Onalar uchun kanal. Tavsiya etaman!

Doktorant Mohidilxon Abdullayevaning “O‘qing, onalar” onlayn maktabiga xush kelibsiz!

– Bepul turk tili darslari;
– Onalar uchun tavsiyalar;
– Birgalikda rivojlanish imkoniyati.

Takliflar uchun: @Dilshodbekqizii
Kanal havolasi: @Binafshaning_oyisi
https://www.tgoop.com/Binafshaning_oyisi

#maqol

Biz qalliqqa borganda, oy yorug‘ bo‘lar.

O‘zbek xalq maqoli

Kim nimani tushundi? Izohlarda yozing☺️☺️

@kumush_abdusalomova

***
Mening vujudimda yashaydi
Jununini yashirgan ayol.
Ketaman deb chog‘lanib, tag‘in
Tugunini yashirgan ayol.

Qora qozon va qumg‘on – cheki.
O‘choqboshda aylanar betin.
Qo‘llarida kosov-u, lekin
Chugunini yashirgan ayol.

Ko‘zlaridan namakob keldi.
Xayollari go‘zal, sof keldi –
Yana o‘sha eski lof keldi.
Xunugini yashirgan ayol.

Yaqinlashar umr o‘rtasi.
Yozmoq bo‘lar qalbi o‘rtansa.
Tuvakdagi gulin ko‘rsatar.
Yulg‘unini yashirgan ayol.

Ketkizay deb dildan g‘ashini,
Borgan edim tinglab sasini.
Ko‘ray desam tomoshasini,
Bugunini yashirgan ayol.

Mening vujudimda yashaydi
Jununini yashirgan ayol...

Kumush Abdusalomova

@kumush_abdusalomova

Shoirning konserti boshlandi!!!

Konsert zo‘r bo‘ldi! Shoirning qalami sinmasin!

Qaytishda yerosti yo‘lida yigitlar "Yuqqu-yaq"ni aytishyapti ekan. Olishga ulgurmadim. Shodmonqul Salomning she'rlariga hamohang, shunday tuyuldi. Har narsada hikmat bor!..

Konsertga borishda uydan biroz ertaroq chiqdim. Negadir avtobusga chiqqim keldi. Kutubxonaga qaysi avtobus borishini so‘rab oldim. 37 keldi. Chiqdim. Endi zavqlanishni boshlagandim. Yonimda naqd pul yo‘qligi esimga tushib qoldi. Hayotim juda onlinelashib ketgan ekan, deyarli naqd pul ishlatmay qo‘ygandim. Mobil ilovalar bilan ish bitirardim. Darrov "Atto" ilovasini saqlab oldim. Bir amallab, kartamni uladim. Manzil yaqinlashib qoldi. Yo‘lkirani to‘lolamanmi deb hijolat bo‘la boshladim. QR kodni yaqinlashtirsam, xatolik, xatolik bo‘laverdi. Atrofdan gapirish mumkin bo‘lgan odam qidirdim. Bir qizning yoniga o‘tirdim. "Men uchun to‘lab yuboring, sizga kartadan o‘tkazaman, ilova ishlamayapti" dedim. Qiz pul uzatdi. 2 ming so‘m. Shunga zor bo‘ldim-a?! Kartangizni ayting, desam, kartam yo‘q dedi. Unda raqamingizni ayting, dedim. Yana unamadi. Unda ismingizni ayting dedim. Mubina dedi. Bekatida tushib qoldi. Xudodan tugal baxt so‘radim unga. Dunyoda beminnat yordam qiladigan insonlar borligidan sevindim. Avtobusdan tushayotganda yana tavakkal qilib ilovadan to‘lashga urinib ko‘rgandim yo kallam, yo ilova ishlab ketdi. 2 ming ishlatilmadi xullas. Yerosti yo‘lidagi qo‘shiqchi bolalarga berib yubordim.

Men ko‘chaga chiqmay ekan-da:)))