Глядзім першы трэйлер да фільма «Месца прызначэння: Радавод»!

Новая частка франшызы жахлівікаў выйдзе ў траўні!

#ПунктПрызначэння

Дэбютны трэйлер да новай «Фантастычнай чацвёркі» выйдзе ўжо заўтра!

Пакуль – тызер.

#Marvel

Рычардс, Грым і два Штормы!

У чаканні першага трэйлера «Фантастычнай чацвёркі» глядзім на новы – няхай і не самы інфарматыўны – постар карціны!

#Marvel

🎥Што глядзець у лютым у кінатэатрах?

▪️«Капітан Амерыка: Смелы новы свет» – 35-ы фільм Кінасусвета Марвел і 4-ы – пра галоўнага супергероя Амерыкі. Гэты фільм з'яўляецца своеасаблівым працягам серыяла «Сокал і Зімні салдат», а ў цэнтры сюжэта знаходзіцца Сэм Уілсан, на долю якога выпала выратаваць Зямлю ад тэрарыстаў і Чырвонага Халка, ролю якога выканаў Харысан Форд.
Прэм'ера ў свеце — 14 лютага.
Прэм'ера ў Беларусі — другая палова лютага.

▪️«Усе мы ўяўляем святло» – вострасацыяльная драма Паял Кападыі раскажа гісторыю дзвюх жанчын, якія не могуць спакойна жыць праз рэлегійныя і сацыяльныя забабоны ў сучаснай Індыі. Карціна атрымала гран-пры журы на леташнім Канскім кінафестывалі.
Прэм'ера ў свеце — ужо адбылася.
Прэм'ера ў Беларусі — 20 лютага.

▪️«О, Канада» – рэфлексійная драма Пола Шрэдэра пра прапрацоўку былых траўм, якія таксама могуць сапсаваць жыццё цяперашняе. У галоўных ролях – Рычард Гір, Ума Турман і Джэйкаб Элордзі.
Прэм'ера ў свеце — ужо адбылася.
Прэм'ера ў Беларусі — 20 лютага.

▪️«Успаміны слімака» – утульны анімацыйны фільм, намінаваны на сёлетні Оскар, раскажа пра самотную жанчыну Грэйс, якая любіць чытаць танныя раманы пра каханне і калекцыянаваць дэкаратыўных слімакоў. Аднойчы ў яенае жыццё прыходзіць жанчына Пінкі, з якой яны становяцца добрымі сяброўкамі, пасля чаго жыццё Грэйс зменяецца цалкам і назаўжды. Мілы і ўтульны мультфільм у стылі «Марсэля: Ракавінкі ў ботах» і ранняга Уэса Андэрсана дакладна стане цудоўным кінадосведам, які не хочацца прапускаць.
Прэм'ера ў свеце — ужо адбылася.
Прэм'ера ў Беларусі — 27 лютага.

▪️«Малпа» – у цэнтры сюжэта новага жахлівіку Озгуда Перкінса – два блізняты, якія знаходзяць у старой шафе цацачную малпу, пасля чаго вакол іх здзяйсняюцца некалькі жорсткіх забойстваў. Фільм, зняты паводле аднайменнага апавядання Стывена Кінга, удала спалучае ў сабе элементы хорара і сітуацыйнай камедыі, дзякуючы чаму ствараецца запамінальны экспірыенс, што па духу нагадвае «Пункт прызначэння» і «Грэмлінаў».
Прэм'ера ў свеце — 14 лютага.
Прэм'ера ў Беларусі — 27 лютага.

#бягомукіно

📺Што глядзець у лютым дома?

Серыялы:

▪️«Непераможны» (3 сезон) – крывавы і вельмі захапляльны анімацыйны праект-дэканструкт супергероікі працягне гісторыю Майка Грэйсана і Омні-мэна.
Прэм'ера — 6 лютага на Amazon Prime.

▪️ «Белы лотас» (3 сезон) – працяг камедыйнага шоу, падзеі якога на гэты раз перамесцяцца ў Тайланд, каб у сваёй сатырычнай манеры зрабіць чарговы сацыяльны каментар. На гэты раз – у бок усходніх традыцый і прыняцця смерці.
Прэм'ера — 16 лютага на HBO.

▪️«Нулявы дзень» — палітычны трылер, у цэнтры сюжэта якога прэзідэнт у адстаўцы (Роберт Дэ Ніра), якому прыходзіцца ўстаць на чале расследавання буйной кібератакі, вынікам якой сталі шматлікія ахвяры.
Прэм'ера — 20 лютага на Netflix.

Фільмы:

▪️«5 верасня» – фільм, які расказвае пра трагічныя падзеі, якія адбыліся ў 1972 г. на Алімпіядзе, калі ізраільскія спартсмены былі захопленыя тэрарыстамі. Карціна Ціма Фільбаума – адзін з намінантаў на сёлетні Оскар у катэгорыі «Найлепшы арыгінальны сцэнар», таму, калі хочаце азнаёміцца з усімі прэтэндэнтамі на галоўную кінаўзнагароду, – прагляд абавязковы!
Прэм'ера на лічбавых носьбітах — 4 лютага.

▪️«Лепшы чалавек» — з душой зроблены баёпік пра Робі Уільямса з адной асаблівасцю: музыка ў карціне прадстаўлены як малпа. Крытыкі і гледачы у асноўным станоўча ацэньваюць карціну Майкла Грэйсі, адзначаючы творчы падыход і ўдалыя мастацкія рашэнні.
Прэм'ера на лічбавых носьбітах — 11 лютага.

▪️«Муфаса» – прыквел да гіперрэалістычнага «Караля Льва» 2019 года, які раскажа, што лагічна, пра бацьку Сімбы — Муфасу і яго станаўленне як лідара прайда.
Прэм'ера на лічбавых носьбітах— 18 лютага.

▪️«Прысутнасць» – Сцівен Содэрберг як вялікі аматар эксперыментаў з формай прадстаўляе карціну, якая раскажа пра сям'ю, што прыбывае ў новы дом, з пункту гледжання прывідаў, якія жывуць у ім.
Прэм'ера на лічбавых носьбітах – 25 лютага.

#бягомнаканапу

🔥Глядзім дэбютны трэйлер да фільма «Фантастычная чацвёрка» ад Marvel Studios!

Прэм'ера фільма пра адну з найважнейшых каманд Marvel – у ліпені.

#Marvel

Дачакаліся!

Першы погляд на Галактуса ў фільме «Фантастычная чацвёрка»!

#Marvel

І дэбютны постар да фільма!

#Marvel

Калі хтосьці сумняваўся, прадстаўнікі Marvel Studios пацвердзілі, што пры стварэнні постараў да «Фантастычнай чацвёркі» НЕ выкарыстоўваўся штучны інтэлект.

#Marvel