tgoop.com/kararalmohmdawy/567
Last Update:
في امان الله أخيه يا زينب
رحتي واليمشون مو هلج ذوله
تكفليتي ضعون جنتي مكفوله
رحتي خويه شلون بهزله محموله
ودعتج الله اعله الهزل تشتت يبنت امي الشمل
جفج فگد جف كافلج وما لايگ اعليه الحبل
بحماج
هالعليه كلها يا كل أهلها وعين الكفلها
بحماج
الفگدوا خيمهم صيري انتي امهم وحضن اليلمهم
..........
ضعنج وي اجناب عگب ابو الغيرة
وملگى ناس اطياب ما لگه بديرة
وده بيج جاب دهرج بحيرة
يا جرح اخوج البالگلب هاظمني تبرالج غرب
روحين بينه تفارگن لمن اخذ ضعنج درب
وياج
يمشي بخطوتج دلال اخوتج يبجي لنخوتج
وياج
راحن خواتي يختي وبناتي أسره بجفاتي
..........
ليا بلد ترحين خويه عالناگة
الحر تطفي العين دمعة افراگه
وعالهزل تبجين ليه مشتاگة
يا ريحة امي بيا صبر لفراگي تبجين شكثر
يالناگتج مرت علي تردين الي راح انتظر
بالروح
أشتم عذابج وحسرة غيابج بلوعة مصابج
بالروح
الضعن التسلب وجم جمرة تلهب ضلت يزينب
.............
من عگب عباس ضعنج تغرب
هسه عد يا ناس صرتي يا زينب
شوفي يمج راس عالرمح شيب
وي خطوتج جرح بجرح يماشيج راسي المنذبح
وحالج يخيتي اعله الهزل شيبني وانه اعله الرمح
برماح
وياج اجينه بسبيج مشينه ها يالحنينة
برماح
احنه ونطوفج نمشي ونشوفج لا ما نعوفج
BY الشاعر الحسيني كرار المحمداوي
Share with your friend now:
tgoop.com/kararalmohmdawy/567