tgoop.com/kasalaaa/6306
Last Update:
#في_حضرة_المساء... 💚
_صوتِك مالو تعبان كدا؟
=لا ماف شي اهو انا كويسة
_ي ستي انا عارف إذا كويسة أو لا في شنو انا بسألِك؟
=زهجانة شوية، مخنوقة، قرفانه، ويمكن حاسة بالوحده، تعبت من كل حاجة، عاين ممكن تقفل شوية عايزة ابكي
_بتحلوي جداً وإنتي مُكشرة حواجبك وعيونك مدمعة
=اسكت مني ياخ
_طب ح اسكت بس قلبي ح يتكلم تحبي تسمعي؟
مش قبل كدا قلت ليك شخصية الضُعف والإنكسار م مناسبة معاك ابداً، إنتي القوة والعزيمة والتحمُل شبهك يستهم، اقعي مرة وإتنين وتلاتة وانا بسندك ومعاك خطوة بخطوة"
عايزك تكوني طفلة قدامي وتحكي لي كُل التفاصيل البِتخصك انا عايز اكون طيفِك❤️))
=لحظة سيبني ابكي شوية بعدين كمل
_هبلة، إنتي بتجيبي كُل الدموع دي من وين ياخ لو عندك خزان الأحزان كان خلص😂❤️
_مشغلتك
_هو انا عندي شغلة غيرك! وبعديييين دا منو المزعل امجضوم دي م استخار ابداً دي جضوم بزعلوها'
خلاص سمعينا حاجة للحوت مع نبرة الحزن دي ح تكون حاجة درررعة😂❤️.
=انا عاملة فيها زعلانة فما تقوم تضحكني وتبوظ لي برستيج الزعلة
_الله يخليني ليك غايتو بختك سمح وضحاك وصوتي حلو ياخ دي عين جاهزة، وبعدين إنتي قولي إشتقتي لي بس م تجيبي مُبررات😂❤️
_امشي إتعالج هو انت لاقي قمر وعايز تطبل لنفسك😂
_ارح نبدأ من جديد
=اها ارح عادتك المُعتادة
_صوتك دا مالو تعبان كدا؟
=إشتقت ليك😂❤️
_اووفف اوفف عارف عارف
( أجيك بي قُدرتي الباقية حُطام إنسان موسم بي شقا الدُنيا ومقسم قلبو بالأحزان)!
_كويسة إنتي
_انا كويسة بيك❤️"
بحِبك يا ستهم"
حتنا❤️🌍.
في آخر الحِوار اللطِيف وعلى هامِش الونسة بقول❤️"
"اشِيل حُزنك تشيِل حُزني"
تَهزمك الدُنيا وأقابلك أنا واديك كتفي تبكي عليهُ وأبكي معاك))❤️🌍.
#Hi mâà
BY خربشات كسلاوية
Share with your friend now:
tgoop.com/kasalaaa/6306