tgoop.com/kararalmohmdawy/561
Last Update:
يم النهر رف يا علم وارسم امان اعله الخيم
لا نعطش و ننسه النهر خلينه نتنفس شيم
يالعالي بجفوف الگمر وحسين الك دار النظر
لو شافك شويه ملت مال من ابو اليمة الظهر
بخيمة عطاشى اجم گلب يرد عمه بالجود انتظر
صار الظهر عن جيته ياهو اليبشرنه بخبر
لا يا علم لا تنحجب نريد الهوه المنك يهب
تبعد تعطّش عايلة ومن شوفتك نشرب عذب
يا علمنه اليوازن حربنه يا هوانه ويماي بگلبنه
نبقه بالدنيا بعدك ضمايه بالضمه نعيش وإن ماي شربنه
...........
أمّن يجيبك للخدر أمّن على المضطر يمر
وترجع على الخدّر ضوه تدعيلك اخيامي شكثر
يمجمل الوان السمه هيبة مضرنه وهاشمه
من فاطمة وحيدر علي بضلك مشت جم فاطمة
صرت شحلاك بيمنته عباس اخوي وطلته
عباسي يا وجه الصبح أمّن ضعنه بشيمته
جفني يعاين ما رمش و ناشدتك وگلبي ارتعش
رد خل يرد ماي الوجه وخل ما يجي ماي العطش
نصبر اعله العطش وانته سالم من رفيفك نشم النسايم
بيرغ اهلي ويضل عالي زودك شأغله منك ترف عالهواشم
........
رف خل اگولن كافلي واسمع جواب ادللي
يالتحله بجفوفه اشكثر حاجيني يا بيرغ هلي
ضعن الهواشم ما حله الا وابو فاضل اله
گدامه يمشي برايته امحلي الضعن وامدللـه
خل ضعني هيبة اعله الأرض ما مختلف مثل أوله
خلها اعله بالك لو طحت تكسر عشيرة بكربله
كونك خذاك العلگمي تهدم عليه امخيمي
لا لا تگلي اعله النهر طاح الوجود الهاشمي
حسين اخوي انحنى ضهره وانحل ردله طوله عدل مثل الاول
ردنه عباس يرد للمخيم مو على الماي على ايمينه نسأل
...........
حسيّنه مو نفسه الهوا انا وابو الأكبر سوا
شفته انخطف لونه وگلت ها خويه ما شفته اللوه
ها خويه المن دمعتك ها خويه طاحت رايتك
ما ضل بعد عندك اخو يا ضيعتي ويا كسرتك
هالساعة كل هاشم طفت يحسين حانت غربتك
وحدك بگيت بكربله صرت انه اقدم مهرتك
حيلك يبو الأكبر ركد لا ضل اخو لا ضل ولد
خلص حجينه اعله النهر ضاعت بني هاشم بعد
يا غربتك يخويه وبلوتك ساحة الطف خلت من اخوتك
من أسمعت يا اخي أدرك عضيدك خويه عباس صحت بأعله صوتك
.........
لخيل العدو گرب صهل وأيسنه ابو فاضل يهل
احتوشوا علينه بكل كتر يا عازتك يا با الفضل
كثرت على حسين العده ضل ضهره خالي لوحده
اليسره اعله خاصرته ومشه وباليمنه شال امهنده
هد وكسر گلب العدو حاله اعله وادم ما سده
توجع فزعته المنهظم حيله الهظيمه تفرهده
يمه انتخه بمدمع ندي هناه يالعفتني لوحدي
صاح وبجه اعليه الحجر مو هسه يا بن والدي
هاي يخويه عضيدك ترتكته الدنيه كلها تروح الا انته
يا عزم حيلي يالبيك اسولف يم عدو ظهر أخيّك كسرته
BY الشاعر الحسيني كرار المحمداوي
Share with your friend now:
tgoop.com/kararalmohmdawy/561