tgoop.com/k20k20k1k8k/20616
Last Update:
#قصائد_الاربعينية_والمشاية
قصيدة (مدري سجلني حبيب ابدفتره)
#زيارة_الاربعين
مــدري سـجـلـنـي حـبـيــب ابــدفــتــره
لــونــســانــي حـسـيــن راح ايـذكــره
بـلـكـي الله ورسـولـه * ازيـارتـي مقبـولـه
لــونــســانــي حـسـيــن راح ايـذكــره
❀......❀......❀......❀......❀1
لــو نساني وما كتــب اسمي حبــيــب
اشـهـود مايحتاج الك مــولاي اجيـب
وجـهي الاسود شاهد وراسي التريب
من اجيتـك والشـمــس تلـهـب لهيــب
اهلي ماعرفـونـي * الشمس غيرت لـونـي
والــبــــرد والــمـــطــر ذاك امــكــتــره
لــونــســانــي حـسـيــن راح ايـذكــره
❀......❀......❀......❀......❀2
لـونسه وماكتـب اسمي شنـهي اكول
ما يصدگنــي ويصـدگه ابن الـبـتـول
الــه اروحن وشتــكي عند الــرسـول
ورده اگـلـه شاهدي فحل الــفـحــول
من أجي مشايه اله * من البصره الكربلـه
آنــــه اول ما أزورن حــــــــــيــــــــدره
لــونــســانــي حـسـيــن راح ايـذكــره
❀......❀......❀......❀......❀3
الـدفـن سلمان اگصدت اگصد بــعـد
حسين راسه عالرمح ظل بس جسد
ما دفـنــتــه اشتــعتــذر من الــولــد
وزينـب اعلى الـنـاگـه ونـادي مـــدد
من ادخنله الكوفــه* علي ماهو انشـوفــه
راح يــدفــن اهــلــي مــاخــــذني تــره
لــونــســانــي حـسـيــن راح ايـذكــره
❀......❀......❀......❀......❀4
آنــه جيــت امــن اليــسر لــخــوانــي
اومــا شــفــتــلــي واحــد اتـلـگـانــي
لــو گبــل جــابــر لــگيــتــه امــتــانــي
هســه الــف جــابــر اجــه واســانــي
والله شوفتهم تســر * خففو ظيم اليـسـر
كــلــهـه سجـلـهه ابــن ظــاهــر زايــره
لــونــســانــي حـسـيــن راح ايـذكــره
❀......❀......❀......❀......❀?
#الشكرلله خادم الزهراء ع ملا علي
#نسالكم_الدعاء ✍
❀......❀......❀......❀......❀
🕊🎶🖤🎶🕊
BY ديوان قصائد محرم وصفر 2
Share with your friend now:
tgoop.com/k20k20k1k8k/20616