tgoop.com/kelhor1/216
Last Update:
دا(داڵگ) ؛ نۊسریاێگ لە کاکه جەواد ڕەحیمی ✍
یادی وەخەیر...
مناڵ بۊم و چەتۊن، داڵگم سناوم دا،
کاشی کاشی ئاو ڕشانە ملما و خوەی کردە نەزرم. منیش هە شڵپلی شڵپانم بۊ.
یەی جار داڵگم ڕۊ کرد ئەو ئاسمان و وەت:
- ئه‌رێ خودا کەی بوو کوڕەم گەورا بوود و ئەو چۊنە باڵا بڕواکنێ ک لە ژێرا بنووڕمە پێ!
ئێ ئارزووە تەنیا وە قیمەت چەرمێ بۊن گیس داڵگم هاتە دی.
چ ئارزوو ئەڵاجەۊێ!!!
لە دنیای مناڵی گاجار وەل هاولف و هاو کڵاسەیلما کە هەڵگیزیایم لە یەک، داڵگم وەت:
ڕووڵە نان ساڵێ وەل ساڵێگا خوەنەی، ئێرنگە هاوڕزارین، سوو هەر کام کەفین ئەو پەڕ شارێ... .
روژێگ وەتم:
دا(داڵگە)، فرە قینم لە فڵانی تێ، خوەشم لە نسرێ نیەتێ .....
وڵامم دا : ئڕا ڕووڵە!؟ ڕووڵە لێوا نەۊش! لە خودا گۊژ تێ، مەگەر ئەۊیش خودا خەڵکێ نەکردێیە؟!
- دا، ئاخە نیەزانی چەنێ بی ئەقڵە و له مەدرەسە چوە وەت، گشت مناڵەیل وە پێ خەنسن....!!.
- قەێ چوەس ڕووڵە، ئەۊش ئەقڵێ ئەوە بڕییە!،
چمان ئاو کردیدە مل ئاگرا، یەی دنیا پەشێمانی و هەست تاوانباری نیشتە گیانم!
تێدە هۊرم دەم ئێوارانێ کەمووتەرێ نیشتۊدە بان پەل دارێگەو، لە ژێرا کوچگێ خسم ئەو پێ، باڵ گرت و چێ!.
داڵگم وەت :
ڕووڵە چوەد بۊ لە ئەو بەسە زوانە!؟ لێزێ شێوانی! ئەوەیشە گیانێ دێرێ، لە خودا گۊژ تێ!، گاهەس هەرواێ مردگێ بوود لە جلۊس کەمووتەرێ!،
باز هەم دنیای لە پەشێمانی و ... .
هێمان ئەگەر نفرەتێ، خەیاڵێ کە ڕەنجانن و ئازار یەکێ لە ناوێ بوو، تێدە دڵما، یەکێ لە قووڕن دڵمەو هەر وە دەنگە دڵگرەگەی داڵگم ئۊشێ: ڕووڵە لە خودا گۊژ تێ!
کفر ئەگەر نەکردۊم، لە ئەو دەرساتە فرەتر خوەم لە دەرگای داڵگم دۊنم تا خودا!
داڵگەیل فرشتەیل ئاسمانن لە بان زەۊ، تۊەم ئەوین و لە گونای یەک ویەردن و دڵسووزی و مێهرەبانی وەشنن!.
خوەزگەو گشت وڵاتەیل دنیا بۊاتان وە یەی وڵات و دایە پیرەی دنیا بۊاتاد وە ڕێبەر و وڵاتدار، دایە پیرە وە ئەو هەست دڵسووزی داڵگییەوە دنیا بگەرداناتا و گشت خەڵکانیش جوور کوڕ و دۊەت خوەی لە فەرمانێ بۊاتان!
دڵنیام شەڕ و مەرافەی لە دنیا نەمەن!، دڵنیام هیچ مناڵێ وە زگ ورسێ سەر ئەو نەنا...
دڵنیام دنیا گوڵ و گوڵاڕا بۊ...
داڵگ چۊن خاکە ئڕا دار، چۊن ئاوە ئڕا گوڵ، چۊن تان خوەرە ئڕا تەرز تازەی بووسان...
هەناس داڵگ ئڕا خەلیەزار دڵ، شنەی شەماڵێگە کە هەزار خەروشانەی شادی خەیدەو ڕێ.
هیچ بوو خوەشێ لە بەهەیشت خودایش نییە ئەگەر بوو هەۊرات هەناس داڵگ خود ئایەم لە تێ نەو!
کاخێ لە بەهەیشت و باخ سێف و دار هەنار و جوو هەسەڵ ، ئەگەریش ڕاس بوو فرە خەنێدارە، ئەگەر ئایەم لە تێ بوود و داڵگێ لە شانێ
نەنۊشتۊد!
دڵنیام لە خودا گۊژ تێد!
تەێران ۹۷/۰۸/۲٤
چەن ڕووژە وە بوونەی هاتن داڵگمەو دنیام وەهارییە
شلوغ،شیطون،بازیگوش👈چەتۊن
حمام ام داد👈سناوم دا
کاسه👈کاشی
قربان صدقه ام می رفت👈خوەێ کردە نەزرم
صدای آب بازی👈شڵپلی شڵپان
چنان قد بکشد👈چۊنە باڵا بڕواکنێ
سفید👈چەرمێ
محقق شد👈هاتە دی،بی،بۊ،کریا
عجیب👈ئەڵاجەۊ
هم سن و سال👈هاولف
با هم درگیر می شدیم👈هەڵگیزیایم لە یەک
هم قطار،دوست👈هاوڕزار
از فلانی بدم می آید👈قینم لە فڵانی تێ
قیافه👈نسر
پاسخم داد👈پاسخم داد
خداوند را خوش نمی آید👈لە خودا گۊژ تێ
احساس👈هەست
شاید👈گاهەس،هاتێ
روح مرده ای👈هەرواێ مردگێ
لباس👈جلۊس
عمق،قعر👈قوڕن
صدای دلنشین مادرم👈دەنگە دڵگرەگەی داڵگم
لحظه👈دەرسات
بذر عشق👈تۊەم ئەوین
از گناه هم گذشتن👈له گونای یەک ویەردن
گرما👈تان،تیه‌ن
سر شاخه تازه سیفیجات👈تەرز
گندمزار(مزرعه گندم یا جو)👈خەلیەزار
رقص گندمزار در معرض باد👈خەرووشانە
بوی معطر👈هەۊرات
کانالهای:
تاریخ فراموش شدەی ملت کورد
یادگیری گویش کرمانجی
یادگیری گویش سورانی
یادگیری گویش کلهری
یادگیری گویش هورامی
یادگیری گویش لکی
و برترین موزیکهای جهان
🔜 @mejukurd
🔜 @kurmanc1
🔜 @surani1
🔜 @kelhor1
🔜 @hewram1
🔜 @leki1
🔜 @musics_cat
BY فێربۊین زاراوەی کەڵهۆڕی
Share with your friend now:
tgoop.com/kelhor1/216