tgoop.com/kEc5VGVP81k2Nzgy/11269
Last Update:
حصريا للاحباب
لفاقدين الاحبه لقدوم (لسنه الجديده)
(وزن النصاري)
〰️〰️〰️〰️〰️〰️〰️〰️〰️
اجاني العام وانه بثوب الاحــــــزان
طلع اشضام حدرك ها يتربــــــــــان
وين العاشرونـــي
اريدنهم يجونــــي
تره من يومهم مايوم فرحــــــــــــان
اجاني العام وانه بثوب الاحـــــــزان
〰️〰️〰️〰️〰️〰️〰️〰️〰️
ثجيل افراكهم بين بالعيــــــــــــــون
ويوميه وكلت باجر يعـــــــــــــودون
ويايه اريدنهم يعيــــــــــــــــــــــدون
وافرح بالسنه هـــاي
وانسه اهموم دنياي
وحته ثوب هدمي اعليه ثكـــــــــلان
اجاني العام وانه بثوب الاحـــــــزان
〰️〰️〰️〰️〰️〰️〰️〰️〰️
من نفرح سويه كون باجـــــــــــــــر
احبابي الي يطيبون الخواطــــــــــر
بيهم خلي تفرح هالنواضــــــــــــــــر
اكحل بيهم العيـــن
لو جوني البعيدين
مو هسه بجفاهم شوفي عميـــــــان
اجاني العام وانه بثوب الاحـــــــزان
〰️〰️〰️〰️〰️〰️〰️〰️〰️
عموني احباب كلبي الشالو ابعيــــد
ونار افراكهم ماتنطفي اتزيــــــــــــد
جرحهم بیه کلش صایر امچیــــــــد
جرحهم بالكلب ضـال
وعافو بيه الثكـــــــال
ويتراولي حسهم وين ماجــــــــــان
اجاني العام وانه بثوب الاحـــــــزان
〰️〰️〰️〰️〰️〰️〰️〰️〰️
اه ياعام لتهيج المواجــــــــــــــــــع
وانه من الحزن صایر مواضـــــــــع
كضينه اعمارنه ابنوح ومدامــــــــع
انه امخلصه الايـــــام
بالونــــــــــــه والالام
ودمعي اعله الوجن تاركلي نيشـــان
اجاني العام وانه بثوب الاحـــــــزان
〰️〰️〰️〰️〰️〰️〰️〰️〰️
كون اليفرح احبابه واهله اويــــــاه
موش ابعيده وبروحه الــــــــــف اه
والدمعه اتلالي ابطرف عينـــــــــــاه
يكت اعليهم ادمــــوع
العاشو حدر الضـــلوع
بغفله راحو السكنو الوجـــــــــــــدان
اجاني العام وانه بثوب الاحـــــــزان
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات
https://www.tgoop.com/kEc5VGVP81k2Nzgy
حكي افتخر وبزود وتباها ياناس
بالمحشر يكولون خادمة عبـــاس
BY قناة الشاعره ام عراق الشمري
Share with your friend now:
tgoop.com/kEc5VGVP81k2Nzgy/11269