tgoop.com/ksiedwmoiled/129
Last Update:
مولود لطفله الحسين مولاتي رقيه عليها السلام
المستهل👇👇
بمولد الطفله رقيه
الدنيا فرحانه وزهيه
🌺....•❀◕‿◕❀•....🌺
سابع عشر شعبان مولدها هاليوم
گلبي من الفرحه كالطير ويحوم
زغيره عمر لكن تحمل هالعلوم
محروسه بالزهره وكل نبي ومعصوم
وبعلي حامي الحميه
وبعلي حامي الحميه
🌺....•❀◕‿◕❀•....🌺
فرحانه كل الناس بيها ومسعدين
واتوزع الجكليت واتطش رياحين
عزيزه الزهراء عزيزه حسين
أهديلها روحي والنفس والعين
كلها اقدمها هديه
كلها اقدمها هديه
🌺....•❀◕‿◕❀•....🌺
هالليله مرقدها يضوي ويشع نوره
والناس فرحانه وتهني مسروره
هنياله كلمن راح للمرقد يزوره
وبلهفه للشباج يشتم من عطوره
ويدعي بجاه الزجيه
ويدعي بجاه الزجيه
🌺....•❀◕‿◕❀•....🌺
كل شيعي هذا اليوم فرحان وينادي
ياربي يارحمن انطيني امرادي
بجاهك يداحي الباب جاه النبي الهادي
يزيل المرض عنه ويبرد افادي
انتظر منها عطيه
انتظر منها عطيه
🌺....•❀◕‿◕❀•....🌺
اتمنى هالحفله نسويها بارض الشام
واتعّود علينه بالخير في كل عام
ياريت تقبلني من ازغر الخدام
واصير من انصار دين الله والإسلام
كون بس ترضى عليه
كون بس ترضى عليه
🌺....•❀◕‿◕❀•....🌺
✍ الخادمه ام زيد الشمري
نسال •اللّـہ̣̥ القبول
ونسالكم الدعاء بتعجيل فرج مولانا صاحب العصر والزمان
https://www.tgoop.com/ksiedwmoiled
BY قناة قصائد لمواليد وافراح أهل البيت ع
Share with your friend now:
tgoop.com/ksiedwmoiled/129