tgoop.com/labaykahoussein/91782
Last Update:
ابهالمصيبة ادموعي اجريهن حمر
وسفه عالكاظم يسمونه ابغدر
وسفه عالكاظم يِسِمّونه العده
و ماكو واحد من عمامه ايساعده
وين هاشم خل تجي و اتشاهده ؟
شلون سيدهم غده ابولية كفر
وين اولاده تجي واتشيعه ؟
اتشيل نعشه بكل وقار لمضجعه
گبل لتشيله حماميل أربعه
ليش ما جو أهله وشعدهم عذر ؟
ليش عالكاظم يضيگون الفضا ؟
يحضر ابخفيه و يجي بس الرضا
من يعينه اعلى الدفن لمن گضى؟
من يشيله اوياه ويوسده الگبر؟
بس اگول الكاظم اهناك اندفن
صح لَه تغسيل و بعد حصّل چفن
لهفي للعريان ظل منه البدن
ما حصل دفان اله ابذاك الظهر
الكاظم ابصحن الرطب جابوله سم
بس ابو السجاد سمه ابكل سهم
ابكل سهم ويلي يموت من الألم
سهم المثلث بعد ظيمه اشكثر؟
لمن الكاظم يفز من غشيته
ما لگه السجان قابض لحيته
-مختص بيوم العاشر-
-ولا لگه السیف اليحز ابرگبته-
ولاکو واحد چان جاثي اعلى الصدر
لاكو خیمة و لا بنات اتسلبت
و مرته من كعب الرمح ما حدبت
واخته محد شافها ابيوم انسبت
بس لبو السجاد صاير هالأمر
بس لبو السجاد هالحادث جرى
اتربع ابصدره اللعين ابخنجره
و زينب اتعاين لحاله ومنظره
و عالوجه گامت تدگّ اُمّ الخدر
هادي الزينبي
https://T.me/alialmarhoon14
BY خدام الإمام الحسين(ع)🚩 قصائد و مجالس
Share with your friend now:
tgoop.com/labaykahoussein/91782