tgoop.com/khaledalbderi/3954
Last Update:
واويلاه يا المصطفى
*************
انــــك لـ عـلى خَـــلــقٌ عَظيــم
أن من عاداك شـيـــطاناً رَجيّــم
رحمة اسمك نازله من رب رحيم
الگاع هاي برحمتك ترويها
واويلاه يالمصطفى
***************
يا ابا الزهـراء يمرخــص التـعب
ما أوذيَّ مثلك نبي يـا للعـــجـب
حجار گلب الناس ميقدر الذهب
شاعر يگولون الك تاليها
واويلاه يا المصطفى
************
تهجر ايـگـول وخِـسـأ كلمن يگوُل
وانت تنطق عن وحي يشرف رسول
ناس اسمها اصحاب بس منك تنول
الجبت والطاغوت عشعش بيها
واويلاه يا المصطفى
***********
ومن بعد ما بالسَمْ انفاسك گضت
لباب فاطم بالحطب وادم اجــت
احرقو الدار ابعلو صوت انحـچت
حتى لو فاطمه جانت بيها
واويلاه يا المصطفى
************
و بلغ لَـــمَن الـــك گـــال الـعلي
من الـ اقتاب وصغت منــبر عَليّ
من كنـــــــت مولاهُ مولاه علي
الگال بخاً يدري من راعيها
واويلاه يا المصطفى
************
الحمد لله
خالد عبد السادة البديري
BY الخادم خالد عبد السادة البديري
Share with your friend now:
tgoop.com/khaledalbderi/3954