tgoop.com/khaledalbderi/3990
Last Update:
انا انا غديري علي علي اميري
****
بَلِغْ لمن قال الرب كل ذو شأن يمك طخ
والما يحب يسمع جان. ونادَهَ بحَسَد بخ ٍ بخ
حتى بمؤاخاة الناس هو النبي ضم من أخ ؟
كتاباً ناطـــق علي
صدوقاً صادق علي
هيام العاشـق علي
عله الخيال اشجابه السايس
بيد علي مصيري
علي علي اميري
:::::::::::::::::::::::::::::::
وي ما نزل جبرائيل وجايب معاااااه شرط الـتم
وبلغ العرب حــيدر صار ارتـــــاح النــبي واتبــــسم
من كنت مولاه ياناس مولاه علىُ ابن الـــعم
من أول هيل اختاره الباري
مِداداً زاخر علي
وطُهرُاً طاهر علي
عذاب الكافر علي
من أول هيل اختاره الباري
غدا علي وزيري
علي علي اميري
:::::::::::::::::::::::::::::::::::
ضــجت حجيــــج وتبليغ عااااجل بيان امنزل
اخطب محمد بالناااااس ولاية علي لكل شي حَل
حيدر صَدر كل ديووووان ومو رابع ايضل أول
امان الضايع علي
بياضٌ ناصع علي
ابد مو رابع علي
و من ابعيد ايدلي التايه
بكل الشدد مجيري
علي علي اميري
::::::::::::::::::::::::::::::::::
وشال ايده(طاها) وحيااااه وجان الوحي رايح جـــاي
الـ وَي علي اوياي ايصير. واليبـــغضه اشــــــعنده وياي
والعنده راي ايعاديه غَمَه الـتغمه لـــهالراي
قيام الـــقائم علي
رحوماً صـارم علي
وقوراً حازم علي
يطبهم طوب الما فرحوله
بيها ابتدي واخيري
علي علي اميري
::::::::::::::::::::::::::::::::::::::::::::
و عدنا الطفل توه يگوم وكلمة " علي" انعجنت بي
وحتى الطفل يصبح شيخ عن حيدر احنه انحاچي
نعلمه اشتري البي بو حسين المابي علي مانشريه
خبز للفقره علي
وكفوء للزهره. علي
بختنا اشكبره علي
وصرنه عليه نموت ونعدل
روحي بهِ استجيري
علي علي اميري
#عيد_الغدير_عطلة_عراقية
BY الخادم خالد عبد السادة البديري
Share with your friend now:
tgoop.com/khaledalbderi/3990