tgoop.com/ksiedwmoiled/143
Last Update:
مولد السيده فاطمة المعصومه💐
هلـــــه بيـهـا يـاهلـــــه
كل محب صوته علــه
نــورت دنيــانــا
اخت الرضا مولانا
هلـــه بيـها يـاهلــــه
ــــــــــــــــــ✮💐✮ــــــــــــــــــ
هاي اخــت الرضا هاليوم مولدها
انهني فاطمــة والمصطفى جدها
اطلب يالموالي الحاجه من عدها
الخايف خل يلوذ ويگعد بسدهـا
يل تحل كل معضله
هلــه بيهـــا يـاهلـــه
ــــــــــــــــــ✮💐✮ــــــــــــــــــ
ذكـرى مولد فاطمه المعصومه
نــورت ذو القعـده بـأول يومـه
بالروايـه واضحـه ومفهومـــه
صدرت من النـبي هل معلومـه
الجنه بيده ايدخله
هلـــه بيها ياهلـــه
ــــــــــــــــــ✮💐✮ــــــــــــــــــ
يـاهله ومية هلـه مــــن زارها
اعتناها اتشــرف وطـب دارهـا
عارف ابحقها وعظيم اسرارها
مايشوف اجهنـم ولا نـارهـا
عدها اقره البسمله
هلـه بيهـــا ياهلــه
ــــــــــــــــــ✮💐✮ــــــــــــــــــ
يضمن الجنه النبي هوه اليگول
اليعتني ويزورها بنت الفحـول
الطاهره الحره شفاعـتها ينـول
ينجلي بعتابها وكــل هـم يزول
ما تضل كل مشكلـه
هلـــه بيـها ياهلــــه
ــــــــــــــــــ✮💐✮ــــــــــــــــــ
اليگصد المعصومه اخت الضامن
علي بـــن موسى الامـام الثـامـن
بالگلب والـــروح حبهــــم ساكـن
بـفضـل الله وهُـمه يرجــع أمـن
والگصدهـــا ادلله
هلـــه بيـها ياهلــــه
ــــــــــــــــــ✮💐✮ــــــــــــــــــ
اتشـرفت قـم ابقـدوم الطـاهـره
بالكرامـــه چـنهـا سبـع الگـنطره
تحضــر الينخـاهـا دنـيا واخــره
شمـا كتبت افضالها ابقه مقصره
هاي بت سيـد الملـه
هلـــه بيـها ياهلــــه
ــــــــــــــــــ✮💐✮ــــــــــــــــــ
تمـت بـعـون الله تعالـى
بـ✍🏻خادمـة الحسين "عليه السلام"
الملـه أم مـجتبـى
نسالكـم الدعـاء بتعجيل الفـرج لصاحـب الزمـان( عـج).
https://www.tgoop.com/ksiedwmoiled
BY قناة قصائد لمواليد وافراح أهل البيت ع
Share with your friend now:
tgoop.com/ksiedwmoiled/143