tgoop.com/khaledalbderi/3915
Last Update:
حتى الــهوه إيــدور هوه
هجرك جرح عاف الدوه
وليل وضوه مضيع ضوه
•••••••••••••••••••••
ضاااايع ضوه بوجه السمه بدر التمام مسافر
وجهه اصفر وكلش ذبل الليل يكســــر خاطر
والجمعه تنشد بالدمع ليش الحنــين ايهاجر
يا مُحيي الجمعه • عايفنه شبسرعه • سولفنه بالدمعه •
هلبت يجيبك باجر
و كلمت ( حبيبي ) اتنطرت
اعليـــــك ابدمع من دورت
و من ما گلتهاااا اتغيرت
حتى الهوه إيدور هوه
••••••••••••••••••••••••••••••••••••••••
لهساعه نسمعهن ووووطن تركن اثر كلماتك
وياخذنه ويرووح العشگ من نصفن ابشيـباتك
وچي لله چانت نييتك چنـهن ضوه احچاياتك
الله يقدسيتك • الله يـ روحيتك • احاااه يـ حنيتك
واشگد حچي ابخطواتك
ومن اليتامه اتعنـــتك
مديت اديك وسفـرتك
الكوفه ابكبــرها تانتك
حتى الهوه إيدور هوه
•••••••••••••••••••••••••••••••
بوجه الظلم واگف رمح وللــفقره فاتــح بابك
بوجه اليــحبونك جرح احااا يطول اغيابك
شيتنفس الفارگ ( صدر ) ؟؟ هاگد ثگيل صوابك
معيشنه بنفاسك •مربينه بحساسك • ياسيد وراسك •
چنهم يتامه أحبابك
عايفنه يااا لون الصبح
ياااا شدت احزام الفلح
صرنه جرح شابگ جرح
حتى الهوه إيدور هوه
•••••••••••••••••••••••••••••
شما تطلع وترحل شمس ادموع الحزن مذروفه
وهوه اليحس فاگد ابووو وين الأمان ايشوفه
هجرك كسر گلب الوكت وصارت يتيمه الكوفه
ليصاحب الفقره •يحبونه ع الفطره • ماينحمل هجره •
كلفه الحنين ايهاجر
ضلينه ننشد بالجــمع
وگلب اليتانون انشلع
احاااه يطيفك مارجع
حتى الهوه إيدور هوه
••••••••••••••••••••••••••
( أِشعُر حبيبي ) اشگد گلت نشعر خسرنه انفاسك
هجرك يبو مؤمل كلف ماخذ حللللم من ناسك
عازتنه بخـــلافك وطن وعازتنه طيييب احساسك
ابهيده نبچيلك • بالحسرة نحچيلك • بالدمعه ندعيلك
لو جف غدرهم جاسك
BY الخادم خالد عبد السادة البديري
Share with your friend now:
tgoop.com/khaledalbderi/3915