tgoop.com/khaledalbderi/3975
Last Update:
ابتده مذبح نحرك .. ابتده كسر بضهرك
وبس الله يصبرك
علي مشه
*
١
يحسين انه اختك .. يا ضي عين اختك
رايح حيدر بعد
ايام الجايه .. صعبات هوايه
ماضن منهن أشد
طبرت ابونا وطيحته فسرتلي أحلامي
لو راح ابونا ونفكَده يصير اسمك الضامي
من التله وانضر ركَبتك يذبحوها كدامي
و يا هزله اصعد يادرب شضمتلي أيامي
علي لمن يرحل .. يجيبون الهزل
امشي وما اندل
علي مشه
****
٢
من هاي اللحظه .. للحافر عرضه
احصيره يصير النعش
حضر اوداجك .. رمحك محتاجك
بنحرك طعن اثنعش
من اليوم فاركنا علي وبس احنه ضلينه
وخلينه نذكر كربلا يحسين خلينا
انه اختك ام عون اسمعت باليحصل اعلينه
لجم ديره اعرف ننسبي وجم سوك طبينه
انت يذبحونك .. انوب يسلبونك
حجار يشمرونك
علي مشه
*
٣
انه العلويه .. اطلع مسبيه
وراسك فوك الرمح
وياي تماشيني .. بهيده تحاجيني
زينب صار الذبح
وياي تمشي ونضرتك ما عافت عيوني
و راسك يهز طرف الرمح لمن يشتموني
بحجار راسك ينشمر وانضرله خلوني
ضل راسك ابصفي يكَف لمن يوكفوني
هسه اتيتمنه .. وشام اتشتمنه
محد يرحمنه
علي مشه
***
٤
يرويحت زينب .. مو هاي الأصعب ؟؟؟
العاشر فت الكَلب
حيدر شيعنا .. حيدر غسلنا
وجفنك ذاري الترب
و كل ال هاشم تنجمع وحيدر يدفنونه
لوادي الغري يشيعه الحسن وبدمعت اعيونه
بس جسمك الفوك الرمل منهو اليشيعونه
و متطشر لكثر الطعن وين اليجمعونه
ميت ومسلب .. ميت و امترب
بدمك تتخضب
علي مشه
**
٥
من عظم الطبره .. لعمامه الخضره
حلها السيف وبقت
بس ما سلبوها .. بس ما شمروها
عمامه ابطف انخذت
بس انت ذاك البي نفس وبالحافر اممرد
وانت اول انسان انذبح والنوبه يتفرهد
وبلا عمامه بنينوى فوك الثره امدد
ومن الهواشم مايصح يحسين ماكو احد
هاي شيحملها .. طلابه وشيحلها
زينب ياهو الها
علي مشه
الحمد لله
BY الخادم خالد عبد السادة البديري
Share with your friend now:
tgoop.com/khaledalbderi/3975