tgoop.com/khaledalbderi/4006
Last Update:
تفارگنيّ انفاسي • شجم مره اموت من القهر واتذكر الشام
وشيبات البراسي • ركضت رقيه بالدمع ما بين الخيام
اجروحي بحساسي • عايش واموت لكربلا وگليبي محتام
•••••
ماينحمل مصابي •• ولا ينجرع عذابي
وبروحي حسرات
ع المنذبح وليها • واتجتفن اديها
بعيوني دمعات
بسامره اعيش وي الدمع وگليبي مشلوع
واتفكر ابدرب السبي واحنيها الضلوع
وبكل يوم ازورن كربلا وسالفتي الدموع
مصابي •• عذابي •• من الطفوف
الهادي ودمع عيني •• واجروحي نسوان ابسبي ومذبوحه الـ زلام
•••
والعايـــش ابغربته •• كُبر الزمن حسرته
ابكل مسه ينوح
والماتجف دمعته •• يعني سبيه عمته
وعاشرها اجروووح
المن احير ليا جـــرح وأهمــلها العيون ؟؟
شتذكر الراس ابرمح لو سوط المتون ؟؟
خياله عشره عله الصدر گااااامو يسحگون !!
دمعتي • وحسرتي • عشتهن
عشت العمر عااشر •• والله لدمعتي وحسرتي متحزم احزام
•••••••
طف كربلا عله بالي •• مافارگت خيالي
مثل الهوه وياي
تتراوه الي الوديعه •• من تعاتب الشريعه
لو اشرب الماي
محترگه اشوفنها الخيم وابروحيّ النار
روح الله طاحت ع الأرض وشمروها بحجار
احااا يـ عملت كربلا اشـ خلتلي تِـذكار
الـ محاچي ••• بواچي •• گلتهن
وســالفتي دمعاتي • جدي وگع فوگ الارض وتغطه بسهام
•••••••••••••
ليل اليمر اسهره •• طيف النهر انطره
حتى اسهر وياه
طايح گمر اشوفه •• فوگ الجرف جفوفه
بش شابگ الواه
كل ليلة اموت من القهر واحچي ويالطيوف
و طايح گمر فوگ النهر و شابگته الجروف
بحلامي اشوفن فاطمة وتشتم بـ الجفوف
تشمهن •• تضمهن • لضلعها
عاشر جرح اني •• و اني الامام العاشر وجرحتني اليام
•••••••
الينتظر مماته •• لازم جرح حياته
ومتعذب اهواي
اليبچي كل مسيه •• عايش جرح رقيه
من تبچي بهداي
الـ ايامه صارت كربلا لعينه البچي ايلوگ
لشااااام أخذوها الحرم وافترن ابـ سوگ
العماته راحن للسبي يضل يكره النوگ
سبيات •• غريبات •• حسافه
راحن سبي ويلي •• وروس اعتلت فوگ الرمح سألوها ظلام
•••••••••••••••••••
BY الخادم خالد عبد السادة البديري
Share with your friend now:
tgoop.com/khaledalbderi/4006