tgoop.com/kararalmohmdawy/547
Last Update:
صلى الله اعلى الاكبر لن محمد بيه
وﻷن بيه الفضائل كثره ما تنعد
قبس من نور طه استخلصه المعبود
وسواه علي الأكبر صوره من أحمد
صوره تجسدت من ذات أحمد نور
وهيبة داحي خيبر بيها تتجسد
جمال البيه لا هو بملك لا هو بناس
النور بكل صفه عالنور من ينعد
لو مرها العطش تذبل ورورد الگاع
ومحياه يختلف وكت العطش ورد
تحله شما عطش واضل وسيعة العين
ويضل ذاك الرمش والخد هذاك الخد
غبار الحومة ما غيب جمال البيه
عله لحيته نزل بس الجمال اشتد
المرود شغله هذا يحط كحل للعين
بس عيونه بيها اتكحل المرود
عاجز يا شعر لملم حروفك بيه
شما تجدد انته اعليك يجدد
امحير وحيك و كاسر مجاز القول
قليلة حروفك انته وهو لونه اشكد
يوسف دخل مجلس نسوه صفنن بيه
ولو طب بيه الاكبر ينكلب معبد
صورلي خيالي الأكبر من ايحج
عن الكعبه اضنه اشويه يتبعد
ﻷن لو لمس جفه الحجر الأسود جان
ابيض لونه يندار الحجر الأسود
عشكتك يلصرت معشوك ابوك حسين
عشكتك عشك واله ما يشوف احد
يا نشعة الغيره ولذت اليوفون
ويطعم المرجله المن الشهد أشهد
يا كشخه حسين وهدت العباس
يضيج الكون بيه الكابلاك بحد
ضربتك كالفقار بحذر منها الكون
من تلوح الارض حيل الأرض ينهد
تشهد كربلا شافت جماجم جيش
متعلكه بسيفك تشبه المكلد
مشهد فرحه بين من برزت اهناك
وشفنا اعيون ابوك العكسن المشهد
BY الشاعر الحسيني كرار المحمداوي
Share with your friend now:
tgoop.com/kararalmohmdawy/547