tgoop.com/kEc5VGVP81k2Nzgy/10944
Last Update:
قصيدة مولود🌷موشح🌷
بمناسبة ولادة الصديقه الطاهره فاطمه الزهراء ع
🌷🌷🌷🌷
اليله مولوده الزجيه اليلــــــــــــــــه
بهالولاده المصطفى انهنيلــــــــــــــه
انهني طه بهالمســــــــه
بفاطمه خير النســــــــه
وللنبي ياحرنه وشنهديلـــــــــــــــــه
🌷🌷🌷
اليله ابو الزهره الزجيه مبتشــــــــر
نور فاطم بالسمه شع وزهــــــــــــر
وبيهه فرحانه وعلي كل البشــــــــر
الدنيا بيهه امشمســــه
بفاطمه خير النســــــه
والورد للزهره خل انشيلــــــــــــــــه
🌷🌷🌷
للزجيه كلنه خنشيل الـــــــــــــورود
اليوم طاريهه مله كل الوجــــــــــود
مو وفد لم حسن خل نطلع وفـــــود
فاح عطر النرجســـــه
بفاطمه خير النســـــه
ويلا ياروحي العطرهه احجيلــــــه
🌷🌷🌷
شرد اوصف بيهه يحتار الكـــــــلام
اليوم بيهه مكتمل بدر التمــــــــــام
فاطمه اتنور ادروب الضــــــــــــلام
والخلك امتونســــــــه
بفاطمه خير النســــــه
والنشيد اترتله بترتيلـــــــــــــــــــــه
🌷🌷🌷
مااوصفهه يناس اشما اكـــــــــــــول
والله ايحير الكلام ويه البتـــــــــول
هايه من الله هدية للرســــــــــــــول
كلهه صارت مدرســـه
ابفاطمه خير النســــه
ومن يمر طرواها انحيلــــــــــــــــــه
🌷🌷🌷
منهه متعلمين ادروس الوفـــــــــــاء
كلهه حب وعاطفه وطيب ونقــــــاء
تكضي الحاجات متخيب الرجـــــــاء
ماتضل امعوكســــــه
بفاطمه خير النســــه
وكلمن امراده ابعجل تكضيلــــــــــه
🌷🌷🌷
بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات
https://www.tgoop.com/kEc5VGVP81k2Nzgy
حكي افتخر وبزود وتباها ياناس
بالمحشر يكولون خادمة عبـــاس
BY قناة الشاعره ام عراق الشمري
Share with your friend now:
tgoop.com/kEc5VGVP81k2Nzgy/10944