tgoop.com/kinexebebe/8772
Create:
Last Update:
Last Update:
የፀሎቴ አላማ🙏
አንተ የሰማዩ የምድሩ ጌታ
ካንተ ሌላ የለኝ አንተ ነህ አለኝታ
ከሁሉ ብቸኛ የምትሆን መከታ
እጆቼን ዘርግቼ በጠዋት በማታ
አንተኑ ልለምን ለብቸኛው ጌታ
በጣም ተፀፅቼ በሰራሁት ወንጀል
በፊትህ ቆሚያለው ምህረት በመከጀል
ይቅር ባይ ነህና(2) አጥያቴን ማርልኝ
የሁለቱም ሀገር ኑሮ እንዲያምርልኝ
በምድር ስኖር ሲገጥመኝ ፈተና
ታጋሽም እንድሆን በርትቼ እንድፀና
ፍቅር እንድትሰጠኝ በሰዎች መካከል
በሀጥያት ወድቄ እንዳልሰናከል
በትዕዛዝህ ልቁም በመልካም ጎዳና
በፀጋህ እንድጓዝ በመልካም ደመና
እባክህ ጌታዬ ልቤን ላንተ አስገዛት
ነብሴንም ውሰዳት ላንተ ብቻ አድርጋት
አንተ ታላቅ እሳት
እኛን ለማዳን በለበስካት
በእናትህ በድንግል ማርያም
በክብር ያለህ በአርያም
ፀሎቴም ይቺሁ ናት አባቴ አደራ
በላይ በሰማያት በበደል መዝገብ ስሜ እንዳይጠራ
አስተዋይ ልብ ስጠኝ አንተን እንድፈራ
✍️ገጣሚ ዘላለም ታደሰ
@kinexebebe
BY መንፈሳዊ ኪነ ጥበብ ብቻ
Share with your friend now:
tgoop.com/kinexebebe/8772