tgoop.com/karar9497/3430
Last Update:
#محرم_ليلة_علي_الأكبر
الليله ليله من الألم ... رد الأكبر للخيم
ابطوله دمه اتشوفه أمه
رد الأكبر للخيم
،،،،،،،،،،،،،،،،،،،،،،،،،،،،،،،،
حسين جابه والدمه اعله عيونه نازل
وهاي أول مره ضهر حسين مايل
جايبه ودم هامته الجدامه واصل
ابنه الأكبر لو سمه اعله متونه شايل
ابحسره عمته اتلگته ... تمسح ابدم رگبته
تصيح صدمه اتشوفه أمه
رد الأكبر للخيم
،،،،،،،،،،،،،،،،،،،،،،،،،،،،،،،،
طلعت من الخيمه تركض ام الاكبر
وضلت ابجرح الولد دمعتها تعثر
اتصيح شمسوين ببني الله وأكبر
وليدي ترفه ارسومه ماتتحمل الحر
تشمه وتحس بالضمه ... تروه من فيض الدمه
اتريد تعمه اتشوفه أمه
رد الأكبر للخيم
،،،،،،،،،،،،،،،،،،،،،،،،،،،،،،،،
ليلى مكسوره وتگلهم باگو الحيل
انه اربي وتالي تاخض تعبي الخيل
تنذبح شمس الله وحنه بأخر اليل
ابأل هاشم كربله انترست مجاتيل
ارباي رايح والتعب ... كلشي بالخيمه انهب
الخيمه ضلمه اتشوفه أمه
رد الأكبر للخيم
،،،،،،،،،،،،،،،،،،،،،،،،،،،،،،،،
حسين گل الزينب اوصيج ابوصيه
خويه كون انضم الاكبر عن رقيه
خوفي من تشوف اخوها بهل رزيه
تشهگ من الصدمه وتموت اعله اديه
غطو الاكبر بالدمع ... لا تلزمو ينوجع
ولا تلجمه اتشوفه أمه
رد الأكبر للخيم
،،،،،،،،،،،،،،،،،،،،،،،،،،،،،،،،،،
راح الأكبر والمخيم ضلمه صاير
حسين اول مره يبقه الوحده حاير
جن ثواب اموزع ابنه اعله العساكر
وشبع من بزريته ماعدها الحوافر
حاير ودمعه يهلي ... هضمه ومفارع علي
ابگلبه جلمه اتشوفه أمه
رد الأكبر للخيم
العبد ابوفايز
www.tgoop.com/karar9497
BY الرادود الحسيني سيد كرار الحسني
Share with your friend now:
tgoop.com/karar9497/3430