tgoop.com/kEc5VGVP81k2Nzgy/11255
Last Update:
حصريا
قصيده لفقد الاحبه
حال لسان الفاقد،،،، عن قدوم العام الجديد
(وزن النصاري)
〰️〰️〰️〰️〰️〰️〰️〰️〰️
المن انتضر سنة الجديــــــــــــــده
احبابي وسكنو اديار البعيـــــــــده
بعد المن اتـــاني
وفرح يازمانــــي
راحت ذيج ايامي السعيـــــــــــده
المن انتضر سنة الجديـــــــــــــــده
〰️〰️〰️〰️〰️〰️〰️〰️〰️
بعد المن اناطر جية العـــــــــــــــام
وراحت ويه اهلنه ذيج الايـــــــــام
دفنت اویاهم انه کل الاحــــــــــلام
ياذيج اليالــــــــــــي
ادفنتهه ويه الغوالي
وانه من الحزن صاير ونيـــــــــده
المن انتضر سنة الجديـــــــــــــــده
〰️〰️〰️〰️〰️〰️〰️〰️〰️
انه من الحزن ماجور كلبــــــــــــي
واعله ادروبهم اعیوني تربـــــــــي
هاياعين دم ودموع صبــــــــــــــي
ابجي اعله البعيدين
الوياهم تعيديــــــــن
ورايح منج الشوفج يريــــــــــــده
المن انتضر سنة الجديـــــــــــــــده
〰️〰️〰️〰️〰️〰️〰️〰️〰️
انه من الاحبه فاكده اهــــــــــــواي
الجانو كل سنه يعيدون ويــــــــاي
بلسم عالجرح شوفتهـــــــــم ادواي
همه التچوه والحيـل
وهمه واهس اليـــــل
مشو عافوني ابحالة شديـــــــــده
المن انتضر سنة الجديـــــــــــــــده
〰️〰️〰️〰️〰️〰️〰️〰️〰️
راحو واتركوني ابثوب الاحـــــزان
وتركولي صور ابكل الامجـــــــــان
هنا يمي كعد افلان وفــــــــــــــلان
وين الكعدو احذاي
وين الفرضو الراي
اجروح البالكلب کلش مچيــــــــده
المن انتضر سنة الجديـــــــــــــــده
〰️〰️〰️〰️〰️〰️〰️〰️〰️
اجروح البالكلب كلش غميجــــــات
ومايشفن بعد للموت هيهـــــــــــات
اله احبابي ترجع كون بالــــــــــذات
يرجعولي الاودهــم
واكعد ابمحلهـــــــم
وبیهم والكلب يكتمل عيــــــــــــده
المن انتضر سنة الجديـــــــــــــــده
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات
https://www.tgoop.com/kEc5VGVP81k2Nzgy
حكي افتخر وبزود وتباها ياناس
بالمحشر يكولون خادمة عبـــاس
BY قناة الشاعره ام عراق الشمري
Share with your friend now:
tgoop.com/kEc5VGVP81k2Nzgy/11255