل النوايب من بعد خواني ضعنه
صار گبالي المجلس واحتاريت هواي
وعيون الشمات هواي وحيلي شواي
وحدچ يا روحي تدخلين
لا عباس ولا الحسين
♕♕♕♕♕♕♕♕♕♕♕♕♕
لمن المجلس دخلتة عيونهم تجدح علية
خفت منهم عاليتامة صحت عمة تدنو لية
خولة وسكينة تدنن وگعدت بنصهن رقية
والنساوين البقية بقن يتلاوذن بية
چا اول تالي زينب تدخل ديوان
والاكبر طبيتة لوحدي بلا خوان
عاليسرى اتلفت ويمين
لا عباس ولا الحسين
♕♕♕♕♕♕♕♕♕♕♕
✍🏻حسن اللامي
✍🏻احمد الخفاجي
https://www.tgoop.com/jzlaf
BY الشاعر احمد الخفاجي
Share with your friend now:
tgoop.com/jzlaf/22926