tgoop.com/khaledalbderi/3970
Last Update:
سر الاسرار .. كانت زينب
شرف الجبار .. كانت زينب
**
الجــليلة العالمه التفهم ..
لريج حسين اهي زمزم
و رغم ماهـــــيه تتألم
بس عاشت دنيتها حسين
غيمه من الوفه چانت
الحديد يليين ما لانت
زينب وشــــكثر عانت
وگالت فدوه لسم حسين
نور الانوار .. ا تجلت زينب
سر الاسرار .. كانت زينب
* ***
مثل وكفت علي بخيبر
الشاااام اگبالها اتعثر
قلعت كل حصون الشر
الزود البيها من العبااااس
جانــت ع الـــــهزل آيــه
لراس حسين اهي مرايه
و كل ما گالت حچايه
تدير العين عله العباااااس
ام للـ العباس .. چانت زينب
سر الاسرار .. كانت زينب
***
جبل من صعدت عله التل
نبي من ركبـــت الــــــهزل
نفــــسها ايااااات يــــترتل
أترآئت صـــورة لداحي البـاب
و لزمت كل ثنايا الطف
مثل ما تلزم المصحف
وعلي من الشرف اشرف
زينـــــــب هيبة داحي الباب
ثأراً للثار .. صارت زينب
سر الاسرار .. كانت زينب
***
و اسيره ابـــالهم راحــت
هيج ضنونهم صاااارت
بس من ع القصر غااارت
تحچي الچلمه تطگ ام عون
بسم الزهره تجر خطوتها
من وگفــت گالت جلمتها
امها الزهره شگد حيتها
عفيه ابنيتي عفيه ام عون
وَگفت قران .. وُگفت زينب
سر الاسرار .. كانت زينب
*
اشكثر وجعات جرعتها
ولا قــلت عزيمـــــــتها
حـــلوگ الزلم فركـــتها
اوحــــي اليها تگول الناس
ولا واحد فتح حلگه
الزلم گدامها امـدنگه
مثل ما تيبس الورگه
صارت صفره وجوه الناس
غضبة جبار .. ترآئت زينب
سر الاسرار .. كانت زينب
****
BY الخادم خالد عبد السادة البديري
Share with your friend now:
tgoop.com/khaledalbderi/3970