tgoop.com/lAfiteamoun/17944
Last Update:
كل اربعينه الناس تتعنه اهلهه وللكبر
بس الغريبه وعباس مو يمهه جا شنهو الامر
هيج انه حالي وغربتي
للموت تهمل دمعتي
هيج انه حالي. هيج انه حالي
...
عشت بغرب بين اجناب بعد السبي وايامه
وياگلبي من يومه الصار ماتت جميع احلامه
بعد الگمر شنهو يشوف غيرر الكفر جدامه
وياهو المثل حالي بهاي وگباله مات ايمامه
محد يمر بيه اليوم
عشت بگلب كله هموم
وهاي جانت قصتي
للموت تهمل دمعتي
.....
عباس اذكرك عباس كل مغربيه گبالي
يلماكو مثلك بناس ياخويه وبجي الحالي
من فرگتك ولليوم بس الحزن يبارلي
يلغالي صعبه انه انساك يالعايش بدلالي
محتاره خويه بهل راي
بعدك وحيده بدنياي
وهل سولفتلك حيرتي
للموت تهمل دمعتي
......
المن بعد واشكي الحال حته بدفنتي بعيده
الدفان مايدري بهاي هذا العمر ماريده
بس طلبه عندي بدنياي كون اندفن يم ايده
الماله اهل بين اجناب شنهو التمني يفيده
تمنيت ماصحت هاي
هل طلبه هيه بدنياي
تمنيت تبرد حسرتي
للموت وتهل دمعتي
.....
عباس خويه تمنيت انته التغمض عيوني
مو غربه تمشي الوياي بارض السبي يدفنوني
الشام يايوم الشام خيب جميع ضنوني
خلاني عن اهلي بعيد ولا يمهم يزورني
كون الگبر يم عباس
وتزورني وياه هل ناس
بس هيج صارت دفنتي
للموت تهمل دمعتي
.....
يتنومس بجيت هله الميت وهو بگبره
ولعدها مثلك كافلي يطوف الگبر والزهره
مشتاقه انه لخوتي العباس وجهك حضره
ويوم اربعيني هل اجت وبروحي صارت جمره
خلصت كل سنيني
وعباس مو يم عيني
ياهو ليفزعها اخوتي
للموت تهمل دمعتي
....
✍ابو سلام الجابري
✍باقر جبار الشويلي
BY الشاعرة مولاتي زينب
Share with your friend now:
tgoop.com/lAfiteamoun/17944