tgoop.com/laeileealaneen/8330
Last Update:
#جديد
في استشهاد الإمام علي الهادي عليه السلام
وزن : الفائزي
.
.
بسامره هالليله جـرت أعظـم مصيبه
طلعت جنازه والحســن مشگوگ جيبه (1)
مسموم أويلي الهادي وممرود چبده
غمَض اعيونه وللمنيــه چفـه مــدّه
وابعالي صوته العسكري لن ناح عنده
وناداه يا بويه الصبر من وين أجيبه
ابفگدك يبويه هالکلب صعبه ايتصبّر
لأبچيك ما ليلي إجاني وصبحي أسفر
وإن چان تسألني عليّه يا هو الأكثــر
بگبرك لو شفت يا بوي شيباتك تريبه
يصعب عليه مِنّ أنزلك وسط التراب
وابگه يبويه بدنيتي ما لَيّــه أحبـاب
من نور وجهك يا حبيبي بالگبر غاب
روحي تظل يا بو الحسن بعدك غريبه
يم الگبر أنعـاك بــويه كل مسيه
وكل ليله أسمع يمك اونين الزچيه
واتگول آيبني الذي راح امن إديه
وجدد عليه امصيبة الجثه السليبه
_
#فاطمة_كريم
٢٠٢٤م
*(١) واكتظ الناس في موكب توديع وتشييع الإمام (ع)، *ثم خرج بعده أبو محمد (ع) حاسراً مكشوف الرأس ، مشقوق الثياب* وعليه مبطنة بيضاء ، وكان وجهه وجه أبيه عليه السلام لا يخطيء منه شيئا , الأنوار البهية للمحدّث القُمّي : 247 .
https://www.tgoop.com/qasaidfk128
BY ليالي الأنين الأولى
Share with your friend now:
tgoop.com/laeileealaneen/8330