ما جذب نفسي وعلقها سوا حب الصعيبه
( درة ٍ من دونها الرجال .. يفتر : ما قربها )

جابها الله والقدر والحظ خلاها قريبه
والاحاسيس الجميله والقصايد هي سببها

صارت اكثر من مشاعر حب والهام وحبيبه
والجمال اللي عيوني غير شوفه ماعجبها

صورة ٍ من خلق ربي فالتواصيف العجيبه
وطيبه من طيب مجناها ومن طيّب نسبها

والله ان النفس ماترضى من الناس الغليبه
غير هي لحالها تقدر على النفس تغلبها

استلذيت المحبه مع مشاعرها الرحيبه
ومن غلاها صرت احب اللي يسير من عربها

لاجلها كل القصيد العذب لو تبغاه اجيبه
هي طراة الشعر والعمر وهوا الروح وطربها.

‏ابتسم لـ الصبح دام ان وجهك النيّر شراحه
‏لــ الصدور اللي عليها الحزن شيد له مباني

‏عندك خبر عينك بديله للأوطان
‏يقوله اللي شاااف فيها . . مربّه

‏وعندك خبر أجرك مُضاعف يافتّان
‏من شاف وجهك مانسى ذكر ربه :)

‏" كل العيون مرت مرور الكرام الا عُيونك "

‏قالوا ان الصحيح يصح وانت الصحيح
‏يا غريبٍ غديت اقرب ليّ مْن .. اهلي

‏كيف باطيع كبر السن واضعف واطيح
‏وانت .. الى حدتك الاقدار تزبن علي ")

تعالي في ذرى - ثوبي - تدّفي ما يجيك البرد
‏وفي صدري مكانك عن شقى الدنيا ومتاعبها.

كيف تاخذك الضنون وكيف تاخذك الملامه
‏وانتي اصلن ماخذا قلبك من العشاق غاري !