tgoop.com/klakavy/4752
Create:
Last Update:
Last Update:
प्रेम
प्रेमाला कुणी शब्दांत
कसे व्यक्त करावें,
अनंताला बांधण्याचे सामर्थ्य
शब्दांत कुठून यावे।
प्रेम खरंतर आपण फक्त अनुभवावे,
सर्व स्वार्थ सोडून
त्यात स्वतःला विरघळून द्यावे।।
ठरवून कुणी करावे
इतके संकुचित ते नसावे,
आपल्याला कधी फुलायचंय
हे फुलाने कसे ठरवावे।
उमललेल्या फुलापासून
भ्रमराने तरी स्वतःला का सावरावे,
माणसालाही कुणीतरी सांगावे
प्रेम हे असेच असावें।।
कुठल्याही एका नात्यामध्ये
प्रेमाला का जखडावे,
त्याचे अनंत अविष्कार पाहायला
हे आयुष्यही अपुरे पडावे।
ज्याला हे कळाले
त्याने स्वतःला भाग्यवान समजावे,
प्रार्थना फक्त एकच
हे भाग्य सर्वांन मिळावे।।
✒️सचिन सवाई
@klakavy
BY मराठी साहित्य
Share with your friend now:
tgoop.com/klakavy/4752