tgoop.com/kararalmohmdawy/586
Create:
Last Update:
Last Update:
يالبيدك سما وجروح
ادور يمك اعله الوين
وينك لفظ ما مسموح
اجيك بشوفة المحصود
والگاني خضار الشوگ بيه يفوح
يباقي والزمان يروح
مر بكبتك اجم ماي
عاري وجم نهر مذبوح
يسر وما رضينه نبوح
يفوگ من العرش واللوح
جا عاف السفينة وجاك
لو مريت من يم نوح
يامن من محمد روح
من اهد دمك ضمير الگاع
ضل بكل اذان ينوح
من اهد دمك ضمير الناس
صوته شما طلع مبحوح
يضامي بس ضمه النهران
رايد من رضابك روح
اسكيني عطشت اهواي
دمعة بس عليك تفوح
.......
كرار المحمداوي
BY الشاعر الحسيني كرار المحمداوي
Share with your friend now:
tgoop.com/kararalmohmdawy/586